Filipai 4:21 - Yesus Aqa Anjam Bole

²¹ E na Kristus Yesus aqa tamo uŋgasari kalil naŋgi kaiyeinjronum. Kristen was qu e koba na endi unum qaji naŋgi na dego niŋgi kaiyeiŋgonub.

Filipai 4:21 ပူးပေါင်းရင်းမြစ်များ

Matyu 5:47

Niŋgi nuŋgo was naŋgi segi gereinjroqnqab di kumbra tulaŋ bolesai. Nuŋgo kumbra dena niŋgi tamo qudei naŋgi buŋnjrqasai. Tamo naŋgi Qotei qaliesai qaji naŋgi dego naŋgo segi was naŋgi gereinjreqnub.

1 Korin 1:2

Niŋgi Korin qureq dia Qotei qa loueqnub qaji. Kristus Yesus a na niŋgi osiqa Qotei aqa segi kumbra boleq di atej. Osiqa niŋgi aqa segi tamo sqa marsiqa giltŋgej. Niŋgi ti Kristen tamo uŋgasari kalil qure qure kalilq dia gago Tamo Koba Yesus Kristus aqa ñam qa louoqnsib pailyeqnub qaji naŋgi ti Qotei na turtŋgosiqa aqa segi tamo sqa marsiqa niŋgi giltŋgej. Yesus a gago Tamo Koba. A Kristen tamo kalil dego naŋgo Tamo Koba.

Galesia 1:2

Kristen was kalil sawa endia unub qaji naŋgi e ti ombla na anjam endi neŋgreŋyosim niŋgi Galesia sawaq dia Yesus aqa ñam qa korooqnsib loueqnub qaji niŋgi qa qariŋyonum.

Galesia 2:3

Bati deqa Taitus a e ombla soqnej. Taitus a Grik qaji tamo. Ariya Kristen gate naŋgi e na Taitus osiy muluŋ waiyqa merbosai.

Efesus 1:1

E Pol. Kristus Yesus na e qariŋbej deqa e aqa anjam marsim laqnum. Qotei aqa segi areqalo na e merbej, “Ni ijo Aŋgro Yesus aqa anjam marsim laqne.” Onaqa e Qotei aqa areqalo di dauryosim agi e Yesus aqa anjam marsim laqnum. E na anjam endi neŋgreŋyosim niŋgi tamo uŋgasari Efesus qureq di unub qaji niŋgi qa qariŋyonum. Niŋgi Qotei aqa segi tamo uŋgasari tiŋtiŋ unub. Niŋgi Kristus Yesus geregere dauryeqnub.

Filipai 1:1

E Pol. Aqo Timoti wo Kristus Yesus aqa wau tamo. Aqo aiyel na anjam endi neŋgreŋyosim niŋgi Kristus Yesus aqa segi tamo uŋgasari kalil Filipai qureq di unub qaji niŋgi ti nuŋgo gate ti nuŋgo wau tamo naŋgi qa ti qariŋyonum.

Filipai 4:7

Niŋgi degyibqa Qotei aqa lawo kumbra na nuŋgo are miligi ti nuŋgo areqalo ti taqatetŋgimqa niŋgi geregere lawo na sqab. Kumbra dena niŋgi Kristus Yesus beteryesqab. Qotei aqa kumbra di tulaŋ bolequja. Deqa kumbra di aqa utru iga torei dauryosim itqa keresai.