Efesus 5:4 - Yesus Aqa Anjam Bole

⁴ Anjam jiga ti nanari anjam ti alaŋ anjam ti di dego niŋgi maroqnaib. Iga anjam deqaji maroqnqasai. Niŋgi anjam bei marqa oqnsib Qotei biŋiyoqniye.

Efesus 5:4 ပူးပေါင်းရင်းမြစ်များ

Mak 7:22

was aqa ŋauŋ anjamyoqa, was bei aqa ñoro qa maulyoqa, kumbra uge uge yoqa, gisaŋoqa, laŋa laŋa laoqa, was bei qa ugeoqa, was yomuiyoqa, naŋgo segi ñam soqtoqa, nanari kumbra yoqa.

Jon 6:23

Ariya qobuŋ qudei Taiberias qure uratosib bosib sawa Tamo Koba Yesus a nami Qotei pailyosiq tamo uŋgasari naŋgi iŋgi anainjrnaq uyeb qaji sawa di jojom di tiryeb.

Rom 1:28

Naŋgi Qotei aqa sorgomq di sqajqa are qalosaieqnub deqa Qotei a na naŋgi uratnjreqnaqa naŋgi naŋgo segi areqalo uge uge dauryoqnsib kumbra uge uge yeqnub.

2 Korin 1:11

Ariya niŋgi na dego nuŋgo pail na iga aqaryaigoqniye. Yim Qotei a tamo uŋgasari gargekoba naŋgo pail quoqnsim deqa iga aqaryaigoqnqas. Yoqnim tamo uŋgasari gargekoba naŋgi Qotei aqa kumbra di unoqnsib a biŋiyoqnqab.

2 Korin 9:15

Qotei a na iŋgi tulaŋ kobaquja iga egej. Iŋgi di agi Kristus qujai. Iŋgi di aqa utru iga geregere ubtsim marqa keresai. Qotei na iŋgi di iga egej deqa iga a tulaŋ biŋiyoqnqom.

Efesus 1:16

Deqa e Qotei pailyoqnsimqa e gaigai niŋgi qa are qaloqnsim Qotei biŋiyeqnum.

Efesus 4:29

Niŋgi nuŋgo medabu waqtoqnsib anjam uge uge maroqnaib. Niŋgi anjam bole segi maroqnsib dena tamo naŋgi gulube ti unub qaji naŋgi olo siŋgilatnjroqniye. Yoqnim naŋgi nuŋgo anjam di quoqnib dena Qotei a naŋgi qa are tulaŋ boleiyoqnsim kumbra bole bole enjroqnqas.

Filipai 4:6

Deqa niŋgi iŋgi bei qa areqalo kobaiyaib. Niŋgi gaigai nuŋgo gulube kalil qa Qotei pailyoqniye. Osib a biŋiyoqnsib minjoqniye, “O Abu, ni na iga aqaryaigoqne.”

Kolosi 3:8

Ariya bini niŋgi kumbra uge kalil di uratekritiye. Ŋiriŋ ti minjiŋ ti are uge ti yomu anjam ti anjam jiga ti di kalil uratekritiye.

1 Tesalonaika 3:9

Iga niŋgi qa are qaloqnsim deqa gago Qotei aqa ŋamgalaq di iga tulaŋ areboleboleigeqnu. Iga endegsi are qalonum. Gago arebolebole di tulaŋ kobaquja. Gago arebolebole di Qotei na egej deqa iga a tulaŋ biŋiyeqnum.

1 Tesalonaika 5:18

Kumbra kie nuŋgoq di brantoqnim, di uŋgum, niŋgi olo Qotei biŋiyoqniye. Qotei aqa areqalo agiende. Niŋgi Kristus Yesus beteryejunub deqa niŋgi kumbra degyoqniye.

Filemon 1:8

O Filemon, e ni kumbra bei yqajqa mermitqa ni que. E Kristus aqa ñam na ni siŋgila na mermqa kere. Ariya e ino kumbra bole qa qalieonum.

Hibru 13:15

Deqa iga bati gaigai Yesus aqa ñam na Qotei aqa ñam soqtoqnqom. Iga kumbra degyoqnqom di iga Qotei atraiyobuloqnqom. Od, bati gaigai iga gago medabu na Qotei aqa ñam soqtoqnqom.

2 Pita 2:18

Tamo naŋgi di naŋgo segi medabu waqtoqnsib diqoqnsib anjam uge uge mareqnub. Naŋgi na tamo qudei naŋgi walawalainjreqnab naŋgi sambala kumbra yoqnsib naŋgo segi jejamu aqa kumbra uge uge dauryeqnub. Tamo naŋgi di ya ya endi are bulyosib tamo uge naŋgo kumbra urateb. Ariya tamo uge naŋgi na olo naŋgi titnjreqnab naŋgi kumbra uge uge dauryeqnub.

2 Pita 2:7

Ariya Lot a kumbra tiŋtiŋ dauryo qaji tamo. Deqa a Sodom qureq di sosiqa tamo uge uge naŋgi kumbra ugeteqnabqa di unoqnsiqa are gulubekobaiyoqnej. Deqa Qotei na Lot olo osiqa sawa boleq di atnaqa a padalosai.

Jut 1:10

Ariya tamo uge naŋgi di tulaŋ diqoqnsib kumbra naŋgi poinjrosai qaji di olo misiliŋyeqnub. Naŋgi wagme juwaŋ bul tulaŋ nanariosib naŋgo segi jejamu qa areboleboleinjreqnaqa areqalo bole dauryqa urateqnub. Naŋgo kumbra deqa mondoŋ Qotei na naŋgi tulaŋ ñumougetqas.

Jut 1:13

Jagwa na yuwal tigelteqnaqa yuwal korkorteqnaqa mormaŋ aieqnu dego kere tamo naŋgi di kumbra uge uge babteleŋoqnsib naŋgi naŋgo kumbra uge deqa jemainjrosaieqnu. Naŋgi bongar bul laŋ goge dia naŋgo gam grotoqnsib laŋa laŋa laqnub dego kere. Deqa mondoŋ Qotei na tamo naŋgi di breinjrim sawa ambruq aieleŋosib bati gaigai dia sqab. Sawa ambru di Qotei na nami naŋgi gereiyetnjrej unu.