Galesia 1:9 - Yesus Aqa Anjam Bole

⁹ Iga anjam di nami marem. E olo marqai. Tamo bei na Kristus aqa anjam bole iga nami niŋgi merŋgoqnem qaji di olo bulbulyosim anjam bei merŋgwas di Qotei na tamo di ojsim ŋamyuoq waiyeme.

Galesia 1:9 ပူးပေါင်းရင်းမြစ်များ

Aposel 18:23

Gilsiq Antiok dia bati gargekoba yala sosiqa dena walwelosiq Galesia sawa ti Frigia sawa ti dia laqnej. Laqnsiqa naŋgo qure kalilq dia brantoqnsiqa tamo uŋgasari Yesus qa naŋgo areqalo siŋgilateb qaji naŋgi koroinjroqnsiqa Qotei aqa anjam na are siŋgilatetnjroqnej.

Rom 16:17

O was qu, nuŋgo ambleq di tamo qudei naŋgi Qotei aqa anjam niŋgi nami qusib dauryeb qaji di gotraŋyoqnsib olo bulbulyoqnsib naŋgo kumbra dena naŋgi na Kristen tamo uŋgasari naŋgi potoaiyeltnjroqnsib uneq breinjreqnub. Deqa e niŋgi siŋgila na endegsi merŋgwai. Niŋgi tamo deqaji naŋgi qa geregere ŋam atoqniye. Osib naŋgi qoreinjroqniye.

Rom 9:3

Ijo areqalo koba agiende. Qotei na e taqal waibim Kristus na e qoreibosim ijo was qu agi Jekop aqa leŋ naŋgi olo kamba eleŋqajqa deqa e are koba qaleqnum. Osim deqa e gaigai Qotei pailyeqnum.

2 Korin 1:17

Ariya niŋgi kiersib are qaleqnub? Niŋgi endegsib are qaleqnub kio, “Pol aqa anjam di a dauryosai deqa a na iga gisaŋgej. A mandam tamo naŋgo kumbra dauryosiq deqa a anjam bei maroqnsiq olo urateqnu. A laŋa odoqnsiqa olo saideqnu.” O was qu, niŋgi e qa degsib are qalaib.

Filipai 3:1

Ariya was qu, e ijo anjam getentqai. E anjam qujai bei unu. Anjam agiende. Niŋgi Tamo Koba Yesus qa tulaŋ areboleboleiŋgim soqniye. E anjam di olo neŋgreŋyosiy niŋgi qa qariŋyqa asgibosaieqnu. Di kiyaqa? E are qalonum, anjam dena niŋgi aqaryaiŋgwas.

Filipai 4:4

O was qu, niŋgi bati gaigai Tamo Koba Yesus qa areboleboleiŋgoqneme. E olo merŋgwai. Niŋgi a qa tulaŋ areboleboleiŋgoqneme.