Filemon 1:13 - Yesus Aqa Anjam Bole

¹³ E Kristus aqa anjam bole qa waueqnum deqa e tonto talq endi unum. Ariya ijo are koba agiende. E na Onesimus minjitqa a e ombla tonto talq endia sqas. Onesimus a ino kaŋgal tamo deqa a na e aqaryaibosim Kristus aqa anjam bole qa wauoqnqom di ni na dego e aqaryaibobulqam.

Filemon 1:13 ပူးပေါင်းရင်းမြစ်များ

1 Korin 16:17

Ariya Stefanas na Fortunatus na Akaikus na naŋgi qalub e qa bonub deqa e tulaŋ areboleboleibqo. Niŋgi e qa bqa keresai deqa naŋgi na kamba nuŋgo sawa osib e qa bonub.

Efesus 3:1

Qotei na niŋgi kumbra tulaŋ boledamu eŋgej anjam di e marsim laqnem deqa jeu tamo naŋgi na e ojsib tonto talq endia ateb unum. E Pol. E na niŋgi sawa bei bei qaji tamo niŋgi aqaryaiŋgwa osim deqa Kristus Yesus aqa wau di ojeqnum. Utru deqa e tonto talq endi unum.

Efesus 4:1

E Pol. E Tamo Koba Yesus aqa wau ojeqnum deqa e tonto talq endi unum. Qotei na niŋgi a dauryqa osiq metŋgej deqa e na nuŋgo are tigeltetŋgitqa niŋgi kumbra a tulaŋ areareteqnu qaji di dauryosib walweloqniye.

Filipai 1:7

Niŋgi ijo are miligiq di unub deqa e kere niŋgi qa degsim are qaleqnum. E tonto talq endi sqai kio e Kristus aqa anjam bole siŋgilatoqnsiy laqnqai kio di uŋgum. Qotei a e qa are tulaŋ boleiyosiq wau ebej deqa niŋgi kalil e beterbosib e ti koba na Qotei aqa wau ojeqnum.

Filipai 2:30

Epafroditus a Kristus aqa wau ojsiq deqa a moiqa jojomej. A aqa segi jejamu bole sqajqa deqa are qalosaioqnej. Agi niŋgi na Epafroditus wau yonabqa a na e aqaryaiboqnej. A wau deqa segi are qaloqnej.

Filemon 1:1

O Filemon, e Pol. E Kristus Yesus aqa wau tamo deqa jeu tamo naŋgi na e ojsib tonto talq endia waibeb unum. Aqo gago was Timoti wo anjam endi neŋgreŋyosim ni qa qariŋyonum. Ni gago Kristen was bole. Ni iga koba na wau qujai.

Filemon 1:10

E ino kaŋgal tamo Onesimus a qa are qalonum deqa e anjam endi ni mermqai. E tonto talq endia sonamqa Onesimus a ni uratmosiq ulaŋosiq Rom qureq bosiqa e itbej. E itbonaqa e Kristus aqa anjam minjnamqa a are bulyosiq Kristus qa aqa areqalo siŋgilatej. Deqa bini a ijo aŋgro bul unu. Deqa e ni mermqai, ni a kumbra bole yime.

Filemon 1:12

Ariya endego e a qariŋyonum a ni qa olo bqo. Deqa e a qa are ugeibqo. Di kiyaqa? E a tulaŋ qalaqalaiyeqnum deqa.