Galesia 3:22 - Yesus Aqa Anjam Bole

²² Ariya degsi sosai. Agi Qotei aqa anjam bei nami endegsib neŋgreŋyeb unu, “Tamo uŋgasari kalil naŋgo une na naŋgi tonto talq di breinjrobuleqnu.” Qotei a nami anjam degsi marej. Di kiyaqa? Iga tamo uŋgasari Yesus Kristus qa gago areqalo siŋgilateqnum qaji iga na iŋgi bole bole Qotei a nami iga egwa marej qaji di olo oqajqa deqa.

Galesia 3:22 ပူးပေါင်းရင်းမြစ်များ

Mak 16:16

Tamo naŋgi e qa naŋgo areqalo siŋgilatosib yanso oqab qaji naŋgi di Qotei na oqas. Ariya tamo naŋgi e qa naŋgo areqalo siŋgilatqasai qaji naŋgi di Qotei na naŋgo une qa peginjrsim awai uge enjrqas.

Jon 12:46

E puloŋ bulosim mandamq aiem. Deqa tamo uŋgasari kalil e qa naŋgo areqalo siŋgilatqab qaji naŋgi ambruq di sqasai.

Jon 20:31

Niŋgi ijo anjam endi sisiyosib Yesus qa nuŋgo areqalo siŋgilatosib a bole Kristus Qotei aqa Ŋiri degsi poiŋgwajqa deqa e na anjam endi neŋgreŋyonum. Yimqa niŋgi Yesus aqa ñam na ŋambile gaigai sqab.

Jon 3:36

Tamo naŋgi Qotei aqa Ŋiri qa naŋgo areqalo siŋgilatqab qaji naŋgi ŋambile gaigai sqab. Ariya tamo naŋgi Qotei aqa Ŋiri aqa anjam dauryqa uratqab qaji naŋgi ŋambile itqasai. Qotei aqa minjiŋ naŋgoq di sqas.

Jon 5:24

“Niŋgi quiye. E bole merŋgwai. Tamo a ijo anjam qusim ijo Abu e qariŋbej qaji a qa aqa areqalo siŋgilatqas di a ŋambile gaigai sqas. Deqa e aqa une qa a pegiyqasai. A moio gam uratqo deqa a olo ŋambile unu.

Jon 6:40

Ijo Abu aqa areqalo endegsi unu. Tamo kalil e Qotei aqa Ŋiri nubsib e qa naŋgo areqalo siŋgilatqab qaji naŋgi ŋambile gaigai sqab. Diŋo bati qa e na naŋgi olo subq na tigeltnjrqai.”

Aposel 16:31

Onaqa naŋgi aiyel na minjeb, “Ni Tamo Koba Yesus qa ino areqalo siŋgilatime. Yimqa Qotei na ni ti tamo uŋgasari kalil ni ombla tal qujaiq di unub qaji naŋgi ti oqas.”

Rom 10:9

Deqa niŋgi nuŋgo medabu waqtosib Yesus a segi qujai Tamo Koba degsib boleq na marqab di Qotei na niŋgi oqas. Qotei a Yesus subq na olo tigeltej anjam di nuŋgo are miligiq di siŋgilatosib sqab di Qotei na niŋgi oqas.

Rom 11:32

Qotei a na tamo uŋgasari kalil naŋgi uratnjreqnaqa naŋgi aqa anjam gotraŋyoqneb. Aqa kumbra dena a na naŋgi tonto talq di breinjrobulonaq soqneb. Qotei a degyej. Di kiyaqa? A naŋgi kalil qa olo are boleiyosim eleŋqajqa deqa.

Rom 3:22

Gam agiende. Tamo uŋgasari Yesus Kristus qa naŋgo areqalo siŋgilateqnub qaji naŋgi segi Qotei na tamo bole une saiqoji qa minjreqnu. Gam di segi. Gam bei saiqoji.

Rom 3:23

Iga kalil une ateqnum deqa iga laŋ qureq oqsim dia Qotei ombla sqa keresai.

Rom 5:12

Iga qalie, tamo qujai Adam a une atej. Aqa une dena aqa leŋ kalil naŋgi dego une eleŋeb. Adam a une ti deqa a moiej. Aqa leŋ naŋgi dego aqa une osib kalil moreŋeb.

Galesia 3:14

Qotei a nami Abraham kumbra bole yej deqa a olo sawa bei bei qaji tamo uŋgasari naŋgi dego kumbra bole enjrqa marej. Marsiq deqa bini a Kristus Yesus aqa wau na sawa bei bei qaji tamo uŋgasari naŋgi kumbra bole enjreqnu. Deqa iga Kristus qa gago areqalo siŋgilatqom di iga Qotei aqa Mondor oqom. Agi Mondor di Qotei a nami iga egwa marej.

Galesia 3:17

O was qu, ijo anjam di aqa utru agiende. Qotei a nami Abraham ombla anjam qoseb. Onaqa wausau 430 koboonaqa dal anjam brantej. Ariya dal anjam dena Qotei aqa anjam nami Abraham ombla qoseb qaji di taqal waiyqa keresai. Qotei a nami iŋgi bole bole di iga laŋa egwa marej. Aqa anjam di dal anjam na gentqa keresai.

Galesia 3:23

Nami iga Kristus qa gago areqalo siŋgilatqa bati brantosaisonaqa dal anjam na iga taqatgesoqnej. Sonaq sonaq ariya bunuqna iga Kristus qa gago areqalo siŋgilatqa bati agi brantej.

Galesia 3:29

Niŋgi Kristus aqa segi tamo unub deqa niŋgi Abraham aqa aŋgro tiŋtiŋ dego unub. Agi niŋgi segi na iŋgi bole bole Qotei a nami Abraham aqa leŋ naŋgi enjrqajqa marej qaji di oqab.

2 Timoti 1:1

E Pol. Kristus Yesus na e qariŋbej deqa e aqa anjam marsim laqnum. Qotei aqa segi areqalo na e giltbosiq merbej, “Ni Yesus aqa anjam marsim laqne.” Onaqa e Qotei aqa areqalo di dauryosim deqa e Yesus aqa anjam marsim laqnum. Qotei a nami anjam endegsi marej, “E na tamo uŋgasari Kristus Yesus qa naŋgo areqalo siŋgilateqnub qaji naŋgi ŋambile enjrqai.” A degsi marej deqa e na aqa anjam di tamo uŋgasari naŋgi minjroqnsim laqnum.

Hibru 9:15

Yesus aqa leŋ na iga aqaryaigej deqa iga Qotei aqa ŋamgalaq di tamo bole unum. Aqa wau dena a Qotei aqa anjam bunuj siŋgilatqa osiqa Qotei ti iga ti gago ambleq di tigelejunu. Tamo uŋgasari naŋgi anjam namij aqa sorgomq di sosib bati deqa naŋgi une yoqnsib laqneb. Onaqa Yesus a naŋgi qa moisiq wau dena a naŋgi olo awainjrsiqa naŋgo une kobotetnjrej. Deqa tamo uŋgasari kalil Qotei na metnjreqnaq qusib dauryeqnub qaji naŋgi ŋambile gaigai sqab. Ŋambile di agi Qotei a nami aqa aŋgro naŋgi enjrqa marej.

2 Pita 1:4

Osiqa laŋ goge qaji iŋgi bole bole kalil a nami iga egwa marej qaji di iga egej. Are prugwajqa kumbra mandamq endi tulaŋ koba unu. Kumbra dena iga ugeugeigeqnu. Ariya Kristus a na laŋ goge qaji iŋgi bole bole di iga egej. Aqa kumbra dena a na niŋgi aqaryaiŋgimqa niŋgi kumbra uge uge kalil di uratosib ŋambile osib Qotei aqa segi kumbra bole ti soqniye.

2 Pita 3:13

Ariya Qotei a nami endegsi marej, “E na laŋ bunuj ti mandam bunuj ti olo gereiyqai.” A degsi marej deqa iga di unqajqa tariŋoqnsim unum. Laŋ bunuj ti mandam bunuj ti dia kumbra bole tiŋtiŋ gaigai sqas.

1 Jon 2:25

Nami Kristus a na iga endegsi mergonaq quem, “E na niŋgi ŋambile eŋgitqa niŋgi ŋambile gaigai sqab.”