Galesia 1:22 - Yesus Aqa Anjam Bole

²² Ariya bati deqa Kristus aqa tamo uŋgasari Judia sawaq di soqneb qaji naŋgi ijo ulatamu poinjrosaisoqnej.

Galesia 1:22 ပူးပေါင်းရင်းမြစ်များ

Aposel 9:31

Bati deqa Judia sawaq dia, Galili sawaq dia, Samaria sawaq dia dego tamo uŋgasari Yesus qa naŋgo areqalo siŋgilateb qaji naŋgi geregere lawo na soqneb. Naŋgi bati gaigai Tamo Koba Qotei aqa ñam biŋiyoqnsibqa aqa anjam dauryeqnabqa Qotei aqa Mondor na naŋgo are siŋgilatetnjreqnaqa tamo uŋgasari tulaŋ gargekoba are bulyoqnsib naŋgo miligiq aieqnab naŋgi tulaŋ kobaoqneb.

Rom 16:10

Niŋgi Apeles dego ijo kaiye anjam endi minjiye. Iga qalieonum, a bole Kristus dauryeqnu. Ariya niŋgi ijo kaiye anjam endi osib Aristobulus aqa leŋ naŋgi ti dego minjriye.

Rom 16:3

Niŋgi na ijo kaiye anjam endi osib Prisila wo Akwila wo naŋgi aiyel minjriye. Naŋgi aiyel e koba na Kristus Yesus aqa wau ojeqnum.

Rom 16:7

Niŋgi na ijo kaiye anjam endi osib Andronikus wo Junias wo naŋgi aiyel dego minjriye. Naŋgi aiyel ijo leŋ naŋgi. Jeu tamo naŋgi na naŋgi aiyel e ombla na ojeleŋosib tonto talq breigonab soqnem. Qotei na naŋgi aiyel wau enjrej deqa naŋgi aqa anjam maroqnsib laqnub. Deqa naŋgi aiyel dego ñam ti. Nami e are bulyosaisonam naŋgi namoqna are bulyosib Kristus qa naŋgo areqalo siŋgilateb.

Rom 16:9

Niŋgi Urbanus dego ijo kaiye anjam endi minjiye. A iga ti koba na Kristus aqa wau ojeqnum. Ariya niŋgi Stakis dego ijo kaiye anjam endi minjiye. A ijo kadoi bole.

1 Korin 1:30

Qotei a segi na niŋgi eleŋosiqa Kristus Yesus aqa baŋq di atej unub. Deqa Kristus aqa wau na iga Qotei aqa areqalo bole ti aqa powo ti unum. Aqa wau na iga tamo bole tiŋtiŋo unum. Aqa wau na iga Qotei aqa segi kumbra boleq di sosim walweleqnum. Aqa wau na Qotei na iga gago uneq dena olo awaigej deqa gago une na iga olo taqatgosai.

1 Korin 7:17

Gam Qotei na iga segi segi dauryqa marsiq giltgej qaji di iga dauryosim sqom. Iga nami gam kie dauryosim sonamqa Qotei na iga metgej degsim olo dauryosim sqom. Anjam di agi e na Kristen tamo uŋgasari sawa sawa kalilq dia koroosib loueqnub qaji naŋgi minjre minjre laqnum.

Filipai 1:1

E Pol. Aqo Timoti wo Kristus Yesus aqa wau tamo. Aqo aiyel na anjam endi neŋgreŋyosim niŋgi Kristus Yesus aqa segi tamo uŋgasari kalil Filipai qureq di unub qaji niŋgi ti nuŋgo gate ti nuŋgo wau tamo naŋgi qa ti qariŋyonum.

1 Tesalonaika 1:1

Iga Pol na Sailas na Timoti na iga qalub anjam endi neŋgreŋyosim niŋgi tamo uŋgasari Tesalonaika qureq dia Yesus aqa ñam qa koroosib loueqnub qaji niŋgi qa qariŋyonum. Niŋgi Abu Qotei wo Tamo Koba Yesus Kristus wo naŋgi aiyel taqnjrejunub. Qotei a niŋgi qa are boleiyimqa niŋgi lawo na soqniye.

1 Tesalonaika 2:14

O was qu, tamo uŋgasari Judia sawaq dia Kristus Yesus beteryesosib Qotei aqa ñam qa koroosib loueqnub qaji naŋgo kumbra agi niŋgi dego degsib dauryeqnub. Agi Juda naŋgi na Qotei aqa tamo uŋgasari Judia sawaq di unub qaji naŋgi gulube koba enjroqneb dego kere niŋgi dego nuŋgo segi leŋ naŋgi na gulube koba eŋgeqnub.

2 Tesalonaika 1:1

Iga Pol na Sailas na Timoti na iga qalub anjam endi neŋgreŋyosim niŋgi tamo uŋgasari Tesalonaika qureq dia Yesus aqa ñam qa koroosib loueqnub qaji niŋgi qa qariŋyonum. Niŋgi gago Abu Qotei wo Tamo Koba Yesus Kristus wo naŋgi aiyel taqnjrejunub.