Galesia 6:15 - Yesus Aqa Anjam Bole

¹⁵ Iga muluŋ aiqom di laŋa. Iga muluŋ aiqasai di dego laŋa. Ariya Qotei na iga tamo uŋgasari bunuj gereigej di kumbra utru ti.

Galesia 6:15 ပူးပေါင်းရင်းမြစ်များ

Rom 2:26

Ariya tamo bei muluŋ aiosai qaji a dal anjam kalil dauryekritqas di a tamo naŋgi muluŋ aieqnub qaji naŋgi bul sqas.

Rom 2:28

Tamo bei a laŋa babaŋ na Juda tamo sqas di a Juda tamo bolesai. Aqa jejamu segi osim muluŋ aiqas di aqa muluŋ bolesai.

Rom 6:4

Iga yanso osim dena iga Kristus beteryosim a koba na moiobulem. Deqa Abu Qotei na iga Kristus koba na subq atej. Osiqa aqa siŋgila kobaquja na olo Kristus subq na tigeltej. Deqa iga dego a ti ŋambile bunuj em. Deqa iga kumbra bole dauryoqnqom.

Rom 8:1

O was qu, iga Kristus Yesus beteryejunum deqa dal anjam na gago une qa iga olo mergwa keresai. Deqa iga gago une qa olo awai uge oqasai.

1 Korin 7:19

Niŋgi muluŋ aieb kio niŋgi muluŋ aiosai kio di laŋa. Ariya niŋgi Qotei aqa dal anjam dauryqab di kumbra bole utru ti.

2 Korin 5:17

Deqa tamo bei a Kristus beteryesqas di Qotei na aqa are bulyetimqa a tamo bunuj brantqas. Niŋgi quiye. Aqa kumbra namij torei koboqo. Kumbra bunuj olo brantqo.

Galesia 5:6

Tamo a Kristus Yesus beteryesqas di a marqas, iga muluŋ aiqom di laŋa. Iga muluŋ aiqasai di dego laŋa. Ariya iga Kristus qa gago areqalo siŋgilatosim dena iga qalaqalaiyo kumbra dauryoqnqom di kumbra bole utru ti.

Efesus 2:10

Kristus Yesus aqa wau na Qotei na iga tamo uŋgasari bunuj gereigosiqa ŋambile egej. Di kiyaqa? Kumbra bole qa gam a na nami iga gereiyetgej qaji di iga dauryosim walweloqnqajqa deqa.

Efesus 2:15

A moiej gam dena a na Moses aqa dal anjam kalil taqal atekritej. A degyej. Di kiyaqa? A na Juda tamo naŋgi ti sawa bei bei qaji tamo naŋgi ti turtnjrim naŋgi tamo bunuj qujaiosib sqajqa deqa. Kumbra dena a na jeu kobotosiqa iga lawo kumbraq di atej unum.

Efesus 4:24

Osib dena niŋgi tamo uŋgasari bunuj soqniye. Qotei na niŋgi a bul sqa marsiq deqa nuŋgo so bunuj gereiyetŋgej. Niŋgi qalie, tamo naŋgi so bunujq di unub qaji naŋgo kumbra tulaŋ bole tiŋtiŋo. Naŋgi Qotei aqa segi kumbra boleq di unub.

Filipai 3:3

Ariya iga Israel tamo tiŋtiŋo unum. Agi iga Qotei aqa aŋgro unum. Iga muluŋ bole aio qaji. Deqa iga Qotei aqa Mondor aqa siŋgila na Qotei qa louoqnsim Kristus Yesus aqa ñam soqteqnum. Iga qalie, tamo naŋgo jejamu na kumbra dauryqab kumbra dena naŋgi aqaryainjrqa keresai bolesai.

Uli Anjam 21:5

Onaqa Qotei a awo jaram kobaq di awesosiq marej, “Niŋgi quiye. E iŋgi iŋgi kalil bunuj atonum.” Osiqa merbej, “Ni anjam kalil endi neŋgreŋye. Anjam endi bole kalil. Tamo naŋgi qusib marqab, ‘Bole.’”