Filipai 2:17 - Yesus Aqa Anjam Bole

¹⁷ O was qu, nuŋgo areqalo Yesus qa siŋgilateqnub qaji di niŋgi Qotei atraiyobuleqnub. Jeu tamo naŋgi na e lubib ijo leŋ wain bul aiqas de ti nuŋgo areqalo de ti turtosiy dena Qotei atraiyobulqai. E moiqai di uŋgum. E deqa tulaŋ areboleboleibqas. Osiy niŋgi ti koba na areboleboleigim sqom.

Filipai 2:17 ပူးပေါင်းရင်းမြစ်များ

Aposel 20:24

“Di uŋgum. E ijo segi jejamu qa are qalosaieqnum. Wau kalil Tamo Koba Yesus na ebej qaji di yosiy kobotqajqa are qaleqnum. Wau di endegsi unu. E siŋgila na Yesus aqa anjam bole tamo uŋgasari naŋgi minjre minjre laqnqai. Anjam bole di aqa damu agiende. Qotei a tamo uŋgasari naŋgi qa are boleiyoqnsiqa naŋgi eleŋeqnu.

Aposel 21:13

Onaqa Pol na iga mergej, “Niŋgi kiyaqa akamoqnsib are gulubetetbeqnub? E Tamo Koba Yesus aqa ñam qa tonto talq waibqab di kere. Aqa ñam qa e lubib moiqai di dego kere. E gulube di uratqasai. E itqai.”

Rom 12:1

Ariya was qu, Qotei a iga qa are tulaŋ boleiyosiq eleŋej deqa e niŋgi siŋgila na endegsi merŋgwai. Niŋgi nuŋgo segi jejamu osib Qotei atraiyiye. Osib deqa niŋgi ŋambile sosib Qotei aqa segi tamo uŋgasari tiŋtiŋ sqab. Deqa niŋgi kumbra Qotei a tulaŋ areareteqnu qaji di yoqniye. Niŋgi degyoqnqab di niŋgi Qotei aqa kumbra na bole louoqnqab.

Rom 15:16

E Kristus Yesus aqa wau tamo deqa e sawa bei bei qaji tamo naŋgo ambleq dia wauoqnsim Qotei aqa anjam bole naŋgi minjreqnum. E na naŋgi osiy Qotei aqaq dia atrainjrobulitqa a naŋgi eleŋqajqa deqa waueqnum. Qotei aqa Mondor na naŋgi siŋgilatnjrimqa naŋgi Qotei aqa segi tamo uŋgasari sosib kumbra bole yoqnqajqa deqa e naŋgi qa waueqnum.

2 Korin 12:15

E na ijo iŋgi iŋgi kalil ti ijo jejamu dego niŋgi torei eŋgwajqa areboleboleibqo. E niŋgi tulaŋ qalaqalaiŋgeqnum. Ariya kiyaqa niŋgi kamba olo e kiñala segi qalaqalaibeqnub?

2 Korin 4:12

Deqa moio a gagoq di waueqnu. Ariya ŋambile a nuŋgoq di waueqnu.

2 Korin 6:10

Iga are gulubeigeqnu. Di uŋgum. Iga gaigai areboleboleigeqnu. Iga ñoro saiqoji unum. Di uŋgum. Iga na tamo uŋgasari naŋgi aqaryainjreqnam naŋgi laŋ qaji iŋgi iŋgi koba eleŋeqnub. Iga iŋgi iŋgi saiqoji unum. Ariya iga olo laŋ qaji iŋgi iŋgi kalil ejunum.

2 Korin 7:4

E qalieonum, niŋgi tamo bole deqa e anjam bei ulitqasai. E anjam kalil boleq na merŋgwai. E niŋgi qa tulaŋ areboleboleibqo. Ijo are miligi niŋgi qa tulaŋ laejunu. Iga gulube koba eqnum di uŋgum, e niŋgi qa are qaloqnsim dena ijo are miligiq di e tulaŋ areboleboleibqo.

Filipai 1:20

Deqa ijo areqalo kobaquja agiende. E kumbra uge bei yqasai. Yim deqa e jemaibqasai. E endegsi are qalonum. Bini bati endeqa ti bunuq qa ti e siŋgila na tigeloqnsiy kumbra bole segi dauryoqnqai. Agi e kumbra degyeqnum. Deqa e moiqai kio e sqai kio di uŋgum. E ijo kumbra kalil qa Kristus aqa ñam soqtoqnqai.

Filipai 2:18

Dego kere niŋgi dego areboleboleiŋgim e ti koba na areboleboleigim sqom.

Filipai 2:30

Epafroditus a Kristus aqa wau ojsiq deqa a moiqa jojomej. A aqa segi jejamu bole sqajqa deqa are qalosaioqnej. Agi niŋgi na Epafroditus wau yonabqa a na e aqaryaiboqnej. A wau deqa segi are qaloqnej.

Filipai 4:18

E silali iŋgi iŋgi kere unu. E iŋgi bei qa truquosaieqnum. Di kiyaqa? Niŋgi na silali di Epafroditus yonabqa a na osi bosiq ebej. Niŋgi silali qa e aqaryaibeb deqa niŋgi Qotei atraiyobuleb. Atraiyo iŋgi di quleq bole ti. Qotei a atraiyo iŋgi deqa tulaŋ areboleboleiyqo.

Kolosi 1:24

E niŋgi aqaryaiŋgwa osim deqa e jaqatiŋ koba eqnum. E ijo jaqatiŋ deqa tulaŋ areboleboleibeqnu. E na Kristus aqa segi tamo uŋgasari naŋgi aqaryainjreqnum. Naŋgi aqa segi jejamu bul. A naŋgo gate. A na naŋgi aqaryainjrqa marsiq jaqatiŋ koba ej. Aqa jaqatiŋ di koboosaiunu. Deqa e dego tamo uŋgasari naŋgi qa osimqa ijo segi jejamuq di jaqatiŋ koba eqnum. Ijo kumbra dena e na Kristus aqa jaqatiŋ dauryosim kereteqnum.

1 Tesalonaika 2:8

Osim iga niŋgi tulaŋ qalaqalaiŋgoqnem. Deqa iga nuŋgo silali yaiŋgwajqa are qalosaioqnem. Iga Qotei aqa anjam bole niŋgi merŋgwajqa are koba qaloqnem. Di segi sai. Iga gago segi ŋambile dego uratosim niŋgi aqaryaiŋgwajqa are qaloqnem. Di kiyaqa? Niŋgi gago kadoi bole deqa.

2 Timoti 4:6

Ni qalie, jeu tamo naŋgi na e lubsib moiotbqa bati jojomqo. Israel naŋgi wain bilentoqnsib Qotei atraiyeqnub dego kere e moisiyqa ijo leŋ aiqas dena Qotei atraiyobulqai.

1 Pita 2:5

Niŋgi dego tal aqa ai bul ŋambile unub. Qotei na niŋgi aqa segi tal sqa marsiq deqa aqa Mondor aqa siŋgila na niŋgi gereiŋgeqnu. Yim niŋgi aqa segi atra tamo boledamu sosib Yesus Kristus aqa ñam na nuŋgo segi jejamu Qotei atraiyoqnib a niŋgi qa tulaŋ arearetoqnqajqa deqa.

1 Jon 3:16

Yesus a aqa segi ŋambile uratosiq iga qa moiej. Aqa kumbra dena a na iga qalaqalaiyo kumbra osorgej. Deqa iga dego gago Kristen was naŋgi qa are qalsim gago segi ŋambile uratosim naŋgi qa moreŋqom.