Filipai 1:23 - Yesus Aqa Anjam Bole

²³ E areqalo aiyeltejunum. E oqsiy Kristus ombla sqajqa are qaleqnum. E degyqai di tulaŋ bolequja.

Filipai 1:23 ပူးပေါင်းရင်းမြစ်များ

Luk 12:50

E yanso bei oqai. E yanso di osaiunum deqa e are tulaŋ gulubekobaibeqnu.

Luk 23:43

Onaqa Yesus na minjej, “Ni que. Bini qujai ni e ombla laŋ qureq di sqom.”

Luk 8:38

Aiqa laqnaqa tamo mondor uge wiyetej qaji a siŋgila na pailosiq minjej, “E ni daurmqai.” Onaqa Yesus na saidyosiq minjej,

Jon 12:26

Tamo bei a ijo wau yqa osimqa a e daurbem. Yimqa qure e sqai qaji di ijo wau tamo a dego e ombla sqas. Tamo bei a ijo wau yoqnqas di ijo Abu na a ñam kobaquja yqas.”

Jon 13:1

Qotei a nami Israel naŋgi Isip sawaq dia padalqa laqnabqa eleŋosiq aqaryainjrej deqa are qalqajqa yori bati koba jojomonaqa Yesus a endegsi qalieej, “E mandam endi so bati koboqo. E moisiy ijo Abu aqaq olo oqwa bati brantqo.” A degsi qalieosiq deqa aqa segi tamo uŋgasari mandamq di soqneb qaji naŋgi tulaŋ qalaqalainjroqnsiq gilsi gilsiq aqa moiqa bati itej.

Jon 14:3

E nuŋgo segi segi warum gereiyetŋgsiy olo bosiy niŋgi joqsiy qure e sqai di niŋgi dego e ombla sqab.

Jon 17:24

“O Abu, tamo uŋgasari ni na e ebem qaji qure e sqai qaji di naŋgi dego e ombla sqajqa deqa e ni pailmonum. Naŋgi e ombla sosibqa riaŋ ti ñam koba ti ni na nami ebem qaji di unqajqa deqa ti e ni pailmonum. Nami ni mandam atosaisosimqa agi riaŋ ti ñam ti di ni na e ebem. Di kiyaqa? Ni na e tulaŋ qalaqalaiboqnem deqa.

Aposel 7:59

Osib meniŋ na Stiven qaleqnabqa moiqa osiqa Yesus endegsi pailyej, “O Tamo Koba Yesus, ni na ijo qunuŋ ame.”

2 Korin 5:8

Ariya e maronum, iga are siŋgilatosim unum. Deqa iga gago jejamu endi uratosim oqsim Tamo Koba Yesus ombla sqajqa are qaleqnum. Yim bati deqa aqa laŋ qure di gago qure utru sqas.

2 Korin 6:12

Iga gago are miligi getentosai. Iga niŋgi tulaŋ qalaqalaiŋgeqnum. Ariya niŋgi nuŋgo are miligi getentejunub. Niŋgi iga koba na are qujaitosai.

Filipai 1:24

Ariya e mandamq endi sosiy niŋgi aqaryaiŋgoqnqai di dego bolequja.

1 Tesalonaika 2:1

O was qu, niŋgi segi qalie, iga nami niŋgi qa bosim nuŋgo ambleq di wauoqnem gago wau di laŋa uloŋosai.

1 Tesalonaika 2:13

Iga Qotei aqa anjam niŋgi merŋgeqnam niŋgi quoqnsib endegsib marosaioqneb, “Anjam di mandam tamo naŋgo anjam.” Niŋgi degsib marosaioqneb. Niŋgi quoqnsib maroqneb, “Bole, anjam di Qotei aqa anjam tiŋtiŋ.” Niŋgi degsib maroqneb deqa Qotei aqa anjam di nuŋgo are miligiq di siŋgila na waueqnu. Di kiyaqa? Niŋgi Kristus qa nuŋgo areqalo siŋgilateqnub deqa. Deqa iga gaigai niŋgi qa are qaloqnsim Qotei biŋiyeqnum.

1 Tesalonaika 4:17

Tigelabqa bati deqa iga tamo uŋgasari mandamq endia ŋambile unum qaji iga ti naŋgi ti turosim koba na laŋbiq na oqsim Tamo Koba Yesus itqom. Osim a ti gaigai sqom.

2 Timoti 4:6

Ni qalie, jeu tamo naŋgi na e lubsib moiotbqa bati jojomqo. Israel naŋgi wain bilentoqnsib Qotei atraiyeqnub dego kere e moisiyqa ijo leŋ aiqas dena Qotei atraiyobulqai.

Uli Anjam 14:13

Onaqa tamo bei a laŋ goge dia tulaŋ koba leleŋonaqa e aqa kakoro quem. A na merbej, “Ni anjam endegsi neŋgreŋye, ‘Bini qa ti bunuq qa ti tamo uŋgasari kalil Tamo Koba Yesus qa naŋgo areqalo siŋgilateqnub qaji naŋgi di jeu tamo naŋgi na ñumoqnib moreŋoqnqab. Deqa naŋgi tulaŋ areboleboleinjrim sqab.’ O Jon, ni anjam degsi neŋgreŋye.” Onaqa Qotei aqa Mondor Bole a dego merbej, “Tamo uŋgasari Yesus qa naŋgo areqalo siŋgilateqnub qaji naŋgi tulaŋ areboleboleinjrim sqab. Di kiyaqa? Naŋgi qalieonub, naŋgi mandam qa wau kalil uratosib laŋ qureq oqsib dia aqaratosib sqab. Kumbra bole bole kalil naŋgi mandamq dia yoqneb qaji di aqa awai bole naŋgi laŋ qureq oqsib dia itqab.”