Filipai 2:26 - Yesus Aqa Anjam Bole

²⁶ A niŋgi nuŋgwajqa are koba qaleqnu. A qalie, a nami maiyonaqa niŋgi di qusibqa a qa are gulubeiŋgej.

Filipai 2:26 ပူးပေါင်းရင်းမြစ်များ

Matyu 11:28

“Niŋgi gulube qoboiyoqnsib waukobaeqnub qaji niŋgi kalil ijoq babqa e na aqaryaiŋgitqa niŋgi aqaratqab.

Matyu 26:37

Degsi minjrsiqa aqa aŋgro qalub agi Sebedi aqa ŋiri aiyel naŋgi Pita koba na joqsiqa pailyqajqa sasalej. Sasalosiqa pailyoqnsiqa a are tulaŋ gulubekobaiyej.

Aposel 21:13

Onaqa Pol na iga mergej, “Niŋgi kiyaqa akamoqnsib are gulubetetbeqnub? E Tamo Koba Yesus aqa ñam qa tonto talq waibqab di kere. Aqa ñam qa e lubib moiqai di dego kere. E gulube di uratqasai. E itqai.”

Rom 1:11

O was qu, e niŋgi nuŋgwajqa are koba qaleqnum. Di kiyaqa? E Mondor Bole aqa anjam niŋgi merŋgitqa dena nuŋgo are siŋgilatetŋgwajqa deqa.

Rom 12:15

Kristen was qudei naŋgi areboleboleinjrimqa niŋgi kamba dego naŋgi koba na areboleboleiŋgeme. Ariya was qudei naŋgi akamoqnibqa niŋgi kamba dego naŋgi koba na akamoiye.

Rom 9:2

Ijo anjam agiende. E gaigai are tulaŋ gulubeibeqnaqa are koba qaleqnum.

1 Korin 12:26

Deqa jejamu sarqei bei a jaqatiŋ oqas di jejamu sarqei kalil naŋgi dego jaqatiŋ oqab. Jejamu sarqei qujai a ñam koba oqas di jejamu sarqei kalil naŋgi a ombla na areboleboleinjrqas.

2 Korin 9:14

Osib qalieqab, Qotei a niŋgi qa are tulaŋ boleiyeqnu. Deqa naŋgi na niŋgi tulaŋ qalaqalaiŋgosib niŋgi qa Qotei pailyoqnqab.

Galesia 6:2

Niŋgi na nuŋgo Kristen was naŋgi aqaryainjroqnsib naŋgo gulube qoboiyetnjroqniye. Degsib qoboiyoqnqab kumbra dena niŋgi Kristus aqa dal anjam keretosib dauryqab.

Efesus 3:13

Deqa e niŋgi endegsi merŋgwai. E niŋgi aqaryaiŋgoqnsim dena e gulube koba eqnum niŋgi deqa are koba qalaib. Niŋgi are koba qalqab di niŋgi uloŋqab. Deqa niŋgi ijo gulube deqa areboleboleiŋgem. Di kiyaqa? Ijo gulube dena niŋgi aqaryaiŋgimqa niŋgi Qotei ombla so bole gaigai sqab.

Filipai 1:3

E bati gaigai niŋgi qa are qaloqnsim deqa e ijo Qotei biŋiyeqnum.

Filipai 1:8

Qotei a segi qalie, Kristus Yesus a iga qa are tulaŋ boleiyeqnu aqa kumbra dena ijo are tigeltetbej deqa e niŋgi kalil qa bosiy nuŋgwajqa are koba qaleqnum.

Filipai 2:25

E nami endegsi are qalem, e Epafroditus dego qariŋyit niŋgi qa bqas. A gago Kristen was bole. A e ombla wau qujai. Aqo ombla qatqarosim jeu tamo naŋgi ti qoteqnum. Nami niŋgi na a qariŋyonab a e qa bosiqa aqaryaibej.

Filipai 2:27

Bole, a makobaiyonaq moiqa jojomej. Ariya Qotei a a qa dulosiqa olo boletej. Qotei a a qa segi dulosai. A e qa dego dulej. Di kiyaqa? E olo tulaŋ are gulubekobaibaim deqa.

Filipai 4:1

Deqa ijo was bole, niŋgi Tamo Koba Yesus beteryosib siŋgila na tigelesoqniye. Agi e nami niŋgi degsi merŋgem. E niŋgi tulaŋ qalaqalaiŋgeqnum deqa e niŋgi qa are koba qaleqnum. Niŋgi segi ijo awai bole bul. Deqa e niŋgi oqajqa waukobaeqnum. E niŋgi qa tulaŋ areboleboleibeqnu.

1 Pita 1:6

Qotei na niŋgi oqas aqa kumbra deqa niŋgi are qaloqnsib tulaŋ areboleboleiŋgeqnu. Ariya bini gulube utru segi segi na niŋgi jaqatiŋ eŋgeqnu. Di uŋgum. Sokiñala gulube di olo koboqas.