Filipai 2:13 - Yesus Aqa Anjam Bole

¹³ Iga qalie, Qotei a nuŋgo are miligiq di waueqnu. A segi na nuŋgo are tigeltetŋgeqnaqa niŋgi kumbra a tulaŋ areareteqnu qaji di yeqnub. A na niŋgi siŋgilatŋgeqnu deqa niŋgi kumbra di yeqnub.

Filipai 2:13 ပူးပေါင်းရင်းမြစ်များ

Luk 12:32

Osiqa Yesus a olo anjam endegsi minjrej, “O ijo kaja du du niŋgi ulaaib. Nuŋgo Abu a nami niŋgi qa osiqa endegsi merŋgej, ‘E nuŋgo Mandor Koba sosiy niŋgi taqatŋgwai.’ Qotei a nami degsi merŋgej.

Luk 2:14

“Laŋ goge dia Qotei a ñam kobaquja oqo. Mandamq endia tamo uŋgasari naŋgi are lawo na soqnebe. Qotei a naŋgi qa are boleiyeqnu.”

Jon 3:27

Onaqa Jon na kamba minjrej, “Qotei laŋ qureq di unu qaji a na tamo bei iŋgi yqasai di a iŋgi oqa keresai.

Jon 6:45

Qotei aqa medabu o qaji tamo naŋgi nami anjam endegsib neŋgreŋyeb unu, ‘Qotei a na tamo uŋgasari kalil naŋgi aqa kumbra osornjroqnim naŋgi a qa qalieoqnqab.’ Deqa tamo uŋgasari kalil ijo Abu aqa anjam quoqnsib a qa qalieeqnub qaji naŋgi ijoq beqnub.

Jon 6:65

Osiqa minjrej, “Tamo naŋgi di e qa naŋgo areqalo siŋgilatosaieqnub. Utru deqa e niŋgi merŋgonum, ‘Qotei na tamo bei siŋgila yqasai di a ijoq bqa keresai.’”

Aposel 11:21

Naŋgi Tamo Koba Yesus aqa siŋgila ti wauoqnsib anjam mareqnab tamo uŋgasari tulaŋ gargekoba naŋgi Tamo Koba Yesus qa naŋgo areqalo siŋgilatoqnsib are bulyoqneb.

Rom 12:3

Qotei a e qa are boleiyonaq deqa wau ebej. Deqa e niŋgi segi segi endegsi merŋgwai. Niŋgi nuŋgo segi powo ti kumbra ti soqtosib nuŋgo was qudei naŋgi buŋnjrqa are qalaib. Niŋgi nuŋgo kumbra geregere tenemtosib areqalo bole ti sosib Qotei qa nuŋgo areqalo siŋgilatoqniye. Ariya a na niŋgi segi segi siŋgila eŋgej qaji di olo soqtosib nuŋgo was qudei naŋgi buŋnjraib.

Rom 9:11

Ariya Qotei aqa kumbra gaigai dauryeqnu qaji di a dauryosiq aqa segi areqalo na aŋgro qujai giltej. A aŋgro aqa wau qa are qalosai. A segi na metosiq giltej. Deqa Rebeka na aqa aŋgro aiyel naŋgi di ŋambabtnjrosaisonaqa naŋgi aiyel kumbra bole ti kumbra uge ti yosaisonabqa Qotei na Rebeka endegsi minjej, “Aŋgro namo ŋambabqas qaji a di aŋgro bunu ŋambabqas qaji aqa wau tamo sqas.”

Rom 9:16

Deqa Qotei na tamo bei giltqas di tamo aqa areqalo na sai. Tamo aqa wau na sai. Qotei aqa segi are bole na a tamo bei giltqas.

1 Korin 12:6

Iga kumbra segi segi na wau ojeqnum. Ariya Qotei qujai segi unu. A na qujai tamo uŋgasari kalil naŋgi siŋgila enjreqnaqa naŋgi wau ojeqnub.

1 Korin 15:10

Ariya Qotei a e qa are boleiyej deqa bini e aqa anjam maro tamo unum. A e qa are boleiyej aqa kumbra di laŋa uloŋosai. E aqa kumbra di osim siŋgila na waukobaoqnsim Qotei aqa anjam maro tamo kalil naŋgi tulaŋ buŋnjreqnum. Ariya e ijo segi siŋgila na wau di yosaieqnum. Qotei a e qa are boleiyej deqa a na e siŋgila ebeqnaqa e wau di yeqnum.

2 Korin 3:5

Bole, iga segi na wau di ojqa keresai. Deqa iga gago segi siŋgila na wau bei yeqnum degsi marqa keresai. Qotei a segi na iga siŋgilatgeqnaqa iga wau yeqnum.

Efesus 1:11

Qotei a segi aqa areqalo dauryoqnsiq deqa iŋgi iŋgi kalil babteleŋeqnu. Tulaŋ nami a aqa segi areqalo dauryosiq deqa a na iga Juda tamo uŋgasari Kristus beteryosim aqa segi tamo uŋgasari sqajqa deqa marsiq giltgej.

Efesus 1:5

Tulaŋ nami Qotei na iga qalaqalaigosiqa iga aqa segi aŋgro sqa marsiqa Yesus Kristus aqa wau na iga eleŋej. Qotei aqa segi areqalo na a degyej.

Efesus 1:9

Nami Qotei a Kristus aqa wau na iga eleŋqa are qalej. Aqa areqalo di ulitesoqnej. Ariya bini a na aqa areqalo di olo boleq atsiq osorgej.

Efesus 2:8

Niŋgi Kristus qa nuŋgo areqalo siŋgilatonabqa Qotei a niŋgi qa are boleiyej aqa kumbra dena a na niŋgi eleŋosiq ŋambile eŋgej. Kumbra di niŋgi segi na yosai. Qotei a na niŋgi laŋa eŋgej.

2 Tesalonaika 1:11

Deqa was qu, iga bati gaigai niŋgi qa osim gago Qotei endegsi pailyeqnum, “O Abu, ni na Tesalonaika Kristen naŋgi aqaryainjroqnimqa kumbra kalil ni nami naŋgi dauryqa metnjrem qaji di naŋgi dauryoqnibqa ni unsim minjrqam, ‘Niŋgi keretonub.’ O Abu, ni na naŋgi siŋgilatnjrimqa kumbra bole kalil naŋgi yqajqa arearetnjreqnu qaji di naŋgi yoqnqab. Osib Yesus qa naŋgo areqalo siŋgilatoqnsib aqa wau geregere ojqab.” O was qu, iga degsim niŋgi qa Qotei pailyeqnum.

2 Timoti 1:9

Qotei a na iga eleŋosiqa iga aqa segi tamo uŋgasari sqajqa deqa metgej. Iga nami kumbra bole yoqnem a deqa are qalsiq iga metgosai. Tulaŋ nami a iŋgi iŋgi kalil atosaisosiqa a aqa segi areqalo na iga metgosiqa Kristus Yesus aqa wau na iga qa are boleiyosiqa eleŋej.

Hibru 13:21

Qotei qujai di a na niŋgi siŋgilatŋgoqnimqa niŋgi aqa areqalo geregere dauryosib kumbra bole bole yoqniye. A gago are miligiq di wauoqnimqa iga Yesus Kristus aqa wau na kumbra kalil a tulaŋ areareteqnu qaji di yoqnsim sqom. Iga kalil bati gaigai aqa ñam soqtoqnqom. Bole.

1 Pita 1:3

Iga gago Tamo Koba Yesus Kristus aqa Abu Qotei aqa ñam soqtoqnqom. Qotei a iga qa tulaŋ dulosiqa Yesus Kristus olo subq na tigeltej. Gam dena Qotei na iga ŋambile bunuj egej. Ŋambile bunuj dena iga siŋgilatgejunu deqa iga iŋgi bole bole Qotei na mondoŋ egwas qaji deqa tariŋoqnsim unum.