Filipai 1:21 - Yesus Aqa Anjam Bole

²¹ Ijo areqalo agiende. E sqai di e Kristus ombla sqai. Ariya e moiqai di e olo iŋgi tulaŋ boledamu oqai.

Filipai 1:21 ပူးပေါင်းရင်းမြစ်များ

1 Korin 1:30

Qotei a segi na niŋgi eleŋosiqa Kristus Yesus aqa baŋq di atej unub. Deqa Kristus aqa wau na iga Qotei aqa areqalo bole ti aqa powo ti unum. Aqa wau na iga tamo bole tiŋtiŋo unum. Aqa wau na iga Qotei aqa segi kumbra boleq di sosim walweleqnum. Aqa wau na Qotei na iga gago uneq dena olo awaigej deqa gago une na iga olo taqatgosai.

1 Korin 3:22

E Pol ti Apolos ti Pita ti mandam ti ŋambile ti moio ti iŋgi iŋgi kalil bini unub qaji naŋgi ti iŋgi iŋgi kalil bunuqna brantqab qaji naŋgi ti di kalil nuŋgo.

2 Korin 5:1

Iga qalieonum, gago mandam qaji jejamu endi torei ugeqas. Gago jejamu endi gago tal bul. Ariya mondoŋ Qotei na olo tal bei iga egwas. Tal di tamo bei na gereiyosai. Tal di a laŋ qureq di unu. A bati gaigai sqas.

2 Korin 5:6

Iga deqa are qaleqnum deqa iga gaigai are siŋgilatosim unum. Iga qalie, iga mandamq endia jejamu ti unum deqa iga Tamo Koba Yesus aqa laŋ qureq dia a ombla sosaiunum.

2 Korin 5:8

Ariya e maronum, iga are siŋgilatosim unum. Deqa iga gago jejamu endi uratosim oqsim Tamo Koba Yesus ombla sqajqa are qaleqnum. Yim bati deqa aqa laŋ qure di gago qure utru sqas.

Galesia 2:20

Osim e olo ŋambile bunuj em. Ariya ŋambile di ijo segi ŋambile sai. Kristus a segi ijo are miligiq di ŋambile unu. Deqa bini kumbra kalil e mandamq endi yeqnum qaji di e Qotei aqa Ŋiri qa ijo areqalo siŋgilatosim yeqnum. Agi Qotei aqa Ŋiri a na e tulaŋ qalaqalaibosiq deqa a aqa segi ŋambile uratosiq e qa moiej.

Galesia 6:14

Ariya e ijo segi ñam soqtqa keresai. E tamo bei aqa ñam dego soqtqa keresai. E Yesus Kristus aqa ñam segi soqtqai. A ŋamburbasq di moiej e deqa segi areboleboleibeqnu. Kristus a ŋamburbasq di moiej aqa wau dena mandam qa kumbra kalil ijo areqaloq di unu qaji di moiobuleb. E segi dego ŋamburbasq di moiobulem deqa e olo mandam qa kumbra dauryqa keresai.

Filipai 1:20

Deqa ijo areqalo kobaquja agiende. E kumbra uge bei yqasai. Yim deqa e jemaibqasai. E endegsi are qalonum. Bini bati endeqa ti bunuq qa ti e siŋgila na tigeloqnsiy kumbra bole segi dauryoqnqai. Agi e kumbra degyeqnum. Deqa e moiqai kio e sqai kio di uŋgum. E ijo kumbra kalil qa Kristus aqa ñam soqtoqnqai.

Filipai 1:22

E mandamq endia sosiyqa e tamo uŋgasari gargekoba naŋgi aqaryainjroqnqai. Ariya e gam kie dauryqai? Di e qaliesai.

Filipai 1:23

E areqalo aiyeltejunum. E oqsiy Kristus ombla sqajqa are qaleqnum. E degyqai di tulaŋ bolequja.

Filipai 2:21

Tamo kalil naŋgi naŋgo segi jejamu qa are koba qaleqnub. Naŋgi Yesus Kristus aqa wau qa are qalosaieqnub.

Kolosi 3:4

Kristus a segi nuŋgo ŋambile qa utru. Mondoŋ a laŋ goge dena boleq dimqa niŋgi dego a koba na Qotei aqa riaŋ ti wala ti boleq dqab.

Uli Anjam 14:13

Onaqa tamo bei a laŋ goge dia tulaŋ koba leleŋonaqa e aqa kakoro quem. A na merbej, “Ni anjam endegsi neŋgreŋye, ‘Bini qa ti bunuq qa ti tamo uŋgasari kalil Tamo Koba Yesus qa naŋgo areqalo siŋgilateqnub qaji naŋgi di jeu tamo naŋgi na ñumoqnib moreŋoqnqab. Deqa naŋgi tulaŋ areboleboleinjrim sqab.’ O Jon, ni anjam degsi neŋgreŋye.” Onaqa Qotei aqa Mondor Bole a dego merbej, “Tamo uŋgasari Yesus qa naŋgo areqalo siŋgilateqnub qaji naŋgi tulaŋ areboleboleinjrim sqab. Di kiyaqa? Naŋgi qalieonub, naŋgi mandam qa wau kalil uratosib laŋ qureq oqsib dia aqaratosib sqab. Kumbra bole bole kalil naŋgi mandamq dia yoqneb qaji di aqa awai bole naŋgi laŋ qureq oqsib dia itqab.”