Galesia 3:8 - Yesus Aqa Anjam Bole

⁸ Nami Qotei a endegsi qalieej, bunuqna sawa bei bei qaji tamo naŋgi Kristus aqa anjam bole qusib naŋgo areqaloq di siŋgilatibqa gam dena Qotei na naŋgi tamo bole une saiqoji qa minjrqas. Qotei a degsi qalieosiq deqa a Kristus aqa anjam bole di palontosiq Abraham minjej. Agi Qotei aqa anjam bei nami endegsib neŋgreŋyeb unu, “O Abraham, ino leŋ naŋgoq dena e na sawa bei bei qaji tamo uŋgasari naŋgi kumbra bole enjrqai.”

Galesia 3:8 ပူးပေါင်းရင်းမြစ်များ

Jon 19:37

Qotei aqa anjam bei dego aqa damu brantej. Anjam agiende, “Naŋgi qaja na aqa jar baŋgaq di qamsibqa koqyesqab.”

Jon 7:38

Tamo bei a e qa aqa areqalo siŋgilatqas di aqa are miligiq na ŋambile gaigai sqajqa ya oqoqnsim ya ani bul polyoqnqas. Nami Qotei aqa anjam degsib neŋgreŋyeb unu.”

Jon 7:42

Kristus a Devit aqa leŋ dena ŋambabosim aqa qure utru Betlehem dena bqas. Nami Qotei aqa anjam degsib neŋgreŋyeb unu.”

Aposel 2:35

Awesoqnimqa e na ino jeu tamo kalil naŋgi eleŋosiy ino sorgomq di atitqa ni na naŋgi taqatnjroqnqam.” ’ Devit a nami Kristus qa degsi marej.

Rom 9:17

Agi Qotei na nami Isip naŋgo mandor koba endegsi minjej, “E na ni mandor koba atem unum. Di kiyaqa? E na ijo siŋgila kobaquja ni osormitqa tamo uŋgasari kalil naŋgi unsib ijo ñam osib sawa sawa kalilq dia mare mare laqajqa deqa e ni mandor koba atem.” Qotei aqa anjam di nami neŋgreŋyeb unu.

Rom 9:30

Deqa iga kiersi marqom? Iga endegsi marqom. Sawa bei bei qaji naŋgi tamo bole une saiqoji sqajqa gam ŋamosaioqneb. Ariya naŋgi gam iteb. Gam agiende. Naŋgi Yesus qa naŋgo areqalo siŋgilateb gam dena naŋgi tamo bole une saiqoji soqneb.

Galesia 3:16

Ariya Qotei aqa kumbra bole mondoŋ brantqas qaji a deqa nami anjam marsiq siŋgilatej. Anjam di a na Abraham aqa moma bei wo minjrej. A Abraham aqa moma gargekoba naŋgi minjrosai. A aqa moma qujai segi minjej. Anjam di agi neŋgreŋq di unu. Aqa moma qujai di agi Kristus.

Galesia 3:22

Ariya degsi sosai. Agi Qotei aqa anjam bei nami endegsib neŋgreŋyeb unu, “Tamo uŋgasari kalil naŋgo une na naŋgi tonto talq di breinjrobuleqnu.” Qotei a nami anjam degsi marej. Di kiyaqa? Iga tamo uŋgasari Yesus Kristus qa gago areqalo siŋgilateqnum qaji iga na iŋgi bole bole Qotei a nami iga egwa marej qaji di olo oqajqa deqa.

Galesia 4:30

Agi Qotei aqa anjam bei nami endegsib neŋgreŋyeb unu, “O Abraham, ni na kaŋgal uŋa di aqa aŋgro Ismael wo naŋgi winjrim jaraiqab. Ino aŋgro Aisak a kaŋgal uŋa aqa aŋgro sai. A ino ŋauŋ tiŋtiŋ aqa aŋgro. Deqa ino iŋgi iŋgi kalil a na oqas. Ismael a na ino iŋgi iŋgi oqasai.”

Hibru 4:2

Iga Qotei aqa anjam bole quoqnem. Agi Israel tamo naŋgi Qotei aqa anjam bole nami quoqneb dego kere. Ariya naŋgi aqa anjam di laŋa qusib deqa naŋgo areqaloq di siŋgilatosai. Deqa anjam dena naŋgi yala aqaryainjrosai.

Uli Anjam 11:15

Ariya laŋ aŋgro namba 7 na aqa gul anjamonaqa tamo uŋgasari kalil laŋ qureq di unub qaji naŋgi tulaŋ koba leleŋosib endegsib marnab quem, “Gago Tamo Koba Qotei naŋgi aqa Ŋiri Kristus wo Mandor Kokba sqajqa bati agi brantqo. Deqa naŋgi aiyel bati gaigai Mandor Kokba sosib sawa sawa kalil taqatnjroqnqab.”