Galesia 2:15 - Yesus Aqa Anjam Bole

¹⁵ Bole, iga Juda tamo. Iga degsi ŋambabem. Iga sawa bei bei qaji tamo sai. Agi sawa bei bei qaji tamo naŋgi uneq di laqnub. Iga tamo deqaji sai.

Galesia 2:15 ပူးပေါင်းရင်းမြစ်များ

Matyu 9:11

Onaqa Farisi tamo qudei naŋgi bosib Yesus a takis o qaji tamo ti une tamo ti naŋgi koba na iŋgi uyeqnab unjrsibqa Yesus aqa aŋgro naŋgi nenemnjreb, “Nuŋgo Tamo Koba a kiyaqa takis o qaji tamo ti une tamo ti naŋgi koba na awoosib iŋgi uyeqnub?”

Luk 24:7

Agi a na niŋgi endegsi merŋgej, ‘E Tamo Aŋgro ojsibqa une tamo naŋgo baŋq di atib lubib moiqai. Bati qalub koboamqa e olo subq na tigelqai.’ A niŋgi degsi merŋgej. Niŋgi aqa anjam deqa olo are qaliye.”

Aposel 22:21

Onaqa Tamo Koba Yesus na e olo merbej, ‘Ni tigelosim Jerusalem qure uratosim aie. E ni qariŋmitqa ni sawa isaq aisim dia sawa bei bei qaji tamo naŋgi ijo anjam minjroqnqam.’”

Rom 3:9

Deqa iga kiersi marqom? Iga Juda tamo deqa iga na tamo qudei naŋgi buŋnjreqnum degsi marqom e? Iga degsi marqasai. Agi e niŋgi merŋgonum, iga Juda tamo ti Grik tamo naŋgi ti iga kalil une ti unum. Une na iga kalil kabutgejunu.

Rom 4:16

Qotei a Abraham a qa ti aqa moma bunuqna brantqab qaji naŋgi qa ti are tulaŋ boleiyosiq deqa iŋgi iŋgi kalil di naŋgi enjrqa marej. Deqa tamo uŋgasari Qotei qa naŋgo areqalo siŋgilateqnub qaji naŋgi iŋgi iŋgi di oqab. Juda tamo dal anjam ejunub qaji naŋgi segi iŋgi iŋgi di oqasai. Tamo kalil Abraham aqa kumbra dauryosib Qotei qa naŋgo areqalo siŋgilateqnub qaji naŋgi dego iŋgi iŋgi di oqab. Abraham agi a iga kalil gago moma matu.

Galesia 2:17

Ariya iga Kristus qa gago areqalo siŋgilateqnum gam dena iga Qotei aqa ŋamgalaq di tamo bole une saiqoji unum. Deqa tamo qudei naŋgi iga endegsib mergwab, “Niŋgi sawa bei bei qaji tamo naŋgi bulosib deqa niŋgi une ti unub.” Naŋgi iga degsib mergibqa iga kamba endegsi minjrqasai, “Od, Kristus na iga uneq breigej unum.” Iga degsi minjrqasai.

Efesus 2:3

Nami iga kalil dego tamo naŋgi di koba na laqnem deqa iga gago areqalo namij dauryoqnem. Iga gago jejamu qa areqalo uge uge dauryosim laqnem deqa Qotei aqa minjiŋ tamo uge uge naŋgoq di unu qaji di gagoq di dego soqnej.

Filipai 3:4

Bole, gago jejamu na iga aqaryaigwa kere qamu bini e tulaŋ bole unum qamu. Tamo qudei naŋgi naŋgo segi jejamu aqa kumbra qa tulaŋ areboleboleinjreqnaqa mareqnub, “Gago jejamu na iga aqaryaigwa kere.” Ariya e na tamo naŋgi di tulaŋ buŋnjroqnem.

Taitus 3:3

Ni qalie, iga dego nami areqalo uge ti sosimqa Qotei aqa anjam gotraŋyoqnem. Bati di Satan a na iga gisa gisaŋgeqnaqa iga Qotei aqa gam bole dauryqa uratosim kumbra uge dauryqajqa are pruggeqnaqa gago segi jejamu qa tulaŋ areboleboleigoqnej. Kumbra dena iga siŋgila na ojesoqnej. Deqa iga minjiŋ ti are uge ti sosim walweloqnem. Tamo naŋgi na iga jeutgeqnabqa iga na kamba dego naŋgi jeutnjroqnem.