Filipai 3:16 - Yesus Aqa Anjam Bole

¹⁶ Ariya kumbra bole iga ojsim dauryeqnum qaji di iga siŋgila na ojesqom.

Filipai 3:16 ပူးပေါင်းရင်းမြစ်များ

Rom 12:16

Niŋgi segi segi kalil areqalo qujaitosib soqniye. Niŋgi nuŋgo segi ñam soqtqa are qalaib. Niŋgi tamo laŋaj naŋgi koba na laqajqa areboleboleiŋgem. Niŋgi nuŋgo segi ñam soqtosib endegsib maraib, “Iga segi qalie koba ti unum.” Niŋgi degaib.

Rom 15:5

Qotei a segi na gago areqalo siŋgilatetgeqnu. A segi na iga aqaryaigeqnu deqa iga siŋgila na tigeleqnum. Ariya Qotei na niŋgi aqaryaiŋgimqa niŋgi Kristus Yesus aqa kumbra dauryosib areqalo qujaitosib soqniye.

Galesia 5:7

Nami niŋgi Kristus aqa gam geregere dauryosib walweloqneb. Ariya tamo yai na gam getentetŋgonaqa niŋgi olo anjam bole dauryqa urateqnub?

Galesia 6:16

Tamo kalil areqalo di ojsib dauryeqnub qaji naŋgi qa Qotei a tulaŋ are boleiyoqnsim sqas. Osim naŋgo are latetnjroqnqas. Tamo naŋgi di Qotei aqa tamo bole. Naŋgi Israel tamo tiŋtiŋ.

Filipai 1:27

Ijo anjam kobaquja bei agiende. Niŋgi Kristus aqa anjam bole di geregere dauryosib walweloqniye. Yim e olo niŋgi qa bosiy nuŋgwai kio endi sosiy niŋgi qa anjam laŋa quqwai kio di uŋgum, e qalieqai, niŋgi siŋgila na tigeloqnsib areqalo qujai na wauoqnsib tamo uŋgasari naŋgo are tigeltetnjreqnabqa naŋgi Kristus aqa anjam bole quoqnsib naŋgo areqaloq di siŋgilateqnub.

Filipai 2:2

Degsi sqas di niŋgi kumbra bole bole yoqnibqa e niŋgi qa tulaŋ areboleboleiboqnqas. Kumbra bole agiende. Niŋgi kalil are qujaitosib qalaqalaiyo kumbra dauryosib soqniye. Sosib niŋgi areqalo qujai na Qotei aqa wau yoqniye.

Filipai 4:2

Ariya Yuodia wo Sintike wo, niŋgi aiyel quiye. Niŋgi Tamo Koba Yesus beteryejunub deqa niŋgi aiyel are qujaitosib geregere soqniye.

Kolosi 2:6

Niŋgi nami Tamo Koba Kristus Yesus osib nuŋgo areq di ateb. Deqa niŋgi a ombla walweloqniye.

Kolosi 4:2

Ariya was qu, niŋgi gaigai siŋgila na Qotei pailyoqniye. Niŋgi aqar ataib. Niŋgi pailyoqnsib geregere are qaloqnsib Qotei biŋiyoqniye.

Uli Anjam 3:3

Anjam bole ni nami qusim dauryem qaji deqa olo are qale. Are qalsim anjam di geregere dauryosim are bulye. Ni ŋam sirosim tigelqasai di e bajiŋ tamo bul ni qa boqujatqai. Bati gembu e inoq bqai di ni qalieqa keresai.