Galesia 5:10 - Yesus Aqa Anjam Bole

¹⁰ Ariya e niŋgi qa ijo areqalo siŋgilatosim endegsi maronum, Tamo Koba Qotei na niŋgi aqaryaiŋgimqa niŋgi ijo areqalo dauryosib areqalo uge uge di olo uratoqnqab. Tamo yai naŋgi na nuŋgo areqalo niñaqyetŋgwa waueqnub di e qaliesai. Ariya uŋgum, tamo naŋgi di naŋgo une deqa awai ugedamu oqab.

Galesia 5:10 ပူးပေါင်းရင်းမြစ်များ

Aposel 15:24

Iga nami anjam endegsi quem. Tamo qudei naŋgi gago ambleq na tigelosib nuŋgoq gilsib naŋgo segi areqalo na anjam bei merŋgsib dena nuŋgo areqalo niñaqyetŋgeb. Tamo naŋgi di iga na qariŋnjrosai.

1 Korin 5:5

Niŋgi koroesosibqa tamo di ojsib Satan aqa baŋq di atibqa Satan na a osim aqa jejamu gulube yqas. Yim mondoŋ Tamo Koba Yesus a olo bqajqa batiamqa Qotei na tamo di aqa qunuŋ olo oqas.

2 Korin 1:15

E niŋgi qa ijo areqalo siŋgilatosim endegsi maronum, niŋgi ijo kumbra kalil qa areboleboleiŋgwas. Utru deqa e nami anjam endegsi qosem, e mati niŋgi qa bosiy nuŋgsiy olo niŋgi uratŋgsiy Masedonia sawaq gilsiy dena puluosiy bosiy niŋgi olo nuŋgwai. Deqa bati aiyel e niŋgi nuŋgwajqa are qalem. Yim ijo kumbra dena Qotei na niŋgi gereiŋgoaiyeltŋgwajqa deqa. E niŋgi olo uratŋgsiy Judia sawaq aiqa laqnitqa niŋgi silali qa aqaryaibibqa e gamq dia iŋgi bei qa truquaim deqa are qalem.

2 Korin 10:2

Ijo anjam agiende. E niŋgi qa bqai di e niŋgi qa bosiy anjam siŋgila na merŋgwasai. E laesqai. Ariya e are qalonum, nuŋgo ambleq di tamo qudei naŋgi iga qa endegsib mareqnub, iga mandam tamo naŋgo kumbra dauryosim laqnum. Naŋgi iga qa degsib mareqnub deqa e niŋgi qa bosiy tamo naŋgi di anjam siŋgila na minjrqai. E laesqasai.

2 Korin 10:6

Deqa iga niŋgi qa tariŋeqnum. Niŋgi gago anjam kalil dauryekritibqa ariya tamo kalil Qotei aqa anjam gotraŋyeqnub qaji naŋgi di iga na olo ŋolawotnjrqom.

2 Korin 13:10

Tamo Koba Qotei a na e siŋgila ebej deqa e aqa wau taqateqnum. E isaq endi sosim anjam neŋgreŋyonum. Di kiyaqa? E niŋgi qa bosiy e nuŋgo kumbra tingitetŋgwa osiy e anjam siŋgila na merŋgwasai. Tamo Koba Qotei na e niŋgi siŋgilatŋgwajqa deqa wau ebej. E niŋgi ugetŋgwajqa deqa wau ebosai.

2 Korin 2:3

Deqa e niŋgi qa olo bosiy are gulube oqa uratonum. Utru deqa e nami anjam bei di neŋgreŋyosim niŋgi qa qariŋyem. O was qu, e qalieonum, e iŋgi bei qa areboleboleibqas di niŋgi kalil dego e ti koba na areboleboleigwas.

2 Korin 2:6

Ariya nuŋgo ambleq di tamo gargekoba naŋgi tamo di aqa une qa minjsib awai uge yeb di kereqo.

2 Korin 5:16

Deqa bini iga areqalo namij dauryosim tamo uŋgasari naŋgo kumbra qa peginjrosaieqnum. Bole, nami iga areqalo namij na Kristus aqa kumbra qa pegiyoqnem. Ariya bini iga olo kumbra dena a pegiyosaieqnum.

2 Korin 7:16

E niŋgi qa qalieonum, niŋgi kumbra bole yoqnsib sqab. Deqa e niŋgi qa tulaŋ areboleboleibeqnu.

2 Korin 8:22

Ariya iga olo gago Kristen was bei dego qariŋyonam a Taitus wo was de wo naŋgi aiyel daurnjrsiq koba na niŋgi qa gileb. Was bei di agi iga nami bati gargekoba aqa kumbra tenemtoqnem. A Qotei aqa wau ojqajqa tulaŋ siŋgilaoqnej iga degsi unoqnem. A niŋgi qa qalieosiq deqa mareqnu, “Korin Kristen naŋgi kumbra bole yqab.” A degsi mareqnu deqa bini a silali koroiyqajqa wau endi ojqajqa tulaŋ siŋgilaeqnu.

Galesia 1:7

Ariya anjam bole bei saiqoji. Sai bolesai. Tamo qudei naŋgi nuŋgo areqalo niñaqyetŋgwa wauoqnsib deqa naŋgi Kristus aqa anjam bole di olo bulbulyeqnub.

Galesia 2:4

Bole, Kristen tamo qudei naŋgi uli na gago koro miligiq aieb. Naŋgi Kristen tamo bolesai. Naŋgi gisaŋ tamo. Nami iga dal anjam aqa sorgomq di soqnem bati deqa Kristus Yesus a na iga olo eleŋej deqa dal anjam na iga olo taqatgosai. Ariya tamo naŋgi di gago kumbra di lumu na unqajqa deqa gago koro miligiq aieb. Naŋgi na iga olo osib dal anjam aqa sorgomq di atqajqa deqa are qalsib gago koro miligiq aieb.

Galesia 2:6

Tamo qudei naŋgi Kristen gate kokba. Naŋgi ñam ti. Ariya ijo areqalo agiende. Naŋgi gate kokba kio sai kio di laŋa. Qotei a tamo naŋgo ñam qa are qalosaieqnu. Ariya e na tamo ñam ti naŋgi di ijo wau ubtsim minjrnamqa naŋgi mareb, “Di kere.” Naŋgi olo anjam bei e merbosai.

Galesia 3:1

O Galesia tamo, niŋgi tulaŋ nanari. Iga nami niŋgi Yesus Kristus osorŋgem. Kumbra dena niŋgi a ŋamburbasq di gaiŋesonaq unobuleb. Ariya tamo yai na nuŋgo areqalo olo niñaqyetŋgej deqa niŋgi Kristus aqa anjam olo urateqnub?

Galesia 4:11

E nuŋgo kumbra deqa are qalsim deqa e ulaeqnum. Wau kalil e nami nuŋgo ambleq di yoqnem qaji di laŋa uloŋaim deqa e niŋgi qa are koba qaleqnum.

Galesia 4:17

Niŋgi quiye. Jeu tamo naŋgi dena niŋgi walawalaiŋgeqnub. Naŋgi niŋgi aqaryaiŋgwajqa deqa are qalosaieqnub. Niŋgi na e qoreibosib olo naŋgi daurnjrqajqa deqa are qaloqnsib niŋgi walawalaiŋgeqnub.

Galesia 4:20

Bole, bini e niŋgi ti sosai. E niŋgi ti so qamu e anjam bole niŋgi merŋgo qamu. O was qu, e niŋgi qa are koba qaleqnum. E qaliesai, e niŋgi kiersiy aqaryaiŋgit niŋgi so bole sqab?

Galesia 5:12

Tamo naŋgi nuŋgo areqalo niñaqyetŋgeqnub qaji naŋgi muluŋ aiqajqa tulaŋ siŋgilakobaeqnub. Deqa uŋgum, naŋgi naŋgo segi welum gei dego potosib torei taqal waiyebe.

Galesia 5:7

Nami niŋgi Kristus aqa gam geregere dauryosib walweloqneb. Ariya tamo yai na gam getentetŋgonaqa niŋgi olo anjam bole dauryqa urateqnub?

Galesia 6:17

Tamo bei na e olo gulube bei ebaiq. Nami jeu tamo naŋgi na e luboqneb. E luboqneb qaji pirigi agi ijo jejamuq di unu. Niŋgi di unsib endegsi poiŋgwas, “Bole, Pol a Yesus aqa wau tamo bole.”

Filipai 3:15

Niŋgi areqalo bole ti unub qaji niŋgi ijo areqalo di dauryoqniye. Ariya niŋgi qudei areqalo bei ejunub kio? Soqnim Qotei na nuŋgo areqalo di olo gereiyetŋgwas.

2 Tesalonaika 3:4

Iga qalie, anjam kalil iga nami niŋgi merŋgoqnem qaji di niŋgi dauryoqnsib unub. Agi bunuqna dego niŋgi dauryoqnsib sqab. Tamo Koba Yesus na iga degsi mergonaq iga qalieem.

1 Timoti 1:20

Agi Himeneus wo Aleksander wo naŋgi aiyel kumbra uge degsib yeqnub. Deqa e na naŋgi aiyel Satan aqa baŋq di atem. Yim dena naŋgi endegsib qalieqab, “Bole, iga olo Qotei misiliŋyqasai.”

Filemon 1:21

E qalieonum. Ni ijo anjam endi sisiyosim dauryosim Onesimus gereiyqam. Osim ijo anjam endi buŋyosim olo Onesimus kumbra tulaŋ boledamu yqam. Utru deqa e anjam endi neŋgreŋyosim ni qa qariŋyonum.