Galesia 4:11 - Yesus Aqa Anjam Bole

¹¹ E nuŋgo kumbra deqa are qalsim deqa e ulaeqnum. Wau kalil e nami nuŋgo ambleq di yoqnem qaji di laŋa uloŋaim deqa e niŋgi qa are koba qaleqnum.

Galesia 4:11 ပူးပေါင်းရင်းမြစ်များ

Aposel 16:6

Bati bei Pol na Sailas na Timoti na naŋgi qalub walwelosib Frigia sawa ti Galesia sawa ti dia Qotei aqa anjam mare mare giloqneb. Naŋgi nami Esia sawaq dia Yesus aqa anjam marqa laqnabqa Qotei aqa Mondor na naŋgi saidnjrej.

1 Korin 15:58

Deqa ijo was bole, niŋgi siŋgila na soqniye. Sosib niŋgi Tamo Koba Yesus qa waukobaoqniye. Niŋgi wau di urataib. Niŋgi qalie, niŋgi Tamo Koba Yesus aqa wau ojeqnub di uloŋqa keresai. Deqa niŋgi gaigai Tamo Koba Yesus aqa wau siŋgila na yoqniye.

Galesia 2:2

Qotei a segi na merbej deqa e Jerusalem aiem. Ariya e Jerusalem di sosimqa e Kristen naŋgo gate naŋgi segi koba na anjam maroqnem. E sawa bei beiq dia laqnsimqa Kristus aqa anjam bole palontoqnem ijo wau di ubtsim minjrem. E tamo laŋa laŋaj naŋgi minjrosai. Di kiyaqa? Wau e nami yoqnsim agi bini yeqnum qaji di laŋa uloŋo uge.

Galesia 4:10

Niŋgi gaigai yori bati kokba unqajqa are qaleqnub. Niŋgi bai qala bunuj qa ti wausau bunuj qa ti deqa are koba qaleqnub.

Galesia 4:12

O was qu, e niŋgi siŋgila na endegsi merŋgwai. Niŋgi e bul soqniye. Agi e nami dal anjam aqa sorgomq di sqa uratosim niŋgi bul soqnem. Sonam bati deqa niŋgi e kumbra uge bei ebosaioqneb.

Galesia 4:20

Bole, bini e niŋgi ti sosai. E niŋgi ti so qamu e anjam bole niŋgi merŋgo qamu. O was qu, e niŋgi qa are koba qaleqnum. E qaliesai, e niŋgi kiersiy aqaryaiŋgit niŋgi so bole sqab?

1 Tesalonaika 3:5

Utru deqa e niŋgi qa tariŋqa keresai. Deqa e Timoti qariŋyonam niŋgi qa bej. E endegsi are qalem. Walawalaiyo tamo Satan a na niŋgi uneq waiŋgwoqa niŋgi na gago wau di laŋa ulontosib nuŋgo areqalo Yesus qa siŋgilatqa uratonub kio? E di qalieqajqa deqa Timoti qariŋyonam niŋgi qa bej.

2 Jon 1:8

Deqa niŋgi geregere ŋam atoqniye. Gago wau iga nami nuŋgo ambleq di yoqnem qaji di niŋgi olo urato uge. Niŋgi siŋgila na tigeloqniye. Osib di niŋgi awai bole oqab.