Galesia 1:24 - Yesus Aqa Anjam Bole

²⁴ O was qu, Qotei na e are bulyetbej anjam di naŋgi quoqnsib deqa naŋgi tulaŋ areboleboleinjrnaqa Qotei aqa ñam soqtoqneb.

Galesia 1:24 ပူးပေါင်းရင်းမြစ်များ

Matyu 9:8

Onaqa tamo uŋgasari kalil naŋgi Yesus aqa siŋgila di unsibqa naŋgi tulaŋ ulaosib Qotei aqa ñam soqteb. Di kiyaqa? Qotei na siŋgila kobaquja Yesus yej deqa.

Mak 2:12

Degsi minjnaqa aqa jejamu boleonaqa a tigelosiqa aqa sapera osiqa tamo uŋgasari kalil naŋgo ŋamdamuq na walwelosiq gilej. Onaqa tamo uŋgasari kalil naŋgi Yesus aqa siŋgila di unsibqa naŋgi tulaŋ prugeleŋosib Qotei aqa ñam soqtosib mareb, “Kumbra iga endego unonum di kumbra tulaŋ bei. Tamo bei na kumbra deqaji bei yeqnaq iga nami unosaioqnem.”

Luk 15:10

Osiqa Yesus na olo minjrej, “Dego kere une tamo qujai a are bulyimqa Qotei aqa laŋ aŋgro naŋgi a qa tulaŋ areboleboleinjrqas.”

Luk 15:32

Ariya bini iga maruro atsimqa areboleboleigeqnu. Di kiyaqa? Ino was a moiobulosiq agi olo ŋambile sosiq bqo deqa. A loumej agi gagoq di olo brantqo.’”

Luk 2:14

“Laŋ goge dia Qotei a ñam kobaquja oqo. Mandamq endia tamo uŋgasari naŋgi are lawo na soqnebe. Qotei a naŋgi qa are boleiyeqnu.”

Luk 7:16

Onaqa tamo uŋgasari kalil qure dia soqneb qaji naŋgi Yesus aqa siŋgila di unsibqa naŋgi tulaŋ prugeleŋosib Qotei aqa ñam soqtosib maroqneb, “Bole, bini Qotei aqa medabu o qaji tamo kobaquja gago ambleq endi brantqo. Qotei na aqa segi tamo uŋgasari naŋgi aqaryainjrqajqa deqa tamo di qariŋyqoqa gagoq bqo.”

Aposel 11:18

Onaqa Juda tamo Pita ŋiriŋteb qaji naŋgi aqa anjam di qusibqa naŋgo ŋiriŋ koboej. Osib naŋgi Qotei aqa ñam soqtosib mareb, “Bole, Qotei a sawa bei bei qaji tamo naŋgi dego are bulyetnjreqnu. Deqa naŋgi dego ŋambile gaigai sqab.”

2 Korin 9:13

Niŋgi naŋgi degsib aqaryainjreqnub deqa nuŋgo wau dena nuŋgo kumbra bole kalil boleq atekritqas. Yim naŋgi unsib qalieqab, niŋgi Kristus aqa anjam bole siŋgila na ojejunub deqa niŋgi aqa anjam geregere dauryeqnub. Iŋgi bole bole niŋgi na oqnsib naŋgi ti tamo uŋgasari kalil naŋgi ti enjreqnub qaji di naŋgi unoqnsib Qotei aqa ñam soqtoqnqab.

2 Tesalonaika 1:10

Bati Qotei na nami giltej qaji di brantimqa Tamo Koba Yesus a bosim naŋgi degsim ŋolawotnjrqas. Ariya Qotei aqa segi tamo uŋgasari a qa naŋgo areqalo siŋgilateqnub qaji naŋgi kalil a mandamq aioqnim aqa siŋgila unsibqa aqa ñam soqtosib a qa tulaŋ areboleboleinjrim sqab. Niŋgi dego naŋgi ti areboleboleiŋgim sqab. Di kiyaqa? Qotei aqa anjam iga nami niŋgi merŋgoqnem qaji di niŋgi qusib nuŋgo areqaloq di siŋgilatejunub deqa.

2 Tesalonaika 1:12

Deqa nuŋgo kumbra dena niŋgi gago Tamo Koba Yesus aqa ñam soqtoqniye. Yimqa a na kamba dego nuŋgo ñam soqtetŋgoqnqas. Gago Qotei wo Tamo Koba Yesus Kristus wo naŋgi aiyel niŋgi qa are tulaŋ boleinjroqnimqa kumbra di nuŋgoq di brantoqneme.