Efesus 6:16 - Yesus Aqa Anjam Bole

¹⁶ Niŋgi qoto qa iŋgi iŋgi kalil di jigekritosib ariya Kristus qa dego nuŋgo areqalo siŋgilatosib soqniye. Nuŋgo areqalo di dumu bul osib tigeloiye. Yimqa tamo uge Satan a na qaja ti ŋamyuo ti niŋgi qa waiyoqnimqa nuŋgo dumu dena niŋgi na qaja ti ŋamyuo ti di gotraŋyoqnqab.

Efesus 6:16 ပူးပေါင်းရင်းမြစ်များ

2 Korin 1:24

Niŋgi Yesus qa nuŋgo areqalo siŋgilateqnub nuŋgo areqalo di iga na taqatgwajqa e deqa merŋgosai. Iga qalieonum, niŋgi nuŋgo areqalo di siŋgila na ojsib tigelejunub. O was qu, niŋgi tulaŋ areboleboleiŋgwajqa deqa iga niŋgi ti waueqnum.

1 Tesalonaika 5:19

Qotei aqa Mondor na niŋgi kumbra bei yqa are tigeltetŋgimqa niŋgi na olo getentaib. Niŋgi kumbra di yiye.

Matyu 5:37

Niŋgi anjam bei marqa osibqa iŋgi bei na siŋgilataib. Od qa segi marsib said qa dego segi mariye. Niŋgi anjam bei totorysib marqab di niŋgi Satan aqa areqalo dauryqab.”

1 Tesalonaika 5:8

Ariya iga suwaŋ qaji tamo unum deqa iga areqalo bole ti sqom. Sosim iga Qotei qa gago areqalo siŋgilatoqnsim tamo naŋgi qalaqalainjroqnqom. Gago kumbra di iga siŋgilatosim qoto qa gara jugo bul jigsim tigelesqom. Osim iga mondoŋ Qotei na laŋ qureq joqsim oqwajqa deqa tariŋoqnqom. Gago kumbra di dego iga siŋgilatosim qoto qa gate tatal bul atsim tigelesosim ŋam atoqnqom.