Filipai 1:25 - Yesus Aqa Anjam Bole

²⁵ E are siŋgilatosim maronum, e niŋgi aqaryaiŋgwajqa wau ti. Deqa e qalieonum, e urur moiqasai. E mati sosiy niŋgi koba na wauoqnqai. Yim niŋgi Yesus qa nuŋgo areqalo siŋgilatoqnsib tulaŋ areboleboleiŋgoqnim sqab.

Filipai 1:25 ပူးပေါင်းရင်းမြစ်များ

Luk 22:32

O Pita, e ni qa gaigai endegsim Qotei pailyeqnum, ‘O Abu, ni na Pita aqa areqalo siŋgilatetimqa a e uratbqasai.’ E ni qa degsim pailyeqnum. Bole, ni mati uloŋqam. Ariya bunuqna ni olo are bulyosimqa ijoq bqam. Bosim ino was naŋgi siŋgilatnjroqnqam.”

Aposel 11:23

Aisiqa Qotei a naŋgi qa dego are boleiyoqnsiqa aqaryainjroqnej di unej. Unsiqa tulaŋ areboleboleiyej. Deqa a na naŋgi kalil are siŋgilatetnjroqnsiqa minjroqnej, “Niŋgi Tamo Koba Yesus gaigai dauryoqnsib soqniye.”

Aposel 14:22

Naŋgi aiyel degsib giloqnsibqa tamo uŋgasari Yesus dauryoqneb qaji naŋgo are siŋgilatetnjroqnsib minjroqneb, “Niŋgi Yesus qa nuŋgo areqalo siŋgilatosib soqniye. Bole, niŋgi gulube gargekoba iteleŋoqnqab. Di uŋgum. Gulube nuŋgoq boqnibqa Qotei a nuŋgo Mandor Koba sosim niŋgi taqatŋgoqnqas.”

Aposel 20:25

“Deqa niŋgi quiye. E nami nuŋgo ambleq di sosimqa anjam endegsi plaltosim merŋgoqnem, ‘Qotei a nuŋgo Mandor Koba sosiq niŋgi taqatŋgeqnu.’ Ariya bini e qalieonum, e niŋgi uratŋgitqa niŋgi ijo ulatamu olo unqasai.

Rom 15:13

O was qu, Qotei a nami iŋgi bole bole di iga egwajqa marej deqa iga bini tariŋoqnsim unum. Niŋgi a qa nuŋgo areqalo siŋgilateqnub deqa a na nuŋgo are boletetŋgimqa niŋgi tulaŋ areboleboleiŋgim lawo na sqab. Yim Qotei aqa Mondor na niŋgi siŋgilatŋgimqa niŋgi iŋgi bole bole a na eŋgwa marej qaji deqa tariŋoqnsib sqab.

Rom 15:18

E iŋgi bei qa merŋgwasai. Kristus a ijo baŋ na wau yeqnu qaji deqa segi niŋgi saiŋgwai. A na ijo medabu siŋgilatetboqnsiqa ijo baŋ na wau bole bole yeqnu. A na e siŋgila ebeqnaqa e maŋwa gargekoba yeqnum. Qotei aqa Mondor na dego e siŋgilatbeqnaqa e waueqnum. Kristus a kumbra kalil di yeqnu. Di kiyaqa? A na sawa bei bei qaji naŋgo are tigeltetnjrimqa naŋgi Qotei aqa anjam dauryqajqa deqa. Utru deqa e Jerusalem dena wau utru atsim Kristus aqa anjam bole mare mare laqnsim gilsim torei Ilirikum sawaq dia diŋtem.

Rom 15:29

E qalieonum. E niŋgi qa bqai di e Kristus aqa kumbra bole osi bosiy niŋgi osorŋgitqa dena niŋgi siŋgilaqab.

Rom 5:2

Yesus a na iga tamo uŋgasari a qa gago areqalo siŋgilateqnum qaji gam waqtetgej deqa Qotei a iga qa are tulaŋ boleiyonaqa iga eleŋej. Qotei na kumbra di iga egej deqa bini iga kumbra di osim tigelejunum. Deqa bini iga Qotei na laŋ qureq osi oqsim dia iga a ombla geregere sqajqa deqa tariŋeqnum. Iga deqa tulaŋ areboleboleigeqnaq unum.

2 Korin 1:24

Niŋgi Yesus qa nuŋgo areqalo siŋgilateqnub nuŋgo areqalo di iga na taqatgwajqa e deqa merŋgosai. Iga qalieonum, niŋgi nuŋgo areqalo di siŋgila na ojsib tigelejunub. O was qu, niŋgi tulaŋ areboleboleiŋgwajqa deqa iga niŋgi ti waueqnum.

Filipai 1:24

Ariya e mandamq endi sosiy niŋgi aqaryaiŋgoqnqai di dego bolequja.

Filipai 2:24

E endegsi qalieonum. Tamo Koba Yesus a na e gam waqtetbimqa sokiñala e segi dego niŋgi qa bosiy nuŋgwai.

Filemon 1:22

Ijo anjam qujai bei agiende. E are qalonum, Qotei a nuŋgo pail qusim gam waqtetbimqa e niŋgi qa olo bqai. Deqa Filemon, ni ino talq di e ŋeiqajqa warum gereiyetbime.

1 Pita 1:8

Niŋgi nami Kristus unosaioqneb. Ariya niŋgi a tulaŋ qalaqalaiyeqnub. Niŋgi bini a unosaieqnub. Ariya niŋgi a qa nuŋgo areqalo siŋgilatoqnsib a qa tulaŋ arebo-leboleiŋgeqnu. Nuŋgo arebolebole dena mandam qaji arebolebole kalil tulaŋ buŋyejunu. Nuŋgo arebolebole di aqa utru iga na dauryosim ubtqa keresai.