Galesia 6:16 - Yesus Aqa Anjam Bole

¹⁶ Tamo kalil areqalo di ojsib dauryeqnub qaji naŋgi qa Qotei a tulaŋ are boleiyoqnsim sqas. Osim naŋgo are latetnjroqnqas. Tamo naŋgi di Qotei aqa tamo bole. Naŋgi Israel tamo tiŋtiŋ.

Galesia 6:16 ပူးပေါင်းရင်းမြစ်များ

Jon 1:47

Onaqa Nataniel a walwelosiq Yesus aqa areq beqnaqa unsiqa a qa marej, “Niŋgi uniye. Tamo di a Israel tamo bolequja. A gisaŋ anjam marosaieqnu.”

Jon 14:27

“E niŋgi uratŋgwa osiyqa nuŋgo are latetŋgwai. E segi are lawo na unum niŋgi degsib are lawo na sqajqa deqa e na nuŋgo are latetŋgwai. Mandam tamo uŋgasari naŋgi na degsib nuŋgo are latetŋgwa keresai. Deqa niŋgi are gulubeiŋgaiq. Osib ulaaib.

Jon 16:33

Niŋgi na e beterbosib are lawo na sqajqa deqa e na anjam endi niŋgi merŋgonum. Niŋgi mandamq endia sosib niŋgi gulube koba oqnqab. Deqa uŋgum. Niŋgi are siŋgilatiye. E segi na mandam endeqa siŋgila kalil gotraŋyosim tigelejunum.”

Rom 1:7

Qotei a na niŋgi tamo uŋgasari Rom qureq di unub qaji niŋgi tulaŋ qalaqalaiŋgeqnu. A na niŋgi metŋgej deqa niŋgi aqa segi tamo uŋgasari unub. O was qu, e anjam endi neŋgreŋyosim niŋgi qa qariŋyonum. Gago Abu Qotei wo Tamo Koba Yesus Kristus wo naŋgi aiyel niŋgi qa are tulaŋ boleinjrimqa niŋgi lawo na soqniye.

Rom 4:12

A tamo naŋgi muluŋ aieqnub qaji naŋgo moma matu dego. Ariya tamo naŋgi naŋgo jejamu laŋa oqnsib muluŋ aieqnub qaji a naŋgo moma matu sai. Tamo naŋgi muluŋ aioqnsib olo Abraham aqa kumbra dego dauryosib Qotei qa naŋgo areqalo siŋgilateqnub qaji a naŋgo moma matu bole. Agi gago moma matu Abraham aqa kumbra agiende. A muluŋ aiosaisosiqa Qotei qa aqa areqalo siŋgilatej.

Galesia 1:3

Es was qu, gago Abu Qotei naŋgi Tamo Koba Yesus Kristus wo naŋgi aiyel niŋgi qa are boleinjrimqa niŋgi lawo na soqniye.

Galesia 3:29

Niŋgi Kristus aqa segi tamo unub deqa niŋgi Abraham aqa aŋgro tiŋtiŋ dego unub. Agi niŋgi segi na iŋgi bole bole Qotei a nami Abraham aqa leŋ naŋgi enjrqajqa marej qaji di oqab.

Galesia 5:16

Ijo anjam agiende. Qotei aqa Mondor na niŋgi gam osorŋgim aqa kumbra na walweloqniye. Degsib walwelqab di niŋgi nuŋgo areqalo uge uge namij dauryqasai.

Galesia 5:25

Qotei aqa Mondor na iga ŋambile egej deqa a na gam osorgim iga aqa kumbra na walweloqnqom.

Efesus 6:23

O Kristen was qu kalil, Abu Qotei wo Tamo Koba Yesus Kristus wo naŋgi aiyel na nuŋgo are latetŋgebe. Osib niŋgi aqaryaiŋgibqa niŋgi naŋgi aiyel qa nuŋgo areqalo siŋgilatoqnsib qalaqalaiyo kumbra dauryoqniye.

Filipai 3:16

Ariya kumbra bole iga ojsim dauryeqnum qaji di iga siŋgila na ojesqom.

Filipai 3:3

Ariya iga Israel tamo tiŋtiŋo unum. Agi iga Qotei aqa aŋgro unum. Iga muluŋ bole aio qaji. Deqa iga Qotei aqa Mondor aqa siŋgila na Qotei qa louoqnsim Kristus Yesus aqa ñam soqteqnum. Iga qalie, tamo naŋgo jejamu na kumbra dauryqab kumbra dena naŋgi aqaryainjrqa keresai bolesai.

Filipai 4:7

Niŋgi degyibqa Qotei aqa lawo kumbra na nuŋgo are miligi ti nuŋgo areqalo ti taqatetŋgimqa niŋgi geregere lawo na sqab. Kumbra dena niŋgi Kristus Yesus beteryesqab. Qotei aqa kumbra di tulaŋ bolequja. Deqa kumbra di aqa utru iga torei dauryosim itqa keresai.

1 Pita 1:3

Iga gago Tamo Koba Yesus Kristus aqa Abu Qotei aqa ñam soqtoqnqom. Qotei a iga qa tulaŋ dulosiqa Yesus Kristus olo subq na tigeltej. Gam dena Qotei na iga ŋambile bunuj egej. Ŋambile bunuj dena iga siŋgilatgejunu deqa iga iŋgi bole bole Qotei na mondoŋ egwas qaji deqa tariŋoqnsim unum.

Jut 1:2

Qotei a niŋgi qa are tulaŋ boleiyimqa niŋgi geregere lawo na sosibqa qalaqalaiyo kumbra dauryoqniye.