Filipai 2:29 - Yesus Aqa Anjam Bole

²⁹ Deqa niŋgi Epafroditus a qa tulaŋ arebolebo-leiŋgim Tamo Koba Yesus aqa ñam na gereiyoqniye. Niŋgi tamo bole deqaji kalil naŋgo ñam gaigai soqtoqniye.

Filipai 2:29 ပူးပေါင်းရင်းမြစ်များ

Luk 9:5

Tamo naŋgi niŋgi gereiŋgosaiabqa niŋgi qure di uratqa oqnsib nuŋgo siŋga tumbrum butuyoqniye. Yimqa naŋgi nuŋgo kumbra di unsib poinjrqas, ‘Bole, iga kumbra ugetonum.’”

Jon 13:20

Niŋgi quiye. E bole merŋgwai. Tamo bei na tamo bei e qariŋyonum qaji a oqas di a e dego oqas. A e oqas di a na ijo Abu e qariŋbej qaji a dego oqas.”

Aposel 2:46

Naŋgi bati gaigai naŋgo areqalo qujaitosib sosibqa Juda naŋgo atra tal miligiq dia korooqnsib louoqneb. Naŋgo segi segi talq dia dego korooqnsibqa bem gentosib uyoqneb. Naŋgi kalil arebolebole ti lawo na sosibqa Qotei aqa ñam soqtoqnsib koba na iŋgi uyoqneb. Degyeqnabqa tamo kalil naŋgi Yesus aqa tamo uŋgasari naŋgo kumbra di unoqnsibqa naŋgi qa tulaŋ areboleboleinjroqnej. Bati gaigai tamo uŋgasari qudei naŋgi are bulyeqnab Tamo Koba Qotei na naŋgi eleŋeqnaqa naŋgi boqnsib tamo nami Yesus qa naŋgo areqalo siŋgilateb qaji naŋgo miligiq aioqnsib koba na soqneb.

Aposel 28:10

Ariya nui deqaji tamo uŋgasari kalil naŋgi iga geregereigoqnsib kumbra tulaŋ boledamu egoqneb. Onaqa bunuqna iga nui di uratqa laqnamqa iŋgi iŋgi kalil iga saigeleŋej qaji di naŋgi na olo egeleŋonab gago iŋgi iŋgi kereej.

Aposel 8:8

Deqa qure dia tamo uŋgasari naŋgi Qotei aqa siŋgila unoqnsib tulaŋ areboleboleinjroqnej.

Rom 10:15

Qotei na anjam palonto tamo naŋgi qariŋnjrqasai di naŋgi kiersib aqa anjam palontqab? Agi Qotei aqa anjam bei nami endegsib neŋgreŋyeb unu, “Tamo naŋgi Qotei aqa anjam bole mare mare laqnub deqa tamo uŋgasari naŋgi unjroqnsib tulaŋ areboleboleinjreqnu.”

Rom 16:2

Niŋgi Tamo Koba Yesus aqa ñam na Fibi osib geregereiyiye. Iga Qotei aqa segi tamo uŋgasari unum deqa iga kumbra bole di yqom. Fibi a gulube ti soqnimqa kio iŋgi bei qa truquamqa kio niŋgi na aqaryaiyiye. A nami tamo uŋgasari gargekoba naŋgi aqaryainjroqnsiq e dego aqaryaiboqnej. Deqa niŋgi a urataib. A kamba dego aqaryaiyiye.

1 Korin 16:10

Ariya Timoti a niŋgi qa bamqa niŋgi a osib geregereiyiye. Yim a ulaqasai. A niŋgi koba na are lawo na sqas. Niŋgi quiye. Timoti a e ombla wau qujai. Aqo aiyel Tamo Koba Yesus aqa wau ojeqnum.

1 Korin 16:18

Bosib e ti niŋgi ti gago are latetgonub. Deqa niŋgi tamo deqaji naŋgi qa tulaŋ areboleboleiŋgeme.

2 Korin 10:18

Iga qalie, tamo bei a aqa segi ñam soqtqas di a Qotei aqa ŋamgalaq di ñam saiqoji sqas. Ariya Tamo Koba Qotei na tamo bei aqa ñam soqtetqas di a ñam bole oqas.

2 Korin 7:2

Niŋgi nuŋgo are miligi waqtosib iga qalaqalaigoqniye. Niŋgi iga qa qalie. Iga tamo bei kumbra uge bei yosaioqnem. Iga tamo bei ugeugeiyosaioqnem. Iga tamo bei aqa iŋgi iŋgi gisaŋ na yaiyosaioqnem.

Filipai 2:28

Deqa was qu, e arebolebole na Epafroditus qariŋyonam niŋgi qa bej. Niŋgi a unsibqa tulaŋ areboleboleiŋgwajqa deqa marsim a qariŋyonam niŋgi qa bej. Deqa e dego olo are gulubeibqasai.

Kolosi 4:10

Aqo Aristarkus wo ombla na tonto talq endi waigeb unum. A na niŋgi kaiyeiŋgwo. Mak a Barnabas aqa gagai. A dego niŋgi kaiyeiŋgwo. Mak a niŋgi qa bo degamqa niŋgi a osib gerege-reiyiye. Agi e nami a qa anjam neŋgreŋyosim niŋgi qa qariŋyem.

1 Tesalonaika 5:12

Ariya was qu, iga niŋgi endegsi merŋgwom. Niŋgi nuŋgo Kristen gate naŋgo sorgomq di soqniye. Tamo Koba Yesus a na naŋgi gate ateleŋej deqa naŋgi niŋgi aqaryaiŋgwajqa wauoqnsib Qotei aqa anjam niŋgi merŋgoqnsib nuŋgo kumbra tingitetŋgeqnub.

1 Timoti 5:17

Kristen gate naŋgi wau bole yeqnub deqa ni na tamo uŋgasari naŋgi minjrimqa naŋgi na Kristen gate naŋgo ñam soqtetnjroqnsib naŋgi iŋgi iŋgi qa aqaryainjroqnebe. Kristen gate qudei naŋgi Qotei aqa anjam palontqajqa waukobaoqnsib Qotei aqa gam bole tamo uŋgasari naŋgi osornjreqnub. Deqa ni na tamo uŋgasari naŋgi minjrimqa naŋgi na Kristen gate naŋgi di tulaŋ geregereinjroqnebe.

Hibru 13:17

Nuŋgo Kristen gate naŋgi na nuŋgo qunuŋ taqateqnub. Deqa mondoŋ Qotei a naŋgo wau deqa nenemnjrimqa naŋgi kamba a minjqab. Deqa niŋgi naŋgo medabu geregere dauryoqnsib naŋgo sorgomq di soqniye. Niŋgi degyqab di naŋgi arebolebole na niŋgi taqatŋgwab. Naŋgi are gulube ti niŋgi taqatŋgwasai. Ariya naŋgi are gulube ti niŋgi taqatŋgwab di naŋgi na niŋgi geregere aqaryaiŋgwa keresai.

3 Jon 1:10

Deqa e niŋgi qa bosiy aqa kumbra deqa niŋgi olo saiŋgwai. A iga qa anjam uge uge mareleŋeqnu. Di segi sai. A na Kristen was naŋgi aqa talq joqsi gilqa urateqnu. Yeqnaqa tamo qudei naŋgi na Kristen was qudei naŋgi naŋgo talq joqsi gilqa laqnab a na naŋgi olo getentnjreqnu. Osiqa naŋgi Qotei tal miligiq gilqa dego saidnjreqnu.