Filipai 2:5 - Yesus Aqa Anjam Bole

⁵ Niŋgi Kristus Yesus aqa areqalo ojsib dauryoqniye.

Filipai 2:5 ပူးပေါင်းရင်းမြစ်များ

Matyu 11:29

Niŋgi e qa geregere qalieosib ijo anjam aqa sorgomq di soqniye. Di kiyaqa? E na tamo naŋgi lawo kumbra enjroqnsim ijo segi ñam aguq ateqnum. Deqa niŋgi e qa qalieabqa iŋgi bei na niŋgi gulube eŋgwasai. Niŋgi aqaratqab.

Luk 22:27

Niŋgi are qaliye. Tamo yai a tamo kobaquja? Tamo awoosiq iŋgi uyeqnu a kio? Kaŋgal tamo iŋgi suweiyosiq anaiyeqnu a kio? Tamo agi awoosiq iŋgi uyeqnu qaji a tamo kobaquja. Ariya niŋgi degyaib. Niŋgi ijo kumbra dauryiye. Agi e nuŋgo ambleq endi sosimqa niŋgi kaŋgalŋgeqnum.

Aposel 10:38

Qotei na aqa Mondor siŋgila koba ti unu qaji di Yesus yonaqa a walweloqnsiqa kumbra bole bole yoqnsiqa tamo uŋgasari Satan na ugetnjro qaji naŋgi kalil boletnjroqnej. Qotei a Yesus ombla soqneb deqa a siŋgila ti wauoqnej.

Aposel 20:35

Kumbra kalil e nuŋgo ambleq di yoqnem qaji di niŋgi segi unoqneb. Unoqnsib endegsi poiŋgoqnej, ‘Pol aqa kumbra di bole. Deqa iga Pol aqa kumbra di dauryosim siŋgila na wauoqnsimqa tamo uŋgasari siŋgila saiqoji unub qaji naŋgi aqaryainjroqnqom. Iga Tamo Koba Yesus aqa anjam nami marej qaji deqa are qaloqnsim degsi wauoqnqom.’ Agi Yesus a segi nami endegsi marej, ‘Tamo bei na tamo bei aqaryaiyosim iŋgi bei yqas di tamo iŋgi oqas qaji a areboleboleiyqas. Ariya tamo a na iŋgi yqas qaji a olo tulaŋ arebolebolekobaiyqas.’”

Rom 14:15

Deqa a iŋgi di jigat qa marimqa niŋgi iŋgi di osib uyib niŋgsimqa a are gulubeiyqas. Nuŋgo kumbra dena niŋgi qalaqalaiyo kumbra uratosib deqa niŋgi aqa are gulubetetqab. Kristus a nuŋgo was deqa osiq moiej deqa niŋgi nuŋgo iŋgi uyo qa osib a ugeugeiyaib.

Rom 15:3

Iga qalie, Kristus a dego aqa segi jejamu aqaryaiyqajqa are qalosaioqnej. Agi Kristus a nami endegsi Qotei pailyej, “O Abu, tamo qudei naŋgi ni qa anjam uge mareqnub. Naŋgo anjam di e qa dego mareqnub.” O was qu, Qotei aqa anjam di agi neŋgreŋq di unu.

Rom 15:5

Qotei a segi na gago areqalo siŋgilatetgeqnu. A segi na iga aqaryaigeqnu deqa iga siŋgila na tigeleqnum. Ariya Qotei na niŋgi aqaryaiŋgimqa niŋgi Kristus Yesus aqa kumbra dauryosib areqalo qujaitosib soqniye.

1 Korin 10:33

E dego tamo uŋgasari kalil naŋgi kumbra bole bole enjreqnam naŋgi ijo kumbra di unoqnsib arearetnjreqnu. E ijo segi jejamu qa are qalosaieqnum. E tamo uŋgasari gargekoba naŋgi qa are qaloqnsim aqaryainjreqnum. Yim Qotei na naŋgi oqajqa deqa.

Efesus 5:2

Kristus a na iga tulaŋ qalaqalaigosiq deqa aqa segi ŋambile uratosiq iga qa moiej. Dego kere niŋgi dego qalaqalaiyo kumbra dauryosib walweloqniye. Atra tamo naŋgi atraiyo iŋgi iŋgi sabaŋ quleq bolequja di oqnsib Qotei atraiyeqnub dego kere Kristus a na aqa segi ŋambile Qotei atraiyosiq moinaqa Qotei a deqa tulaŋ areboleboleiyej.

Filipai 1:1

E Pol. Aqo Timoti wo Kristus Yesus aqa wau tamo. Aqo aiyel na anjam endi neŋgreŋyosim niŋgi Kristus Yesus aqa segi tamo uŋgasari kalil Filipai qureq di unub qaji niŋgi ti nuŋgo gate ti nuŋgo wau tamo naŋgi qa ti qariŋyonum.

1 Pita 2:21

Qotei a niŋgi kumbra degyqa osiqa niŋgi metŋgej. Di kiyaqa? Kristus a segi dego niŋgi aqaryaiŋgwa osiqa jaqatiŋ qoboiyosiq moiej. Niŋgi kamba aqa kumbra di dauryosib jaqatiŋ oqnsib sqajqa deqa are qalsiqa aqa kumbra di niŋgi osorŋgej.

1 Pita 4:1

Kristus a na aqa segi jejamu osiqa jaqatiŋ koba osiqa moiej. Dego kere niŋgi dego Kristus aqa areqalo di siŋgila na ojsib nuŋgo segi jejamu osib jaqatiŋ oqniye. Di kiyaqa? Tamo bei na aqa segi jejamu osim jaqatiŋ oqnqas di a une uratqas.

1 Jon 2:6

Tamo bei a marqas, “E Qotei beteryejunum.” Degosim a kumbra kalil Yesus yoqnej qaji di dauryosim yoqnem.