Galesia 6:14 - Yesus Aqa Anjam Bole

¹⁴ Ariya e ijo segi ñam soqtqa keresai. E tamo bei aqa ñam dego soqtqa keresai. E Yesus Kristus aqa ñam segi soqtqai. A ŋamburbasq di moiej e deqa segi areboleboleibeqnu. Kristus a ŋamburbasq di moiej aqa wau dena mandam qa kumbra kalil ijo areqaloq di unu qaji di moiobuleb. E segi dego ŋamburbasq di moiobulem deqa e olo mandam qa kumbra dauryqa keresai.

Galesia 6:14 ပူးပေါင်းရင်းမြစ်များ

Luk 20:16

E niŋgi merŋgwai. A bosim naŋgi ñumsim moiotnjrqas. Osim aqa wau di olo yainjrsim tamo qudei naŋgo baŋq di uratetnjrimqa naŋgi na taqatqab.” Yesus a na naŋgi yawo anjam degsi minjrnaqa naŋgi qusib kamba minjeb, “Wau taqato tamo naŋgo kumbra di tulaŋ uge. Naŋgi kumbra deqaji yaib.”

Rom 1:16

E Yesus aqa anjam bole di marqajqa jemaibosaieqnu. Di kiyaqa? Anjam bole di Qotei aqa siŋgila ti unu. Siŋgila dena Qotei na tamo kalil Yesus qa naŋgo areqalo siŋgilateqnub qaji naŋgi padalqa gamq dena olo eleŋeqnu. A namoqna Juda naŋgi eleŋej. Ariya a na olo tamo uŋgasari sawa bei beiq di unub qaji naŋgi dego eleŋqas.

Rom 6:2

Sai. Iga moiobulem deqa iga une aqa kumbra uratem. Deqa iga kiersim olo une yoqnqom?

Rom 6:6

Iga qalie, gago areqalo namij a Kristus ombla ŋamburbasq di moiej. Yim une aqa siŋgila gago jejamuq di waueqnu qaji di koboqajqa deqa. Deqa bini iga olo une aqa sorgomq di sqasai.

1 Korin 1:23

Ariya Kristus a ŋamburbasq di moiej anjam di iga palontsim laqnam Juda naŋgi quoqnsib gisaŋ qa mareqnub. Grik naŋgi dego anjam di quoqnsib nanari qa mareqnub.

1 Korin 15:58

Deqa ijo was bole, niŋgi siŋgila na soqniye. Sosib niŋgi Tamo Koba Yesus qa waukobaoqniye. Niŋgi wau di urataib. Niŋgi qalie, niŋgi Tamo Koba Yesus aqa wau ojeqnub di uloŋqa keresai. Deqa niŋgi gaigai Tamo Koba Yesus aqa wau siŋgila na yoqniye.

1 Korin 2:2

E endegsi are qalem. E nuŋgo ambleq di sosiyqa e Yesus Kristus qa segi niŋgi merŋgoqnqai. A ŋamburbasq di moiej anjam di segi niŋgi merŋgoqnqai. E anjam bei niŋgi merŋgwasai. E degsi are qalem.

1 Korin 3:21

Deqa niŋgi na tamo naŋgo ñam soqtoqnaib. Iŋgi iŋgi kalil di nuŋgo.

2 Korin 11:12

Ariya tamo qudei naŋgi naŋgo segi ñam soqtqajqa gam ŋameqnub. Yim naŋgi tamo kalil naŋgo ŋamgalaq di iga bul sqajqa deqa. Ariya e na olo naŋgo gam di getentetnjrqajqa waueqnum. E degyoqnsiy sqai.

Galesia 1:4

Kristus a gago Abu Qotei aqa areqalo dauryosiq deqa a gago une kobotqa marsiqa aqa segi ŋambile uratosiq moiej. A na iga eleŋamqa iga mandam qa kumbra uge kalil uratqajqa deqa marsiq iga qa moiej.

Galesia 2:17

Ariya iga Kristus qa gago areqalo siŋgilateqnum gam dena iga Qotei aqa ŋamgalaq di tamo bole une saiqoji unum. Deqa tamo qudei naŋgi iga endegsib mergwab, “Niŋgi sawa bei bei qaji tamo naŋgi bulosib deqa niŋgi une ti unub.” Naŋgi iga degsib mergibqa iga kamba endegsi minjrqasai, “Od, Kristus na iga uneq breigej unum.” Iga degsi minjrqasai.

Galesia 2:19

Ariya dal anjam a na e moio qa gamq di waibej. Osiqa e moiotbej. Gam dena e bini Qotei ombla ŋambile unum. E Kristus ombla na ŋamburbasq di gaiŋosim moiem.

Galesia 2:20

Osim e olo ŋambile bunuj em. Ariya ŋambile di ijo segi ŋambile sai. Kristus a segi ijo are miligiq di ŋambile unu. Deqa bini kumbra kalil e mandamq endi yeqnum qaji di e Qotei aqa Ŋiri qa ijo areqalo siŋgilatosim yeqnum. Agi Qotei aqa Ŋiri a na e tulaŋ qalaqalaibosiq deqa a aqa segi ŋambile uratosiq e qa moiej.

Galesia 3:21

E endegsi marqai kio? Dal anjam a na iŋgi bole bole Qotei a nami iga egwa marej qaji di jeuteqnu. E degsi marqasai. Qotei na dal anjam bei iga ŋambile egwajqa di egej qamu iga dal anjam dauryqom gam dena iga tamo bole une saiqoji so qamu.

Galesia 5:24

Tamo kalil Kristus Yesus beteryejunub qaji naŋgi na naŋgo areqalo namij ti naŋgo are prugnjrqajqa kumbra ti kalil ŋamburbasq di qamnab moiej.

Filipai 3:18

Kristus a ŋamburbasq di moiej anjam di tamo gargekoba naŋgi na jeuteqnub. E naŋgo kumbra deqa bati gargekoba niŋgi saiŋgoqnem. Deqa bini e akam ti olo niŋgi saiŋgeqnum.

Filipai 3:3

Ariya iga Israel tamo tiŋtiŋo unum. Agi iga Qotei aqa aŋgro unum. Iga muluŋ bole aio qaji. Deqa iga Qotei aqa Mondor aqa siŋgila na Qotei qa louoqnsim Kristus Yesus aqa ñam soqteqnum. Iga qalie, tamo naŋgo jejamu na kumbra dauryqab kumbra dena naŋgi aqaryainjrqa keresai bolesai.

Kolosi 2:20

Niŋgi Kristus koba na moreŋeb deqa niŋgi mondor uge uge laŋ ti mandam ti taqatejunub qaji naŋgo sorgomq di sosai. Deqa kiyaqa niŋgi olo mandam tamo naŋgo kumbra dauryeqnub? Kiyaqa niŋgi naŋgo dal anjam dego dauryeqnub?