Galesia 5:5 - Yesus Aqa Anjam Bole

⁵ Ariya iga degyosaieqnum. Iga Qotei aqa Mondor aqa siŋgila na Qotei qa gago areqalo siŋgilatoqnsim mondoŋ a na iga tamo bole une saiqoji qa mergwajqa deqa tariŋoqnsim unum.

Galesia 5:5 ပူးပေါင်းရင်းမြစ်များ

Rom 5:21

Une aqa kumbra na moio babtej deqa une na iga siŋgila na taqatgesoqnej. Ariya bini Qotei a iga qa are tulaŋ boleiyeqnu aqa kumbra dena iga olo taqatgejunu. Gago Tamo Koba Yesus Kristus aqa wau na Qotei a iga qa are tulaŋ boleiyoqnsiqa iga tamo bole une saiqoji qa mergeqnu. Kumbra dena iga ŋambile gaigai sqom.

1 Korin 1:7

Deqa niŋgi gago Tamo Koba Yesus Kristus a olo bqajqa tariŋoqnsib unub. Niŋgi Qotei aqa Mondor aqa siŋgila ti unub. Niŋgi aqa siŋgila bei qa truquosaieqnub.

Efesus 2:18

Kristus aqa wau na iga koba na Mondor qujai ejunum. Deqa iga are qujaitosim unum. Mondor dena gam waqtetgej deqa iga gaigai gago Abu Qotei aqa ulatamuq di brantoqnqom.

Filipai 3:9

Osiy a segi beteryesqai. E dal anjam dauryqai gam dena e Qotei aqa ŋamgalaq di tamo bole sqa keresai. Gam bei na e tamo bole sqai. Gam agiende. E Kristus qa ijo areqalo siŋgilatqai. Od, iga Kristus qa gago areqalo siŋgilatqom gam dena qujai Qotei na iga mergwas, “Niŋgi ijo ŋamgalaq di tamo bole une saiqoji unub.”

1 Tesalonaika 1:10

Mondoŋ Qotei aqa Ŋiri a laŋ qureq dena olo bqas deqa bini niŋgi a qa tariŋoqnsib unub. A moinaqa Qotei na olo subq na tigeltej. Di Yesus a segi qujai. A na iga eleŋej deqa mondoŋ Qotei aqa minjiŋ oqwa bati boqnimqa iga aqa minjiŋ di turqasai. Iga so bole gaigai sqom.

2 Tesalonaika 3:5

Gago areqalo agiende. Tamo Koba Qotei a na nuŋgo areqalo gereiyetŋgimqa niŋgi aqa qalaqalaiyo kumbra geregere qalieosib dauryoqniye. Osib Kristus a nami siŋgila na tigelosiq gulube qoboiyoqnej dego kere niŋgi dego siŋgila na tigeloqnsib gulube qoboiyoqniye.

2 Timoti 4:8

Tamo naŋgi gurgu-roqnsib bubuŋeqnub di naŋgi awai oqajqa. Ariya ijo awai bole agi Qotei a laŋ goge dia atej unu. E awai di oqajqa deqa tariŋoqnsim unum. Ijo awai agiende. Mondoŋ Tamo Koba Qotei na e tamo bole une saiqoji qa merbqas. Di ijo awai bole. Tamo Koba Qotei a kumbra tiŋtiŋ na tamo uŋgasari naŋgo kumbra qa naŋgi peginjreqnu. Ariya Qotei na naŋgi peginjrqajqa batiamqa a na awai bole di e ebqas. A e segi awai ebqasai. Tamo kalil Yesus a laŋ goge dena brantim unqajqa deqa areboleboleinjreqnaqa tariŋeqnub qaji naŋgi ti awai bole egwas.

Taitus 2:13

Osim iŋgi tulaŋ boledamu iga mondoŋ oqom qaji di unqajqa areboleboleigoqnimqa tariŋoqnsim sqom. Yesus Kristus a segi Qotei. A siŋgila koba. A na iga eleŋej. Mondoŋ a wala bole ti riaŋ koba ti Qotei aqa siŋgila ti di osim laŋ qureq dena bqas. Iga di unqajqa tariŋoqnsim unum.