Galesia 4:26 - Yesus Aqa Anjam Bole

²⁶ Ariya Jerusalem bunuj a laŋ goge di unu. A kaŋgal uŋa sai. A gago ai bul.

Galesia 4:26 ပူးပေါင်းရင်းမြစ်များ

Jon 8:36

E Qotei aqa Ŋiri deqa e Abu ti. Deqa e na niŋgi aqaryaiŋgitqa une bei na niŋgi ojqa keresaibolesai.

Rom 6:14

Deqa une na niŋgi olo taqatŋgwasai. Di kiyaqa? Bini niŋgi dal anjam aqa sorgomq di sosai. Qotei a niŋgi qa are tulaŋ boleiyej kumbra di aqa sorgomq di niŋgi unub.

Rom 6:18

Nuŋgo une na niŋgi tonto talq waiŋgobulonaq sonabqa Qotei a dena niŋgi olo eleŋej. Deqa bini niŋgi kumbra bole tiŋtiŋ aqa wau tamo unub.

Galesia 4:22

Agi Qotei aqa anjam bei nami endegsib neŋgreŋyeb unu. Abraham a aŋgro mel aiyeltej. Bei kaŋgal uŋa Hagar na ŋambabtej. Ariya bei Abraham aqa ŋauŋ Sara na ŋambabtej. Sara a kaŋgal uŋa sai. A Abraham aqa ŋauŋ bole.

Galesia 4:25

Hagar a Sainai mana sigitosiq unu. Sainai mana di Arebia sawaq di unu. Hagar a mandam qaji Jerusalem dego sigitosiq unu. Deqa aqa leŋ kalil naŋgi Jerusalem ombla kaŋgal tamo unub.

Galesia 5:1

Kristus a na iga eleŋej deqa dal anjam na iga olo bunu taqatgwasai. Deqa niŋgi siŋgila na tigelosib tamo qudei naŋgi na niŋgi olo osib dal anjam aqa sorgomq di atqa laqnib saidnjroqniye.

Filipai 3:20

Ariya iga laŋ goge qaji tamo unum deqa mondoŋ Tamo Koba Yesus Kristus a laŋ qureq dena mandamq aisim iga oqas. Deqa bini iga a qa tariŋoqnsim unum.

Hibru 12:22

Ariya niŋgi iŋgi iŋgi deq bosai. Niŋgi Saion manaq beleŋeb. Osib Qotei ŋambile unu qaji aqa segi qureq dego beleŋeb. Qure di agi Jerusalem bunuj laŋ goge di unu qaji. Niŋgi laŋ aŋgro tulaŋ gargekoba sisiyqa keresai naŋgi qa dego beleŋeb.

1 Pita 2:16

Bole, mandam tamo bei na niŋgi taqatŋgosaieqnu. Kristus a segi na niŋgi taqatŋgeqnu. Niŋgi degsib are qalsib walweloqniye. Ariya niŋgi endegsib are qalaib, “Mandam tamo bei na iga taqatgosaieqnu deqa uŋgum, iga kumbra uge yoqnqom.” Niŋgi degsib are qalaib. Niŋgi Qotei aqa wau tamo deqa niŋgi kumbra bole na walweloqniye.

Uli Anjam 12:1

Ariya laŋ goge dia Qotei aqa maŋwa bei brantonaq unem. E unem di uŋa bei tigelesoqnej. Uŋa di a seŋ na kabuosiqa baiq di tigelesoqnej. Aqa gateq di bongar 12-pela atsiq soqnej.

Uli Anjam 17:5

Uŋa di aqa ñam aqa lanjaqsi neŋgreŋyonab soqnej. Ñam di sasir anjam. Aqa ñam bole agiende, “Babilon qure kobaquja. A sambala uŋa kalil naŋgo ai. Kumbra uge uge kalil mandamq di so qaji naŋgo ai agi a segi.” Aqa ñam bole agide.

Uli Anjam 21:2

Onaqa e Qotei aqa segi qure koba Jerusalem bunuj di dego unem. Qure di Qotei aqaq di sosiqa laŋ goge dena mandamq aieqnaq unem. Qure di aqa wala tulaŋ boledamu. Duŋgeŋge tamo baŋ ojqa osim walaeqnu dego kere.

Uli Anjam 3:12

“‘Tamo a Satan ombla qotsim siŋgilaqas di e na a osiy ijo Qotei aqa tal aqa tamo bul namoq di tigeltit sqas. Deqa a olo bunu Qotei aqa talq dena oqedqasai. Aqa jejamuq di e na ijo Qotei aqa ñam ti ijo Qotei aqa qure koba agi Jerusalem bunuj aqa ñam ti ijo segi ñam bunuj ti neŋgreŋyqai. Jerusalem bunuj agi laŋ qureq di unu. Qure di ijo Qotei aqaq dena mandamq aiqas.