Galesia 2:3 - Yesus Aqa Anjam Bole

³ Bati deqa Taitus a e ombla soqnej. Taitus a Grik qaji tamo. Ariya Kristen gate naŋgi e na Taitus osiy muluŋ waiyqa merbosai.

Galesia 2:3 ပူးပေါင်းရင်းမြစ်များ

Aposel 15:24

Iga nami anjam endegsi quem. Tamo qudei naŋgi gago ambleq na tigelosib nuŋgoq gilsib naŋgo segi areqalo na anjam bei merŋgsib dena nuŋgo areqalo niñaqyetŋgeb. Tamo naŋgi di iga na qariŋnjrosai.

Aposel 16:3

Onaqa Pol a Timoti osim ombla na walwelqajqa marsiqa a osiq muluŋ waiyej. Di kiyaqa? Juda tamo uŋgasari sawa dia soqneb qaji naŋgi endegsib qalieeb, “Timoti aqa siqali a Grik qaji tamo.” Naŋgi degsib qalieeb deqa Pol na Timoti osiq muluŋ waiyej.

2 Korin 2:13

Ariya e dia ijo was Taitus itosai deqa e a qa are koba qaloqnem. Deqa e Troas tamo uŋgasari naŋgi olo uratnjrsim Masedonia sawaq gilem.

Galesia 2:1

Ariya wausau 14 koboonaqa e olo Jerusalem aiem. E Barnabas ombla aioqnsim Taitus dego osi aiem.

2 Timoti 4:10

Ni que. Demas a mandam endeqa kumbra qa tulaŋ areareteqnu. Deqa a na e uratbosiqa Tesalonaika qureq gilej. Ariya Kresens a Galesia sawaq gilej. Taitus a Dalmesia sawaq gilej.

Taitus 1:4

O Taitus, e na anjam endi neŋgreŋyosim ni qa qariŋyonum. Aqo ombla Kristen tamo kalil naŋgi ti gago areqalo qujai. Agi iga kalil Yesus qa gago areqalo siŋgilateqnum. Deqa ni ijo aŋgro bole bul. Gago Abu Qotei naŋgi Kristus Yesus agi iga eleŋej qaji wo naŋgi aiyel ni qa are boleinjrimqa ni lawo na soqnime.