Galesia 2:10 - Yesus Aqa Anjam Bole

¹⁰ Osib naŋgi anjam qujai segi aqo aiyel endegsib mergeb, “Gago ambleq endia Kristen tamo qudei naŋgi iŋgi iŋgi tulaŋ saiqoji unub. Deqa niŋgi naŋgi qa are walŋgaiq. Niŋgi naŋgi dego aqaryainjroqniye.” Onaqa iga naŋgi odnjrem. Di kiyaqa? Iga nami tamo iŋgi iŋgi saiqoji unub qaji naŋgi aqaryainjrqajqa are koba soqnej agi bini degsim unum.

Galesia 2:10 ပူးပေါင်းရင်းမြစ်များ

Aposel 24:17

“Ariya e sawa bei beiq dia wauosim laqnamqa wausau qudei koboonaqa agi Jerusalem aiem. Yesus aqa tamo uŋgasari sawa bei beiq di so qaji naŋgi na silali koroiyosib ebnabqa osi aisim Juda naŋgi mam soqneb deqa enjrem. Silali qudei osi aisim Qotei dego atraiyem.

Hibru 13:16

Ariya niŋgi na tamo uŋgasari naŋgi kumbra bole bole enjroqniye. Naŋgi iŋgi qudei qa truquoqnibqa niŋgi na aqaryainjroqniye. Niŋgi kumbra di urataib. Niŋgi kumbra degyoqnqab di niŋgi Qotei atraiyobuloqnqab. Yim Qotei a nuŋgo kumbra deqa tulaŋ areboleboleiyoqnqas.

1 Jon 3:17

Tamo bei a mandam endeqa iŋgi iŋgi koba koroiyosimqa ariya aqa was bei iŋgi saiqoji soqnim unsim a aqaryaiyosaiamqa iga endegsi qalieqom, Qotei aqa qalaqalaiyo kumbra tamo di aqa are miligiq di sosai.