Galesia 2:18 - Yesus Aqa Anjam Bole

¹⁸ E dal anjam aqa sorgomq di sqa uratosiy ariya bunuqna e puluosiy dal anjam aqa sorgomq di olo sqai di ijo kumbra dena e une atonum.

Galesia 2:18 ပူးပေါင်းရင်းမြစ်များ

Rom 14:15

Deqa a iŋgi di jigat qa marimqa niŋgi iŋgi di osib uyib niŋgsimqa a are gulubeiyqas. Nuŋgo kumbra dena niŋgi qalaqalaiyo kumbra uratosib deqa niŋgi aqa are gulubetetqab. Kristus a nuŋgo was deqa osiq moiej deqa niŋgi nuŋgo iŋgi uyo qa osib a ugeugeiyaib.

Rom 2:25

Bole, ni dal anjam dauryoqnsim ariya ni muluŋ dego aiqam di kumbra bole. Ariya ni dal anjam gotraŋyoqnsim laŋa muluŋ aiqam di keresai. Ino kumbra dena ni tamo muluŋ aiosai qaji naŋgi bulosim laŋa unum.

Rom 3:5

Deqa was qu, niŋgi na kamba olo e endegsib merbqab kio, “Iga kumbra uge yoqnqom dena Qotei aqa kumbra tiŋtiŋ olo brantoqnqas di iga kiersi marqom? Qotei a gago une qa minjiŋ oqim awai uge egwas di a kumbra uge yqo. Degsi marqom e?” O was qu, iga degsi marqasai. Qotei a gaigai kumbra tiŋtiŋ segi yeqnu. A kumbra tiŋtiŋ yqasai di a kiersim tamo uŋgasari naŋgo kumbra qa peginjrqas? Nuŋgo areqalo di mandam tamo naŋgo areqalo.

Galesia 2:21

Qotei a iga qa are tulaŋ boleiyej aqa kumbra di e ugeugeiyqasai. Iga Moses aqa dal anjam dauryqom gam dena iga Qotei aqa ŋamgalaq di tamo bole une saiqoji so qamu Kristus a laŋa moiej qamu.

Galesia 5:11

O was qu, e tamo naŋgi muluŋ aiqajqa minjroqnem qamu kiyaqa jeu tamo naŋgi na e ugeugeibeqnub? E tamo naŋgi muluŋ aiqajqa minjroqnem qamu jeu tamo naŋgi na ŋamburbas qa anjam jeutosai qamu.