Galesia 4:5 - Yesus Aqa Anjam Bole

⁵ A degyej. Di kiyaqa? A na iga tamo uŋgasari dal anjam aqa sorgomq di soqnem qaji iga eleŋosim awaigimqa iga Qotei aqa aŋgro tiŋtiŋ sqajqa deqa.

Galesia 4:5 ပူးပေါင်းရင်းမြစ်များ

Matyu 20:28

E Tamo Aŋgro. Niŋgi ijo kumbra qalieosib degsib dauryoqniye. Tamo naŋgi na e aqaryaibosib wauetbqajqa e deqa bosai. E na tamo naŋgi wauetnjrqa bem. E na tamo uŋgasari gargekoba naŋgi aqaryainjrsiy ijo segi ŋambile uratosiy naŋgi eleŋqai. E deqa bem.”

Luk 1:68

“Iga gago Tamo Koba Qotei aqa ñam tulaŋ koba soqtqom. A Israel gago Qotei. Iga aqa segi tamo uŋgasari unum deqa a na bosim iga eleŋam iga padalqasai.

Jon 1:12

Ariya tamo uŋgasari qudei naŋgi a areiyeb. Tamo uŋgasari naŋgi di aqa ñam qa naŋgo areqalo siŋgilateb qaji. Onaqa a na naŋgi giltnjrej. Yim naŋgi Qotei aqa aŋgro sqajqa deqa.

Aposel 20:28

O ijo was niŋgi nuŋgo segi segi jejamu geregere taqatosib Qotei aqa tamo uŋgasari naŋgi dego geregere taqatnjroqniye. Qotei aqa tamo uŋgasari naŋgi kaja bul. Qotei na aqa segi Ŋiri Yesus Kristus aqa leŋ na naŋgi awainjrej. Deqa niŋgi na naŋgi geregere taqatnjroqnsibqa naŋgo mandor bole soqniye. Wau di Qotei aqa Mondor na niŋgi eŋgej.

Rom 10:4

Iga qalie, Kristus na Moses aqa dal anjam kalil keretekritej. Aqa kumbra dena tamo uŋgasari kalil a qa naŋgo areqalo siŋgilateqnub qaji naŋgi Qotei aqa ŋamgalaq di tamo bole une saiqoji sqab.

Rom 8:14

Tamo uŋgasari kalil Qotei aqa Mondor na naŋgi gam osornjreqnaq walweleqnub qaji naŋgi Qotei aqa aŋgro tiŋtiŋ unub.

Rom 8:15

Qotei na niŋgi laŋa wau tamo sqajqa deqa aqa Mondor niŋgi eŋgosai. Niŋgi laŋa wau tamo sqab di niŋgi ulaqab. Qotei na niŋgi aqa segi aŋgro tiŋtiŋ sqajqa deqa aqa Mondor niŋgi eŋgej. Deqa aqa siŋgila na niŋgi endegsib Qotei meteqnub, “O ni gago Abu.”

Rom 8:19

Di kiyaqa? Qotei a nami aqa aŋgro naŋgi boleq atqajqa bati atej. Iŋgi iŋgi kalil Qotei a nami ateleŋej qaji naŋgi bati di unqajqa deqa tariŋoqnsib unub. Iŋgi iŋgi naŋgi di taroqnsib ŋam atoqnsib endegsib nenemeqnub, “Bati gembu bati di brantqas?”

Rom 8:23

Iŋgi iŋgi kalil di naŋgi segi akamosai. Iga Qotei aqa Mondor ejunum deqa iga dego akamoqnsim unum. Qotei na aqa Mondor iga namo egej. Iga Qotei aqa aŋgro unum deqa iga dego jaqatiŋ oqnsim akamoqnsim unum. Mondoŋ Qotei na iga aqa segi aŋgro qa boleq na endegsi marqas, “Naŋgi ijo aŋgro kalil.” O was qu, bati di brantqajqa deqa iga tariŋoqnsim unum. Bati di brantimqa Qotei na gago jejamu bulyetgosim jejamu bunuj egwas.

Rom 9:4

Jekop aqa leŋ naŋgi Israel tamo. Deqa Qotei na naŋgi aqa segi aŋgro qa minjrej. Naŋgi Qotei aqa riaŋ ti aqa siŋgila ti uneb. A na aqa anjam bunuj ti aqa dal anjam ti louqajqa kumbra ti naŋgi enjrej. Osiqa iŋgi bole kalil a na nami naŋgi enjrqa marej qaji di enjrej.

Galesia 3:13

Ariya dal anjam a marqo, iga dal anjam kalil torei dauryqasai di Qotei na iga tamo uge qa marsim padaltgwas. Ariya Kristus a na iga aqaryaigwa marsiq deqa a gago sawa osiqa a segi Qotei aqa ŋamgalaq di tamo uge bulosiqa iga qa padalej. Agi Qotei aqa anjam bei nami endegsib neŋgreŋyeb unu, “Tamo kalil ŋamtaŋ goge di gaiŋejunub qaji naŋgi di Qotei na tamo uge qa marsim padaltnjrqas.”

Galesia 3:26

Niŋgi kalil Kristus Yesus qa nuŋgo areqalo siŋgilatosib a beteryejunub deqa niŋgi Qotei aqa aŋgro tiŋtiŋ unub.

Galesia 4:21

Niŋgi dal anjam aqa sorgomq di sqajqa are qaleqnub deqa niŋgi kiyaqa dal anjam geregere poiŋgosai? Niŋgi na merbiye.

Galesia 4:7

Deqa niŋgi olo kaŋgal tamo sosai. Niŋgi Qotei aqa aŋgro tiŋtiŋ unub. Deqa niŋgi qalieonub, niŋgi Qotei aqa iŋgi iŋgi kalil oqab.

Efesus 1:5

Tulaŋ nami Qotei na iga qalaqalaigosiqa iga aqa segi aŋgro sqa marsiqa Yesus Kristus aqa wau na iga eleŋej. Qotei aqa segi areqalo na a degyej.

Efesus 1:7

Qotei a iga qa are boleiyej aqa kumbra di tulaŋ kobaquja. Aqa kumbra di aqa utru agiende. A na Kristus qariŋyonaqa a iga awaigwa marsiqa moiej. Moisiqa aqa leŋ aiej dena Qotei na gago une kalil kobotetgej.

Efesus 5:2

Kristus a na iga tulaŋ qalaqalaigosiq deqa aqa segi ŋambile uratosiq iga qa moiej. Dego kere niŋgi dego qalaqalaiyo kumbra dauryosib walweloqniye. Atra tamo naŋgi atraiyo iŋgi iŋgi sabaŋ quleq bolequja di oqnsib Qotei atraiyeqnub dego kere Kristus a na aqa segi ŋambile Qotei atraiyosiq moinaqa Qotei a deqa tulaŋ areboleboleiyej.

Taitus 2:14

Kristus a na iga eleŋosim gago une kalil kobotqajqa deqa marsiq aqa segi ŋambile uratosiq moiej. Iga aqa segi tamo uŋgasari boledamu sosim kumbra bole bole siŋgila na dauryoqnqajqa deqa marsiq aqa segi ŋambile uratej.

Hibru 1:3

Yesus a na Qotei aqa riaŋ koba iga osorgeqnu. Yesus aqa so ti Qotei aqa so ti ombla kerekere. Aqa anjam siŋgila ti unu deqa anjam dena a na iŋgi iŋgi kalil siŋgilatejunu. A na gago une kobotetgosiqa laŋ qureq oqsiq Qotei siŋgila koba ti unu qaji aqa baŋ woq di awejunu.

Hibru 9:12

Ariya Kristus a bulmakau ti kaja du du ti naŋgo leŋ osiqa atra tal di miligiq gilosai. A aqa segi leŋ osiqa bati qujai qa atra tal miligiq gilej. Aqa wau dena a na iga olo awaigej. Deqa iga ŋambile gaigai sqom.

Hibru 9:15

Yesus aqa leŋ na iga aqaryaigej deqa iga Qotei aqa ŋamgalaq di tamo bole unum. Aqa wau dena a Qotei aqa anjam bunuj siŋgilatqa osiqa Qotei ti iga ti gago ambleq di tigelejunu. Tamo uŋgasari naŋgi anjam namij aqa sorgomq di sosib bati deqa naŋgi une yoqnsib laqneb. Onaqa Yesus a naŋgi qa moisiq wau dena a naŋgi olo awainjrsiqa naŋgo une kobotetnjrej. Deqa tamo uŋgasari kalil Qotei na metnjreqnaq qusib dauryeqnub qaji naŋgi ŋambile gaigai sqab. Ŋambile di agi Qotei a nami aqa aŋgro naŋgi enjrqa marej.

1 Pita 3:18

Niŋgi Kristus qa are qaloqniye. Kristus a tamo tiŋtiŋo. Ariya a na tamo uŋgasari uge uge naŋgo sawa osiq naŋgo une qa osiq moiej. A na niŋgi joqsim Qotei aqaq oqwajqa deqa osiq niŋgi qa moiej. A bati qujai qa moiej deqa a olo moiqa keresai. A tamo bulyosiqa mandamq endi soqnej. Sonaqa jeu tamo naŋgi na a qalnab moiej. Ariya a olo subq na tigelosiqa a mondor ti soqnej.

Uli Anjam 14:3

Tamo uŋgasari naŋgi di Qotei aqa awo jaram koba namoq di tigelesosibqa wagme qolqe ŋambile so qaji naŋgi ti gate kokba naŋgi ti naŋgo ŋamgalaq dia lou bunuj na louoqneb. Tamo 144,000 Qotei na nami mandamq dena awaiyeleŋej qaji naŋgi segi lou di qalieqa kere. Tamo qudei naŋgi lou di qalieqa keresai.

Uli Anjam 5:9

Wagme qolqe naŋgi ti gate kokba naŋgi ti bosib Kaja Du aqa areq di siŋga pulutosibqa lou bunuj na endegsib louoqneb, “O Kaja Du, ni buk di osimqa kandel aqa namur buk qandratejunu qaji di waqtqa kere. Di kiyaqa? Ni lumnab moisim ino leŋ aiej dena ni na ino segi tamo uŋgasari naŋgi awainjrsimqa Qotei aqa baŋq di ateleŋem unub. Od, tamo uŋgasari leŋ segi segi qaji, anjam maro segi segi qaji, jejamu segi segi qaji, sawa segi segi qaji naŋgi ni na awainjrsimqa Qotei aqa baŋq di ateleŋem unub.