Galesia 5:14 - Yesus Aqa Anjam Bole

¹⁴ Anjam qujai bei dego endegsi unu, “Ni ino segi jejamu gereiyeqnum dego kere ni ino was naŋgi dego degsim geregereinjroqne.” O was qu, anjam qujai dena dal anjam kalil kabutejunu.

Galesia 5:14 ပူးပေါင်းရင်းမြစ်များ

Matyu 7:12

“Kumbra kalil tamo uŋgasari naŋgi na niŋgi eŋgwajqa arearetŋgwo qaji kumbra di niŋgi na olo naŋgi enjroqniye. Niŋgi kumbra di dauryqab di niŋgi Moses aqa dal anjam ti Qotei aqa medabu o qaji tamo naŋgo anjam ti kalil keretsib dauryqab.”

Mak 12:31

Ariya dal anjam deqaji bei dego mermqai. ‘Ni ino segi jejamu gereiyeqnum dego kere ino was naŋgi dego degsim geregereinjroqnime.’ Dal anjam boledamu aiyel agi mermonum. Dal anjam deqaji bei saiqoji.”

Mak 12:33

Iga a tulaŋ qalaqalaiyosim gago are miligi ti gago powo ti gago siŋgila ti kalil a yekritqom di kumbra bolequja. Iga gago segi jejamu gereiyeqnum dego kere gago was naŋgi geregereinjroqnqom di dego kumbra bolequja. Dal anjam aiyel di tulaŋ boledamu. Iga Qotei atraiyqom di laŋa kiñala. Iga iŋgi bei ŋamyuo na koitsim Qotei atraiyqom di dego laŋa kiñala. Ariya iga dal anjam aiyel di dauryqom di tulaŋ bolequja.”

Jon 13:34

Endego e dal anjam bunuj eŋgwai. Dal anjam bunuj agiende. Niŋgi nuŋgo was naŋgi qalaqalainjroqniye. E niŋgi qalaqalaiŋgeqnum dego kere niŋgi kamba dego nuŋgo was naŋgi qalaqalainjroqniye.

Galesia 1:6

Kristus a niŋgi qa are tulaŋ boleiyej aqa kumbra dena Qotei na niŋgi aqa segi tamo uŋgasari sqa marsiq metŋgej. Ariya niŋgi olo urur Qotei qoreiyosib Kristus aqa anjam bole dauryqa uratosib olo anjam bei dauryeqnub. E nuŋgo kumbra deqa tulaŋ prugugetonum.

Galesia 6:2

Niŋgi na nuŋgo Kristen was naŋgi aqaryainjroqnsib naŋgo gulube qoboiyetnjroqniye. Degsib qoboiyoqnqab kumbra dena niŋgi Kristus aqa dal anjam keretosib dauryqab.

1 Timoti 1:5

Ariya Qotei na iga aqa wau ojqajqa mergeqnu. Aqa wau agiende. Iga na tamo uŋgasari naŋgi Yesus aqa anjam minjroqnim naŋgi a qa naŋgo areqalo siŋgilatosib dena naŋgi Qotei aqa ŋamgalaq di une saiqoji sqab. Sosib kumbra dena naŋgo areqalo tigeltetnjroqnim naŋgi qalaqalaiyo kumbra dauryoqnqab.