Filipai 2:14 - Yesus Aqa Anjam Bole

¹⁴ Ariya kumbra kalil niŋgi yeqnub qaji di niŋgi lawo na sosib yoqniye. Niŋgi anjam laŋa laŋa maroqnsib anjam na qotoqnaib. Niŋgi kumbra bole yoqniye.

Filipai 2:14 ပူးပေါင်းရင်းမြစ်များ

Matyu 20:11

Onaqa naŋgi degsi unsibqa naŋgi wau lanja ŋiriŋtosib minjeb,

Mak 14:5

A goreŋ di osim tamo qudei enjrqo qamu meniŋ silali 300 yonub qamu gilsim tamo iŋgi iŋgi saiqoji unub qaji naŋgi jeisi enjrqo qamu di kere.” Osib uŋa di ŋiriŋteb.

Mak 9:14

Ariya Yesus na aqa aŋgro qalub naŋgi di joqsiqa koba na manaq dena olo aisib ŋam ateb mana utruq dia Yesus aqa aŋgro naŋgi ti dal anjam qalie tamo qudei ti anjam na qoteqnab unjreb. Tamo uŋgasari tulaŋ gargekoba naŋgi dego mana utruq dia Yesus qa tariŋosib aqa aŋgro naŋgi kaiŋnjresonab unjreb.

Luk 5:30

Onaqa Farisi naŋgi ti dal anjam qalie tamo naŋgi ti bosib di unsibqa Yesus aqa aŋgro naŋgi minjreb, “Niŋgi kiyaqa takis o qaji tamo ti une tamo ti naŋgi koba na awoosib iŋgi ti ya ti uyeqnub?”

Aposel 15:2

Degsi minjrnabqa Pol wo Barnabas wo naŋgi qusibqa ŋiriŋkobaosib naŋgi ti anjam na qotoqneb. Onaqa Kristen tamo uŋgasari naŋgi di qusibqa naŋgi koroosib anjam endegsib kereteb, “Iga na Pol wo Barnabas wo Yesus aqa tamo qudei ti naŋgi qariŋnjrim Jerusalem qureq aisib dia Yesus aqa aŋgro 12-pela naŋgi ti Kristen gate ti koba na koroosib anjam di gereiyqab.”

Aposel 15:39

Pol na Barnabas anjam degsi minjnaqa naŋgi aiyel ŋiriŋkobaosib poeb. Deqa Barnabas a Mak osiqa qobuŋ na Saiprus nuiq gileb.

Aposel 6:1

Bati deqa Juda tamo uŋgasari tulaŋ gargekoba naŋgi are bulyoqnsib Yesus qa naŋgo areqalo siŋgilatoqneb. Juda tamo uŋgasari qudei naŋgi Grik naŋgo laŋ deqaji. Deqa naŋgi Grik anjam qalie. Ariya Juda tamo uŋgasari qudei naŋgi Hibru qaji. Deqa naŋgi Hibru anjam qalie. Bati bei Grik qaji Juda naŋgi tigelosib Hibru qaji Juda naŋgi qa ŋiriŋeb. Di kiyaqa? Iŋgi jeio batieqnaqa naŋgi na Grik qaji Juda naŋgo uŋa qobul naŋgi uratnjroqnsib naŋgo segi uŋa qobul naŋgi iŋgi jeisi enjroqneb.

Rom 12:18

Niŋgi ŋiriŋ ti qoto ti uratiye. Gam soqnimqa niŋgi gaigai tamo kalil naŋgi koba na are qujaitosib soqniye.

Rom 14:1

Tamo bei a Yesus qa aqa areqalo siŋgilateqnu ariya aqa areqalo di kiñala siŋgilaosaiunu. Deqa niŋgi a qoreiyaib. Niŋgi a osib Kristen naŋgo ambleq osib boiye. Niŋgi aqa kumbra qudei uge qa minjsib a ombla anjam na qotoqnaib.

Rom 16:17

O was qu, nuŋgo ambleq di tamo qudei naŋgi Qotei aqa anjam niŋgi nami qusib dauryeb qaji di gotraŋyoqnsib olo bulbulyoqnsib naŋgo kumbra dena naŋgi na Kristen tamo uŋgasari naŋgi potoaiyeltnjroqnsib uneq breinjreqnub. Deqa e niŋgi siŋgila na endegsi merŋgwai. Niŋgi tamo deqaji naŋgi qa geregere ŋam atoqniye. Osib naŋgi qoreinjroqniye.

1 Korin 10:10

Iga Qotei laŋa ŋiriŋtqasai dego. Agi gago moma qudei naŋgi Qotei laŋa ŋiriŋtoqneb. Deqa Qotei a na padalto qaji laŋ aŋgro bei qariŋyonaq aisiq naŋgi padaltnjrej.

2 Korin 12:20

Di kiyaqa? E niŋgi qa ulaeqnum. E niŋgi qa bosiy nuŋgo kumbra unsiy e niŋgi qa areboleboleibqas kio sai kio? Niŋgi dego ijo kumbra unsib niŋgi e qa areboleboleiŋgwas kio sai kio? E deqa ulaeqnum. E niŋgi qa bosiy nuŋgo kumbra endegsi unqai kio? Niŋgi anjam na qoteqnub. Niŋgi nuŋgo was naŋgi qa are ugeiŋgeqnu. Niŋgi minjiŋ oqeqnu. Niŋgi pupoeqnub. Niŋgi nuŋgo was qudei naŋgi misiliŋnjreqnub. Niŋgi yomueqnub. Niŋgi diqeqnub. Niŋgi Qotei aqa wau ugeugeiyeqnub. E degsi unqai kio?

Galesia 5:15

Ariya niŋgi segi segi ŋiriŋoqnsib qotoqnaib. Qotoqnqab di niŋgi koba na uneq aisib padalqab.

Galesia 5:26

Iga gago segi ñam laŋa soqtqasai. Iga Kristen tamo qudei naŋgo are ugetetnjroqnsim qotoqnqasai. Iga gago was iŋgi koba ti unub qaji naŋgi qa are ugeigwasai dego.

Filipai 2:3

Niŋgi nuŋgo segi jejamu qa are qalaib. Niŋgi nuŋgo segi ñam soqtqa are qalsib wauaib. Niŋgi nuŋgo segi ñam aguq atoqnsib endegsib are qaloqniye, “Ijo Kristen was qudei naŋgo kumbra tulaŋ boledamu. Naŋgo kumbra dena ijo kumbra buŋyejunu.”

1 Tesalonaika 5:13

Naŋgi wau di yeqnub deqa niŋgi naŋgi qa are boleiŋgoqnim naŋgi qalaqalainjroqniye. Osib niŋgi kalil koba na are qujaitosib soqniye.

1 Tesalonaika 5:15

Ariya tamo qudei naŋgi na niŋgi kumbra uge eŋgibqa niŋgi na kamba olo naŋgi kumbra uge enjraib. Niŋgi gaigai siŋgilaoqnsib Qotei aqa tamo uŋgasari naŋgi ti tamo uŋgasari kalil naŋgi ti kumbra bole bole enjroqniye.

Hibru 12:14

Niŋgi tamo kalil naŋgi ti koba na geregere lawo na sqajqa wauoqniye. Ariya kumbra bei dego niŋgi dauryiye. Kumbra agiende. Niŋgi nuŋgo segi jejamu Qotei yekritosib aqa segi kumbra boleq di sosib dauryoqniye. Tamo a Qotei aqa kumbra ti sqasai di a Tamo Koba Qotei unqa keresai.

Jems 1:20

Di kiyaqa? Tamo naŋgi minjiŋ oqetnjreqnu qaji naŋgi Qotei aqa kumbra tiŋtiŋ dauryqa keresai.

Jems 3:14

Ariya niŋgi tamo qudei naŋgi qa laŋa are ugeiŋgim nuŋgo segi ñam soqtqa are qaloqnqab di niŋgi areqalo bole ti powo ti sqa keresai. Niŋgi nuŋgo kumbra uge deqa areboleboleiŋgaiq. Niŋgi areboleboleiŋgwas di niŋgi gisaŋ kumbra dauryosib Qotei aqa anjam bole olo ugetqab.

Jems 5:9

O was qu, niŋgi Qotei aqa tamo uŋgasari naŋgi qa ŋiriŋoqnsib yomuoqnaib. Qotei na kamba nuŋgo une deqa niŋgi olo pegiŋgo uge. Niŋgi quiye. Une pegiyo tamo agi bqa jojomqo. A siraŋmeq di tigelejunu.

1 Pita 3:11

A kumbra uge kalil torei qoreiyosim kumbra bole segi yoqneme. Osim tamo uŋgasari kalil naŋgi koba na are qujaitosib kumbra bole yoqnqajqa siŋgilaoqneme.

1 Pita 4:9

Qotei aqa tamo uŋgasari naŋgi nuŋgo talq boqnibqa niŋgi naŋgi oqnsib geregereinjroqniye. Niŋgi naŋgi aqaryainjrqajqa are ugeiŋgaiq.

Jut 1:16

Tamo naŋgi di gaigai are ugeinjreqnaqa laŋa laŋa tamo naŋgo jejamuq di anjam qameleŋeqnub. Osib naŋgo segi areqalo uge uge dauryeqnub. Naŋgi naŋgo medabu waqtoqnsib diqoqnsib naŋgo segi ñam soqteqnub. Osib tamo uŋgasari naŋgo ñam dego laŋa soqtetnjroqnsib naŋgi walawala-injreqnub. Yim naŋgi na naŋgo areqalo dauryqajqa deqa.