Galesia 5:11 - Yesus Aqa Anjam Bole

¹¹ O was qu, e tamo naŋgi muluŋ aiqajqa minjroqnem qamu kiyaqa jeu tamo naŋgi na e ugeugeibeqnub? E tamo naŋgi muluŋ aiqajqa minjroqnem qamu jeu tamo naŋgi na ŋamburbas qa anjam jeutosai qamu.

Galesia 5:11 ပူးပေါင်းရင်းမြစ်များ

Aposel 16:3

Onaqa Pol a Timoti osim ombla na walwelqajqa marsiqa a osiq muluŋ waiyej. Di kiyaqa? Juda tamo uŋgasari sawa dia soqneb qaji naŋgi endegsib qalieeb, “Timoti aqa siqali a Grik qaji tamo.” Naŋgi degsib qalieeb deqa Pol na Timoti osiq muluŋ waiyej.

Aposel 21:21

Deqa tamo qudei naŋgi na ino jejamu laŋa gisaŋyoqnsib Juda naŋgi endegsib minjreqnub, ‘Pol a na Juda tamo uŋgasari sawa bei beiq di unub qaji naŋgi Moses aqa dal anjam dauryqa saidnjroqnsiq endegsi minjreqnu, “Nuŋgo aŋgro naŋgi muluŋ breinjraib. Juda kumbra dego Moses nami merŋgej qaji di uratiye. Di dauryaib.” ’ Naŋgi degsib ino jejamu laŋa gisaŋyoqnsib Juda tamo uŋgasari naŋgi minjreqnub.

1 Korin 1:18

Tamo naŋgi padalqa gamq di unub qaji naŋgi mareqnub, “Kristus a ŋamburbasq di moiej anjam di nanari anjam.” Ariya iga Qotei na eleŋeqnu qaji iga mareqnum, “Kristus a ŋamburbasq di moiej anjam di Qotei aqa siŋgila ti unu.”

1 Korin 1:23

Ariya Kristus a ŋamburbasq di moiej anjam di iga palontsim laqnam Juda naŋgi quoqnsib gisaŋ qa mareqnub. Grik naŋgi dego anjam di quoqnsib nanari qa mareqnub.

1 Korin 15:30

Iga Kristus aqa anjam mare mare laqnsim tamo uŋgasari naŋgi endegsi minjreqnum, “Tamo moreŋeb qaji naŋgi olo subq na tigelqab.” Iga wau di yeqnum deqa tamo gargekoba naŋgi iga qa ŋiriŋoqnsib bati gaigai iga padaltqa laqnub. Ariya tamo moreŋeb qaji naŋgi olo subq na tigelqasai anjam di bole qamu iga kiyaqa Kristus aqa wau di ojoqnsim laqnum?

Galesia 2:3

Bati deqa Taitus a e ombla soqnej. Taitus a Grik qaji tamo. Ariya Kristen gate naŋgi e na Taitus osiy muluŋ waiyqa merbosai.

Galesia 3:1

O Galesia tamo, niŋgi tulaŋ nanari. Iga nami niŋgi Yesus Kristus osorŋgem. Kumbra dena niŋgi a ŋamburbasq di gaiŋesonaq unobuleb. Ariya tamo yai na nuŋgo areqalo olo niñaqyetŋgej deqa niŋgi Kristus aqa anjam olo urateqnub?

Galesia 4:29

Ariya Abraham a mandam tamo naŋgo kumbra dauryosiq deqa a Hagar wo ŋereŋosib aŋgro qujai Ismael ŋambabteb. Onaqa Ismael a na Sara aqa aŋgro Aisak jeutoqnsiqa ugeugeiyoqnej. Aisak agi Qotei aqa Mondor aqa siŋgila na ŋambabej. Dego kere bini iga Qotei aqa Mondor ti unum deqa jeu tamo naŋgi na iga dego jeutgoqnsibqa ugeugeigeqnub.

Galesia 6:12

Niŋgi quiye. Tamo naŋgi niŋgi muluŋ breiŋgwa siŋgilaeqnub qaji naŋgi ñam koba ti sqajqa deqa yeqnub. Naŋgi tamo naŋgi qa ulaoqnsib deqa endegsib are qaleqnub, “Iga Kristus aqa ŋamburbas qa anjam gago areqaloq di siŋgilatimqa tamo naŋgi di unsib iga ugeugeigaib deqa iga na tamo naŋgi muluŋ breinjrqom.” Naŋgi degsib are qaleqnub.

Galesia 6:17

Tamo bei na e olo gulube bei ebaiq. Nami jeu tamo naŋgi na e luboqneb. E luboqneb qaji pirigi agi ijo jejamuq di unu. Niŋgi di unsib endegsi poiŋgwas, “Bole, Pol a Yesus aqa wau tamo bole.”