Filipai 4:11 - Yesus Aqa Anjam Bole

¹¹ Bole, e iŋgi bei qa truquosaieqnum. E deqa are qalsim anjam endi neŋgreŋyosai. E lawo kumbra qalieonum deqa kumbra kie ijoq di brantqas di uŋgum, e ulaqasai.

Filipai 4:11 ပူးပေါင်းရင်းမြစ်များ

Luk 3:14

Onaqa qaja tamo qudei naŋgi Jon aqa areq gilsib nenemyeb, “Ni mare. Iga kumbra kieryqom?” Onaqa Jon na minjrej, “Niŋgi tamo qudei naŋgi ugeugeinjrsib silali laŋa yainjroqnaib. Niŋgi gisaŋosib tamo qudei naŋgo silali laŋa yainjrqa marsibqa naŋgo jejamuq di une bei bei atoqnaib. Niŋgi endegsib are qaloqniye, ‘Iga waueqnum deqa aqa awai di kere.’”

2 Korin 11:27

E ŋes na ti jaqatiŋ na ti waukobaoqnem. Qolo gargekoba e waukobaoqnsim ŋeiosaioqnem. E mam ti laqnem. E ya qarboqnej. Bati gargekoba e iŋgi saiqoji soqnem. Bati gargekoba e yorbeqnaqa e ijo jejamu kabutqajqa gara saiqoji soqnem.

2 Korin 6:10

Iga are gulubeigeqnu. Di uŋgum. Iga gaigai areboleboleigeqnu. Iga ñoro saiqoji unum. Di uŋgum. Iga na tamo uŋgasari naŋgi aqaryainjreqnam naŋgi laŋ qaji iŋgi iŋgi koba eleŋeqnub. Iga iŋgi iŋgi saiqoji unum. Ariya iga olo laŋ qaji iŋgi iŋgi kalil ejunum.

2 Korin 8:9

Gago Tamo Koba Yesus Kristus a niŋgi qa are tulaŋ boleiyosiq aqaryaiŋgej di niŋgi qalie. Agi a nami laŋ qaji ñoro koba esosiqa ariya a niŋgi aqaryaiŋgwa osiq deqa a ñoro kalil di olo uratosiqa iŋgi tulaŋ saiqoji soqnej. Yim niŋgi kamba laŋ qaji ñoro koba oqajqa deqa.

2 Korin 9:8

Qotei a na iŋgi bole bole niŋgi keretsim eŋgoqnqa kere. Yim niŋgi iŋgi koba ti sqab. Deqa niŋgi gaigai iŋgi iŋgi kere na sosibqa dena wau bole bole yoqniye.

Filipai 3:8

E Juda naŋgo kumbra uratqa segi marosai. E mandam qa kumbra kalil dego uratqa maronum. E ijo Tamo Koba Kristus Yesus qa bole qalieonum. Ijo qalie di tulaŋ bolequja e degsi unonum. Deqa e qalieonum, mandam qa kumbra kalil di qalam jiri bul. Deqa e Kristus segi dauryqajqa are unu. E mandam qa kumbra kalil di uratekritosiy Kristus segi ojqai.

Hibru 10:34

Jeu tamo naŋgi dena nuŋgo ambleq na tamo qudei ojsibqa tonto talq di breiŋgonab sonabqa niŋgi na tonto tamo naŋgi deqa are qaloqnsib naŋgi geregereinjroqneb. Bati di jeu tamo naŋgi dena niŋgi qudei nuŋgo iŋgi iŋgi yaiŋgoqneb. Ariya niŋgi deqa are ugeiŋgosai. Niŋgi areboleboleiŋgej. Di kiyaqa? Niŋgi qalie, iŋgi di laŋa mandam qaji iŋgi. Ariya laŋ qure qaji iŋgi a bati gaigai sqas. Iŋgi di niŋgi oqsib oqab.