Filipai 3:7 - Yesus Aqa Anjam Bole

⁷ Deqa e maroqnem, “E ijo jejamu qa kumbra di dauryoqnqai di e na tamo kalil naŋgi tulaŋ buŋnjrqai.” E degsi marsimqa ariya bunuqna e olo are bulyosim ijo jejamu qa kumbra kalil di unem kumbra di bolesai. Degsi unsimqa e kumbra di uratosim olo Kristus aqa gam dauryoqnem.

Filipai 3:7 ပူးပေါင်းရင်းမြစ်များ

Matyu 16:26

Tamo bei a mandam qa ñoro kalil koroiyqas di mondoŋ aqa segi qunuŋ padalqas. Yimqa ñoro dena a kiersim aqaryaiyqas? Di keresai. Aqa qunuŋ padalqas di a awai kie atsim dena aqa qunuŋ olo ŋambile sqas? Di keresai.

Mak 10:50

Degsi minjnab qusiqa aqa gara taqal atsiqa urur tigelosiqa Yesus aqa areq bej.

Luk 14:26

“Tamo bei a e daurbqa osimqa aqa abu, aqa ai, aqa ŋauŋ, aqa aŋgro naŋgi, aqa was naŋgi, aqa jaja naŋgi ti, aqa segi jejamu dego jeutnjrqasai di a ijo aŋgro sqa keresai.

Luk 14:33

“Dego kere tamo bei na e daurbqa osimqa a mati aqa segi iŋgi iŋgi kalil uratosim di a e daurbqa kere. Aqa iŋgi iŋgi kalil uratqasai di a ijo aŋgro sqa keresai.”

Luk 16:8

“Onaqa ñoro tamo a aqa ñoro taqato tamo aqa kumbra gisaŋ di poiyonaqa aqa ñam soqtosiq minjej, ‘Ni keretonum.’ Degsi minjej. Di kiyaqa? Ñoro taqato tamo uge di a powo ti sosiq deqa kumbra gisaŋ di yej. Deqa niŋgi quiye. Mandam endeqa tamo uŋgasari naŋgi mandam qa kumbra dauryqajqa naŋgo powo kobaquja. Ariya niŋgi Qotei aqa segi tamo uŋgasari suwaŋoq di unub qaji niŋgi mandam qa kumbra dauryqajqa nuŋgo powo kiñala.

Aposel 27:38

Tamo kalil naŋgi iŋgi uynab menetnjrnaqa qobuŋ otqajqa marsibqa wit aqa quŋ kokba qudei wit korbi osib waiyeleŋonabqa yuwalq aiej.

Hibru 11:26

Osiqa olo endegsi are qalej, “E Kristus aqa ñam qa jemai oqai di kere. Mondoŋ e awai tulaŋ boledamu oqai. Awai dena silali ti ñoro ti Isip di unu qaji di tulaŋ buŋyejunu.” Moses a awai boledamu di oqa marsiq deqa a degsi aqa areqalo siŋgilatej.