Filipai 1:29 - Yesus Aqa Anjam Bole

²⁹ Niŋgi quiye. Qotei na niŋgi giltŋgej deqa niŋgi Kristus aqa wau ojeqnub. Niŋgi a qa nuŋgo areqalo siŋgilatqajqa deqa segi niŋgi giltŋgosai. Niŋgi aqa ñam qa jaqatiŋ oqajqa deqa ti niŋgi giltŋgej.

Filipai 1:29 ပူးပေါင်းရင်းမြစ်များ

Matyu 16:17

Pita na kamba Yesus degsi minjnaqa a na minjej, “O Saimon, Jona aqa ŋiri, ni tulaŋ areboleboleimeme. Di kiyaqa? Ino anjam merbonum di mandam tamo bei na babtosiq mermosai. Ijo Abu laŋ qureq di unu qaji a segi na anjam di babtosiq mermqo.

Aposel 13:39

Niŋgi Moses aqa dal anjam dauryqab dena Qotei a nuŋgo une kobotetŋgwasai. Niŋgi dena Qotei aqa ŋamdamuq di une saiqoji sqa keresai. Tamo naŋgi Yesus qa naŋgo areqalo siŋgilatqab qaji naŋgi segi Qotei na une kobotetnjrimqa naŋgi aqa ŋamdamuq di une saiqoji sqab.

Aposel 14:22

Naŋgi aiyel degsib giloqnsibqa tamo uŋgasari Yesus dauryoqneb qaji naŋgo are siŋgilatetnjroqnsib minjroqneb, “Niŋgi Yesus qa nuŋgo areqalo siŋgilatosib soqniye. Bole, niŋgi gulube gargekoba iteleŋoqnqab. Di uŋgum. Gulube nuŋgoq boqnibqa Qotei a nuŋgo Mandor Koba sosim niŋgi taqatŋgoqnqas.”

Aposel 14:27

Aisib Yesus aqa tamo uŋgasari naŋgi koroinjrsibqa naŋgi aiyel qure qureq dia laqnsibqa Qotei na naŋgi aqaryainjreqnaqa naŋgi kumbra kalil yoqneb qaji deqa naŋgi sainjroqneb. Sainjroqnsib endegsib minjroqneb, “Qotei na sawa bei bei qaji tamo naŋgi dego gam waqtetnjreqnaqa naŋgi are bulyoqnsib Yesus qa naŋgo areqalo siŋgilateqnub.”

Aposel 5:41

Onaqa naŋgi areboleboleinjrnaqa koro sawa di uratosib gileb. Naŋgi Yesus aqa ñam qa jaqatiŋ eb deqa Qotei a naŋgi qa marej, “Naŋgi Yesus aqa ñam qa siŋgilaonub deqa naŋgi jaqatiŋ oqa kere.” Qotei a naŋgi qa degsi marej deqa naŋgi areboleboleinjrnaq gileb.

Rom 5:3

Ariya iga deqa segi areboleboleigosai. Iga gulube oqnsim unum deqa ti areboleboleigeqnu. Di kiyaqa? Iga qalieonum, gulube dena gago are siŋgilatetgeqnaqa iga siŋgila na tigeleqnum.

Efesus 2:8

Niŋgi Kristus qa nuŋgo areqalo siŋgilatonabqa Qotei a niŋgi qa are boleiyej aqa kumbra dena a na niŋgi eleŋosiq ŋambile eŋgej. Kumbra di niŋgi segi na yosai. Qotei a na niŋgi laŋa eŋgej.

Kolosi 2:12

Niŋgi yanso eb bati deqa niŋgi Kristus beteryosib a ti moieb. Onaqa Qotei na niŋgi Kristus ombla subq atej. Ariya Qotei na Kristus olo subq na tigeltej aqa kumbra di niŋgi nuŋgo areqaloq di siŋgilateb deqa a na niŋgi dego Kristus ombla subq na tigeltŋgej unub.

Jems 1:2

O ijo was qu, gulube utru segi segi gargekoba niŋgi qa boqnimqa uŋgum niŋgi endegsib are qaloqniye, “Iga gulube deqa areboleboleigim sqom.”

1 Pita 4:13

Niŋgi gulube di eqnub deqa niŋgi Kristus aqa kumbra dauryeqnub. Agi Kristus a nami jaqatiŋ qoboiyej dego kere niŋgi dego jaqatiŋ qoboiyeqnub. Deqa niŋgi areboleboleiŋgim soqniye. Yimqa mondoŋ Kristus a ñam koba ti brantimqa bati deqa niŋgi olo tulaŋ areboleboleiŋgim sqab.