Galesia 4:4 - Yesus Aqa Anjam Bole

⁴ Ariya bati Qotei a nami atej qaji di brantonaqa a na aqa Ŋiri Yesus qariŋyonaq mandamq aiej. Aisiq aqa ai na ŋambabtonaqa a tamo brantosiqa dal anjam aqa sorgomq di soqnej.

Galesia 4:4 ပူးပေါင်းရင်းမြစ်များ

Matyu 1:23

“Niŋgi quiye. Bunuqna duŋgeŋge bei a tamo ombla ŋereŋosaisosimqa a gumaŋosim aŋgro mel oqas. Amqa naŋgi aqa ñam Emanuel waiyqab.” Ñam di aqa damu, “Qotei a iga koba na unum.”

Matyu 3:15

Onaqa Yesus na kamba minjej, “Uŋgum. Ni ijo anjam dauryosim yansbe. Yimqa kumbra dena iga Qotei aqa areqalo kalil keretosim dauryqom.” Onaqa Jon a Yesus aqa anjam di dauryosiqa a yansej.

Matyu 5:17

Osiqa Yesus a olo anjam endegsi minjrej, “Niŋgi e qa endegsib are qalaib, ‘Yesus a Moses aqa dal anjam ti Qotei aqa medabu o qaji tamo naŋgo anjam ti taqal waiyqajqa bej.’ Niŋgi e qa degsib are qalaib. E deqa bosai. E anjam di kalil daurysiy keretqa bem.

Mak 1:15

A na naŋgi anjam endegsi minjroqnej, “Qotei a nuŋgo Mandor Koba sosim niŋgi taqatŋgwajqa bati jojomqo. Deqa niŋgi are bulyiye. Osib Qotei aqa anjam bole nuŋgo areqaloq di siŋgilatiye.”

Luk 1:31

Deqa ni gumaŋosim aŋgro mel oqam. Osim aqa ñam Yesus waiyqam.

Luk 1:35

Onaqa laŋ aŋgro na minjej, “Qotei aqa Mondor Bole a ni qa aisimqa Tamo Koba Qotei aqa siŋgila ni emqas. Deqa a ino leŋq dena ŋambabosimqa aqa so tulaŋ boledamu sqas. Deqa a Qotei aqa kumbra ti sqas. Naŋgi a qa maroqnqab, ‘A Qotei aqa Ŋiri.’

Luk 20:44

Niŋgi uniye. Devit a segi marej, ‘Kristus a ijo Tamo Koba.’ Deqa Kristus a kiersi Devit aqa ŋiri sqas?”

Jon 1:14

Anjam di a tamo yusiqa gago ambleq di soqnej. Onaqa iga aqa ñam koba ti aqa siŋgila ti di unem. Aqa ñam agiende. A segi qujai Qotei aqa Ŋiri. A iga qa are tulaŋ boleiyeqnu. A segi anjam bole qa utru.

Jon 10:36

Ariya ijo Abu a segi na e giltbosiqa qariŋbonaq mandamq aiem. Deqa e maronum, ‘E Qotei aqa Ŋiri.’ E degsi maronumqa niŋgi kiyaqa merbonub, ‘Ni Qotei aqa sawa osim maronum, “E segi Qotei?” ’

Jon 3:16

“Qotei aqa Ŋiri qujai unu. Qotei na tamo uŋgasari kalil mandamq endi unub qaji naŋgi tulaŋ qalaqalainjrsiq deqa aqa segi Ŋiri qujai di naŋgi enjrej. A endegsi are qalej, ‘Tamo uŋgasari kalil ijo Aŋgro qa naŋgo areqalo siŋgilatqab qaji naŋgi di padalqasai. Naŋgi ŋambile gaigai sqab.’ Qotei a degsi are qalsiq deqa aqa segi Ŋiri qujai naŋgi enjrej.

Jon 6:38

E ijo segi areqalo dauryqajqa e deqa laŋ qure uratosim mandamq aiosai. Abu e qariŋbej qaji aqa areqalo dauryqajqa deqa e laŋ qure uratosim mandamq aiem.

Jon 8:42

Onaqa Yesus na minjrej, “Qotei a nuŋgo Abu qamu niŋgi e qalaqalaibonub qamu. Di kiyaqa? E Qotei aqaq dena bem deqa. E ijo segi areqalo na bosai. Qotei na e qariŋbonaq bem.

Aposel 1:7

Onaqa Yesus na minjrej, “Niŋgi bati di qalieqa maraib. Di nuŋgo wau sai. Di ijo Abu aqa wau. A segi na bati di giltej unu.

Rom 1:3

Qotei aqa anjam bole di aqa segi Ŋiri aqa anjam. Aqa Ŋiri a tamo bulyosiqa Devit aqa leŋ dena ŋambabej.

Rom 15:8

E endegsi marqai. Kristus a Juda naŋgi aqaryainjrqa oqnsiq wauoqnej. Qotei aqa anjam a bole di naŋgi qalieqajqa deqa osiq wauoqnej. Anjam Qotei na nami Juda naŋgo moma utru naŋgi minjroqnej qaji di siŋgilatqajqa deqa ti Kristus a wauoqnej.

Rom 5:6

Iga gago segi jejamu aqaryaiyqa keresai sonamqa Kristus a iga tamo uŋgasari kumbra uge uge yeqnum qaji iga qa osiq moiej. Bati Qotei a nami atej qaji di brantonaqa a iga qa moiej.

Rom 8:3

Dal anjam na gago une kobotqa keresai. Di kiyaqa? Iga areqalo namijq di unum deqa iga dal anjam dauryqa keresai. Ariya dal anjam na gago une kobotqa keresai deqa Qotei a segi na gago une kobotej. A gam endena gago une kobotej. A na aqa segi Ŋiri Yesus qariŋyonaqa a une tamo bulosiqa gago une kobotqa bonaqa aqa segi jejamuq di Qotei na gago une aqa awai uge atsiqa une aqa siŋgila kobotej.

Rom 9:5

Naŋgo moma utru naŋgi nami ñam koba ti soqneb. Naŋgoq dena Kristus a ŋambabej. Kristus a segi Qotei. A iŋgi iŋgi kalil naŋgo gate. Deqa iga bati gaigai aqa ñam soqtoqnqom. Bole.

Efesus 1:10

Deqa a kumbra endegyqas. A na iŋgi iŋgi kalil mandam ti laŋ ti di unub qaji naŋgi taqatnjroqnsim gilsi gilsim bati a nami atej qaji di brantimqa a na iŋgi iŋgi kalil di olo osim Kristus aqa baŋq di atim a naŋgo gate sqas.

Kolosi 2:14

Dal anjam a nami gago une kalil boleq atsiqa osorgekritej deqa iga dal anjam aqa sorgomq di soqnem. Ariya Qotei na olo dal anjam kalil di taqal waiysiqa aqa siŋgila kobotosiqa Kristus aqa ŋamburbasq di qamej.

1 Timoti 2:6

Kristus a moiqajqa bati agi Qotei a nami bati yonaqa a bosiqa tamo uŋgasari kalil naŋgi oqa marsiqa aqa segi ŋambile uratosiq moiej. Aqa kumbra dena Qotei na iga endegsi osorgej, a na tamo uŋgasari kalil naŋgi oqajqa are qaleqnu.

1 Timoti 3:16

Iga bole qalieonum, Qotei aqa kumbra nami ulitesoqnej qaji di tulaŋ kobaquja. Kumbra di Qotei na iga osorgonaq unem. Aqa kumbra di agiende. A segi tamo bulyonaqa tamo uŋgasari naŋgi a unoqneb. Mondor Bole a na aqa kumbra bole babtosiq osorgej. Osiq mergej, “Aqa kumbra di tulaŋ tiŋtiŋo.” Laŋ aŋgro naŋgi dego a unoqneb. Tamo naŋgi sawa bei beiq giloqnsibqa aqa anjam mare mare laqneb. Deqa tamo uŋgasari mandamq endi unub qaji naŋgi a qa naŋgo areqalo siŋgilatoqneb. Ariya Qotei na a olo osiq laŋ qureq osi oqnaqa a dia ñam kobaquja osiq unu.

Hibru 2:14

Yesus aqa aŋgro naŋgi di mandam tamo. Deqa Yesus a naŋgi bulosiqa a dego mandam tamo bulyosiq moiej. A Satan aqa siŋgila kobotqa marsiq deqa moiej. Satan a moio qa utru. A na tamo uŋgasari naŋgi moiotnjreqnu.

Hibru 9:10

O was qu, dal anjam di uyo iŋgi qa ti ya uyo qa ti yanso oqajqa ti deqa mareqnu. A jejamu qa iŋgi iŋgi qa segi mareqnu. Ariya Qotei na dal anjam di tamo uŋgasari naŋgi enjrej. Osiqa endegsi are qalej, “Naŋgi mati dal anjam di dauryosib giloqnib bunuqna batiamqa e na iŋgi iŋgi kalil tingitnjrit koboamqa e olo gam bunuj naŋgi osornjrqai.”

1 Jon 4:14

Abu Qotei a na tamo uŋgasari kalil mandamq endi unub qaji naŋgi eleŋqa osiq deqa aqa Ŋiri qariŋyonaq mandamq aiej. Aqa kumbra di iga unsim deqa mare mare laqnum.

1 Jon 4:2

Tamo naŋgi Qotei aqa Mondor ejunub qaji naŋgi endegsib mareqnub, “Yesus Kristus a tamo bulyosiqa mandamq aiej.” Tamo naŋgi di Qotei aqaq dena beb deqa naŋgi degsib mareqnub. Deqa niŋgi naŋgo anjam di qusib qalieqab, naŋgi Qotei aqa Mondor ejunub.