Galesia 2:17 - Yesus Aqa Anjam Bole

¹⁷ Ariya iga Kristus qa gago areqalo siŋgilateqnum gam dena iga Qotei aqa ŋamgalaq di tamo bole une saiqoji unum. Deqa tamo qudei naŋgi iga endegsib mergwab, “Niŋgi sawa bei bei qaji tamo naŋgi bulosib deqa niŋgi une ti unub.” Naŋgi iga degsib mergibqa iga kamba endegsi minjrqasai, “Od, Kristus na iga uneq breigej unum.” Iga degsi minjrqasai.

Galesia 2:17 ပူးပေါင်းရင်းမြစ်များ

Matyu 1:21

Deqa aqa aŋgro mel ŋambabqas. A na aqa segi tamo uŋasari naŋgo une kalil kobotetnjrsim naŋgi eleŋqas. Deqa ni aqa ñam Yesus waiyqam.”

Luk 20:16

E niŋgi merŋgwai. A bosim naŋgi ñumsim moiotnjrqas. Osim aqa wau di olo yainjrsim tamo qudei naŋgo baŋq di uratetnjrimqa naŋgi na taqatqab.” Yesus a na naŋgi yawo anjam degsi minjrnaqa naŋgi qusib kamba minjeb, “Wau taqato tamo naŋgo kumbra di tulaŋ uge. Naŋgi kumbra deqaji yaib.”

Rom 11:7

Deqa iga kiersi marqom? Iga endegsi marqom. Israel naŋgi tamo bole une saiqoji sqajqa waukobaeqnab ugeinjroqnej. Ariya naŋgi qudei Qotei na aqa segi qa marsiq giltnjrej deqa naŋgi aqa ŋamgalaq di tamo bole une saiqoji unub. Ariya naŋgi qudei naŋgo areqalo geteŋnjrejunu.

Rom 15:8

E endegsi marqai. Kristus a Juda naŋgi aqaryainjrqa oqnsiq wauoqnej. Qotei aqa anjam a bole di naŋgi qalieqajqa deqa osiq wauoqnej. Anjam Qotei na nami Juda naŋgo moma utru naŋgi minjroqnej qaji di siŋgilatqajqa deqa ti Kristus a wauoqnej.

Rom 3:4

O was qu, iga degsi marqasai. Iga endegsi marqom. Tamo kalil naŋgi gisaŋ tamo. Ariya Qotei a segi qujai gisaŋ tamo sai. A anjam bole segi gaigai mareqnu. Agi Qotei aqa anjam bei nami endegsib neŋgreŋyeb unu, “O Qotei, ni gaigai kumbra tiŋtiŋ na e pegibeqnum. Ariya tamo qudei naŋgi na ni pegimqa maribqa ni na olo naŋgi buŋnjrsim ni une saiqoji sqam.”

Galesia 2:11

Ariya bunuqna Pita a Antiok qureq bonaqa e aqa ulatamuq di a ŋiriŋtem. Di kiyaqa? A kumbra uge yej deqa.

Galesia 2:15

Bole, iga Juda tamo. Iga degsi ŋambabem. Iga sawa bei bei qaji tamo sai. Agi sawa bei bei qaji tamo naŋgi uneq di laqnub. Iga tamo deqaji sai.

Galesia 3:21

E endegsi marqai kio? Dal anjam a na iŋgi bole bole Qotei a nami iga egwa marej qaji di jeuteqnu. E degsi marqasai. Qotei na dal anjam bei iga ŋambile egwajqa di egej qamu iga dal anjam dauryqom gam dena iga tamo bole une saiqoji so qamu.

Galesia 6:14

Ariya e ijo segi ñam soqtqa keresai. E tamo bei aqa ñam dego soqtqa keresai. E Yesus Kristus aqa ñam segi soqtqai. A ŋamburbasq di moiej e deqa segi areboleboleibeqnu. Kristus a ŋamburbasq di moiej aqa wau dena mandam qa kumbra kalil ijo areqaloq di unu qaji di moiobuleb. E segi dego ŋamburbasq di moiobulem deqa e olo mandam qa kumbra dauryqa keresai.

Hibru 8:2

A atra tal laŋ qureq di unu qaji di miligiq giloqnsiqa laŋ qaji iŋgi iŋgi Qotei atraiyeqnu. Atra tal di Qotei aqa segi tal bole. Tamo bei na atosai. Tamo Koba Qotei a segi na atej unu.

1 Jon 3:5

Niŋgi qalie, Kristus a gago une kobotqa bej. A segi une saiqoji.