Galesia 4:8 - Yesus Aqa Anjam Bole

⁸ Nami niŋgi Qotei qalieosaisosib bati deqa niŋgi gisaŋ qotei naŋgo kaŋgal tamo bul soqneb.

Galesia 4:8 ပူးပေါင်းရင်းမြစ်များ

Jon 1:10

Ariya Anjam a mandamq di soqnej. Aqa baŋ na Qotei na mandam atej. Ariya tamo uŋgasari mandamq di soqneb qaji naŋgi a qa poinjrosai.

Aposel 14:12

Naŋgi degsib are qalsib deqa Barnabas minjeb, “Ni gago qotei Sus.” Ariya Pol a Qotei aqa anjam plaltosiq maroqnej deqa naŋgi na minjeb, “Ni gago qotei Hermes.”

Aposel 17:23

E nuŋgo qure ambleq dia walweloqnsimqa nuŋgo atra bijal kalil uneleŋosim gilsim atra bijal bei dego unonum. Atra bijal di aqa quraq di anjam endegsi neŋgreŋyonab sonaq unonum, ‘Atra bijal endi qotei bei iga qaliesai qaji aqa atra bijal.’ O Atens tamo uŋgasari niŋgi ijo anjam endi quiye. E Qotei deqa merŋgwai. A Qotei bole. Niŋgi a qa qaliesai. Niŋgi a qa laŋa loueqnub.

Rom 1:23

Osib naŋgi Qotei ŋambile gaigai unu qaji a qoreiyoqnsib a qa louqajqa uratoqnsibqa olo beloqnsib mandam tamo ti qebari ti wagme ti amal ti naŋgo sulum gereiyoqnsib naŋgi qa loueqnub.

Rom 1:28

Naŋgi Qotei aqa sorgomq di sqajqa are qalosaieqnub deqa Qotei a na naŋgi uratnjreqnaqa naŋgi naŋgo segi areqalo uge uge dauryoqnsib kumbra uge uge yeqnub.

1 Korin 1:21

Qotei aqa segi powo na a endegsi qalieej. Tamo naŋgi mandam endeqa powo ti unub qaji naŋgo powo dena naŋgi Qotei qalieqa keresai. Qotei a degsi qalieosiq deqa a na tamo uŋgasari naŋgi oqajqa gam bei endegsi osornjrej. Anjam iga palonteqnum qaji di tamo naŋgi nanari qa mareqnub. Ariya tamo uŋgasari naŋgi anjam di qusib Qotei qa naŋgo areqalo siŋgilatqab gam dena qujai a na naŋgi oqas.

1 Korin 12:2

Niŋgi qalie, nami niŋgi Qotei qalieosaisonabqa sulum naŋgi na niŋgi titŋgeqnabqa niŋgi naŋgi daurnjroqneb. Sulum naŋgi di anjam marqa keresai.

1 Korin 8:4

Deqa e na sulum atrainjro qaji iŋgi iŋgi uyqajqa kumbra qa niŋgi endegsi merŋgwai. Mandamq endia sulum naŋgi unub di naŋgi qotei bolesai. Naŋgi laŋa gisaŋ qotei naŋgi sigitejunub. Qotei bole agi a segi qujai unu. Qotei bei sosai. Di iga qalieonum.

Galesia 4:3

Dego kere iga nami aŋgro kiñilala bul sosimqa bati deqa iga mondor uge uge mandam ti laŋ ti taqatejunub qaji naŋgo sorgomq di soqnem.

Efesus 4:18

Naŋgo qalie ti powo ti tulaŋ ambruejunu. Naŋgi tulaŋ nanarioqnsib laqnub. Naŋgo are miligi geteŋejunu. Deqa Qotei aqa ŋambile naŋgoq di sosai.

1 Tesalonaika 1:9

Iga nami nuŋgo ambleq di sonamqa bati deqa niŋgi gago anjam dauryoqneb. Nuŋgo kumbra di tamo uŋgasari sawa sawa kalilq di unub qaji naŋgi qalieosib deqa mare mare laqnub. Niŋgi are bulyosib gisaŋ qotei naŋgi torei uratnjrsib olo Qotei bole agi ŋambile gaigai unu qaji a areiyosib aqa anjam dauryeqnub. Osib deqa niŋgi Qotei aqa wau tamo bole unub. Nuŋgo kumbra deqa ti naŋgi mare mare laqnub.

1 Tesalonaika 4:5

Yimqa nuŋgo areqalo uge uge dena niŋgi titŋgimqa sambala kumbra tamo naŋgi Qotei qaliesai qaji naŋgi yeqnub di niŋgi dego dauryo uge.

2 Tesalonaika 1:8

Ariya Yesus a mandamq aisim tamo naŋgi Qotei qaliesai qaji naŋgi ti tamo naŋgi gago Tamo Koba Yesus aqa anjam bole dauryqa urateqnub qaji naŋgi ti ŋolawotnjrqas.

1 Pita 4:3

Niŋgi nami nuŋgo areqalo namij na walweloqnsib kumbra uge uge sawa bei bei qaji tamo naŋgi yqajqa tulaŋ arearetnjreqnu qaji di yoqneb. Sawa bei bei qaji tamo naŋgo kumbra uge agiende. Naŋgi sambala kumbra yeqnub. Osib kumbra uge uge yqajqa are prugnjreqnu. Qolo jigeeqnaqa naŋgi ya uge uyoqnsib alaŋkobai-yoqnsibqa nanarioqnsib laqnub. Osib Qotei aqa dal anjam gotraŋyoqnsib gisaŋ qotei naŋgi biŋinjreqnub.

1 Jon 3:1

Bole, gago Abu Qotei a na iga tulaŋ qalaqalaigeqnu! A na iga aqa segi aŋgro tiŋtiŋ sqa marsiq iga giltgej. Deqa iga bole qalieonum, iga Qotei aqa aŋgro bole. Tamo naŋgi mandamq endi unub qaji naŋgi Qotei qa qaliesai. Deqa naŋgi iga qa dego qaliesai.