Galesia 2:19 - Yesus Aqa Anjam Bole

¹⁹ Ariya dal anjam a na e moio qa gamq di waibej. Osiqa e moiotbej. Gam dena e bini Qotei ombla ŋambile unum. E Kristus ombla na ŋamburbasq di gaiŋosim moiem.

Galesia 2:19 ပူးပေါင်းရင်းမြစ်များ

Rom 4:15

Iga qalie, dal anjam unu deqa tamo naŋgi dal anjam gotraŋyeqnub. Deqa Qotei a naŋgi qa minjiŋ oqeteqnu. Ariya dal anjam sosai qamu tamo naŋgi dal anjam gotraŋyeqnub degsi marqa keresai qamu.

Rom 5:20

Tamo naŋgi nami dal anjam eb bati deqa naŋgi dal anjam tulaŋ koba gotraŋyoqneb. Naŋgi une tulaŋ gargekoba yoqneb ariya Qotei a olo naŋgi qa are tulaŋ boleiyoqnej.

Rom 6:11

Dego kere niŋgi dego endegsib are qaliye. Niŋgi dego moiobuleb deqa niŋgi olo une aqa sorgomq di sqasai. Niŋgi Kristus Yesus beteryosib deqa niŋgi Qotei ombla ŋambile unub.

Rom 6:14

Deqa une na niŋgi olo taqatŋgwasai. Di kiyaqa? Bini niŋgi dal anjam aqa sorgomq di sosai. Qotei a niŋgi qa are tulaŋ boleiyej kumbra di aqa sorgomq di niŋgi unub.

Rom 6:2

Sai. Iga moiobulem deqa iga une aqa kumbra uratem. Deqa iga kiersim olo une yoqnqom?

Rom 7:14

Iga qalie, Qotei aqa dal anjam a Qotei aqa Mondor aqaq na bej. Ariya e areqalo namijq di unum deqa e Qotei aqa areqalo dauryqa keresai. Di kiyaqa? Une na e tonto talq waibobulej unum deqa e une aqa wau tamo unum.

Rom 7:4

Deqa ijo was qu, niŋgi Kristus aqa jejamu beteryosib a ombla moreŋeb. Deqa niŋgi olo dal anjam aqa sorgomq di sosai. Niŋgi tamo bei agi Kristus subq na tigelej qaji aqa segi tamo uŋgasari unub. Deqa iga kumbra bole Qotei a tulaŋ areareteqnu qaji di babtoqnqom.

Rom 8:2

Di kiyaqa? Niŋgi segi segi Kristus Yesus aqa tamo deqa. Qotei aqa Mondor Bole iga ŋambile egej qaji a na niŋgi aqaryaiŋgej deqa une ti moio ti na niŋgi olo taqatŋgwa keresai. Qotei aqa Mondor a segi na niŋgi taqatŋgeqnu.

1 Korin 10:31

Deqa niŋgi iŋgi ti ya ti uyqa oqnsib niŋgi Qotei aqa ñam soqtetoqnsib uyoqniye. Niŋgi kumbra bei yqa oqnsib niŋgi Qotei aqa ñam soqtetoqnsib yoqniye.

1 Korin 9:20

Deqa e Juda naŋgo sorgomq di sosimqa e naŋgo kumbra dauryoqnsim dena e na naŋgi are bulyetnjreqnam naŋgi Kristus aqaq beqnub. Tamo naŋgi Moses aqa dal anjam aqa sorgomq di unub qaji naŋgi dego e na oqajqa deqa e naŋgo kumbra dauryoqnsim dal anjam aqa sorgomq di sobulejunum. Bole, e segi dal anjam aqa sorgomq di sosai. Ariya e naŋgo kumbra di dauryoqnsiy dena e na naŋgi are bulyetnjroqnit naŋgi Kristus aqaq bqajqa deqa are qalsim dal anjam aqa sorgomq di sobulejunum.

2 Korin 5:15

Iga ŋambile unum deqa iga gago segi jejamu qa are qalsim walwelqasai. Utru deqa a iga qa moiej. A gago sawa osiq moisiq olo subq na tigelej deqa iga a qa are qalsim walweloqnqom.

Galesia 2:20

Osim e olo ŋambile bunuj em. Ariya ŋambile di ijo segi ŋambile sai. Kristus a segi ijo are miligiq di ŋambile unu. Deqa bini kumbra kalil e mandamq endi yeqnum qaji di e Qotei aqa Ŋiri qa ijo areqalo siŋgilatosim yeqnum. Agi Qotei aqa Ŋiri a na e tulaŋ qalaqalaibosiq deqa a aqa segi ŋambile uratosiq e qa moiej.

Galesia 3:10

Ariya tamo qudei naŋgi endegsib are qaleqnub, “Iga dal anjam dauryqom gam dena iga Qotei aqa ŋamgalaq di tamo bole une saiqoji sqom.” O was qu, tamo naŋgi di Qotei na padaltnjrqas. Di kiyaqa? Qotei aqa anjam bei nami endegsib neŋgreŋyeb unu, “Tamo bei a Qotei aqa dal anjam kalil neŋgreŋq di unu qaji di dauryekritosim ariya qujai bole qujai grotqas di Qotei na a padaltqas.”

Galesia 3:24

Dal anjam a gago abu bul sosiqa iga Kristus aqa areq joqsi gilej. Yim iga Kristus qa gago areqalo siŋgilatim Qotei na iga tamo bole une saiqoji qa mergwajqa deqa.

Galesia 6:14

Ariya e ijo segi ñam soqtqa keresai. E tamo bei aqa ñam dego soqtqa keresai. E Yesus Kristus aqa ñam segi soqtqai. A ŋamburbasq di moiej e deqa segi areboleboleibeqnu. Kristus a ŋamburbasq di moiej aqa wau dena mandam qa kumbra kalil ijo areqaloq di unu qaji di moiobuleb. E segi dego ŋamburbasq di moiobulem deqa e olo mandam qa kumbra dauryqa keresai.

Kolosi 2:20

Niŋgi Kristus koba na moreŋeb deqa niŋgi mondor uge uge laŋ ti mandam ti taqatejunub qaji naŋgo sorgomq di sosai. Deqa kiyaqa niŋgi olo mandam tamo naŋgo kumbra dauryeqnub? Kiyaqa niŋgi naŋgo dal anjam dego dauryeqnub?

Kolosi 3:3

Niŋgi moreŋobulosib olo ŋambile eb. Nuŋgo ŋambile di agi Kristus aqaq di uliesonaqa niŋgi Qotei beteryejunub.

1 Tesalonaika 5:10

Yesus a iga qa moiej deqa iga ŋambile sqom kio iga moiqom kio di uŋgum. Iga Yesus koba na ŋambile gaigai sqom.

Taitus 2:14

Kristus a na iga eleŋosim gago une kalil kobotqajqa deqa marsiq aqa segi ŋambile uratosiq moiej. Iga aqa segi tamo uŋgasari boledamu sosim kumbra bole bole siŋgila na dauryoqnqajqa deqa marsiq aqa segi ŋambile uratej.

Hibru 9:14

Ariya Kristus aqa leŋ na wagme naŋgo leŋ tulaŋ buŋyejunu. Kristus aqa jejamuq di jiga bei saiqoji. Qotei aqa Mondor gaigai sqas qaji a na Kristus siŋgilatonaqa aqa segi jejamu ŋambile sonaqa osiqa Qotei atraiyej. Osiqa aqa leŋ na gago are miligi yansetgej. A gago jejamu segi yansetgosai. A gago une kobotetgej deqa iga qalieonum, iga Qotei aqa ŋamgalaq di une saiqoji unum. Deqa iga olo dal anjam dauryqajqa are qalqasai. Di kiyaqa? Dal anjam dena iga ŋambile sqa keresai. Ariya iga Qotei ŋambile gaigai unu qaji a qa are qaloqnsim wauetoqnqom di iga ŋambile sqom.

1 Pita 2:24

Kristus a gago une kalil qoboiyosiqa aqa segi jejamuq di atsiqa a ŋamburbasq di iga qa gaiŋej. Iga gago une kalil torei uratosim ŋambile sosim kumbra tiŋtiŋ yoqnqajqa deqa osiqa ŋamburbasq di iga qa gaiŋej. Jeu tamo naŋgi na Yesus qalougetosib jaqatiŋ koba yeb. Onaqa aqa jaqatiŋ dena a na iga olo boletgej.

1 Pita 4:6

Utru deqa Kristus na aqa anjam bole palontosiq tamo uŋgasari nami moreŋeb qaji naŋgi minjroqnej. Bole, naŋgi moreŋeb. Agi tamo uŋgasari kalil une yeqnub qaji naŋgi moreŋeqnub. Ariya a na aqa anjam bole palontosiq naŋgi minjrej deqa naŋgi olo ŋambile osib Qotei bulosib mondor ti sqab.