Efesus 4:30 - Yesus Aqa Anjam Bole

³⁰ Niŋgi na Qotei aqa Mondor Bole are gulube yaib. Mondor di Qotei aqa segi toqor. Mondor di a na niŋgi eŋgej. Deqa niŋgi qalieonub, niŋgi aqa segi tamo uŋgasari tiŋtiŋ unub. Mondoŋ Qotei na niŋgi awaiŋgosim sawa boleq di atim bati deqa niŋgi so bole gaigai sqab. Niŋgi di qalieqajqa deqa Qotei na aqa Mondor Bole niŋgi eŋgej.

Efesus 4:30 ပူးပေါင်းရင်းမြစ်များ

Mak 3:5

Onaqa Yesus a naŋgi koqnjrej. Naŋgi Yesus aqa anjam quqwajqa are sosai deqa a naŋgi qa are minjiŋ oqej. Osiqa tamo baŋ qandamyej qaji di minjej, “Ni ino baŋ waiy.” Degsi minjnaqa aqa baŋ waiyonaq boleej.

Luk 21:28

Ariya kumbra kalil di brantqa utru atoqnimqa niŋgi ulaaib. Niŋgi tigelosib tarosib ŋam atoqniye. Di kiyaqa? Qotei a niŋgi eleŋqajqa bati agi jojomqo.”

Jon 3:33

Tamo naŋgi Yesus aqa anjam ojeqnub qaji naŋgi a qa naŋgo areqalo siŋgilatoqnsib mareqnub, “Bole, Qotei a anjam bole qa utru.” Naŋgi degsib mareqnub.

Aposel 7:51

Stiven a anjam di kalil marekritosiq olo siŋgila na endegsi minjrej, “Niŋgi anjam gotraŋyo ani tamo. Nuŋgo are Qotei aqaq di sosai. Niŋgi sawa bei bei qaji tamo naŋgi bul. Sawa bei bei qaji tamo naŋgi Qotei qaliesai dego kere niŋgi dego Qotei qaliesai. Niŋgi Qotei aqa anjam quqwa urateqnub. Niŋgi bati gaigai Qotei aqa Mondor aqa anjam dego quqwa urateqnub. Nuŋgo moma naŋgi kumbra di yoqneb agi niŋgi na olo yeqnub.

Rom 8:11

Qotei a na aqa Ŋiri Kristus Yesus subq na olo tigeltej. Qotei aqa Mondor a nuŋgo are miligiq di unu deqa Qotei na aqa Mondor aqa siŋgila na nuŋgo jejamu moiqas qaji di dego olo subq na tigeltosim niŋgi ŋambile eŋgwas.

Rom 8:23

Iŋgi iŋgi kalil di naŋgi segi akamosai. Iga Qotei aqa Mondor ejunum deqa iga dego akamoqnsim unum. Qotei na aqa Mondor iga namo egej. Iga Qotei aqa aŋgro unum deqa iga dego jaqatiŋ oqnsim akamoqnsim unum. Mondoŋ Qotei na iga aqa segi aŋgro qa boleq na endegsi marqas, “Naŋgi ijo aŋgro kalil.” O was qu, bati di brantqajqa deqa iga tariŋoqnsim unum. Bati di brantimqa Qotei na gago jejamu bulyetgosim jejamu bunuj egwas.

1 Korin 1:30

Qotei a segi na niŋgi eleŋosiqa Kristus Yesus aqa baŋq di atej unub. Deqa Kristus aqa wau na iga Qotei aqa areqalo bole ti aqa powo ti unum. Aqa wau na iga tamo bole tiŋtiŋo unum. Aqa wau na iga Qotei aqa segi kumbra boleq di sosim walweleqnum. Aqa wau na Qotei na iga gago uneq dena olo awaigej deqa gago une na iga olo taqatgosai.

1 Korin 15:54

Bole, gago jejamu ugeqas qaji endi iga uratosim olo jejamu bei ugeqasai qaji di oqom. Gago jejamu moiqas qaji endi iga uratosim olo jejamu bei moiqasai qaji di oqom. Yim bati deqa Qotei aqa anjam bei nami neŋgreŋyeb qaji di aqa damu brantqas. Qotei aqa anjam agiende, “Qotei a tulaŋ siŋgilaosiq deqa a qoto buŋyosiq moio kobotej.

1 Tesalonaika 5:19

Qotei aqa Mondor na niŋgi kumbra bei yqa are tigeltetŋgimqa niŋgi na olo getentaib. Niŋgi kumbra di yiye.

Hibru 10:29

Ariya tamo bei a Qotei aqa Ŋiri qoreiyosim aqa ñam ugeugeiyqas di niŋgi kiersib are qalqab? Tamo di aqa une deqa a gulube tulaŋ kobaquja oqas. Kristus aqa leŋ na Qotei aqa anjam bunuj siŋgilatej deqa tamo di a anjam di dauryosiq a Qotei aqa segi tamo tiŋtiŋ soqnej. Ariya bunuqna a olo Yesus aqa leŋ di ugeugeiyosim Qotei aqa Mondor iga qa are boleiyeqnu qaji aqa ñam ugetqas di a une tulaŋ kobaquja yqas.

Hibru 3:10

Deqa e naŋgi qa minjiŋ oqnaqa marem, ‘Naŋgo are miligi na e daurbosaieqnub. Naŋgi gaigai ijo gam bole urateqnub.’

Hibru 3:17

Qotei a tamo yai naŋgi qa minjiŋ oqnaqa gilsi gilsiq wausau 40 koboej? Di Israel tamo uŋgasari agi nami une yoqnsib wadau sawaq di moreŋoqneb naŋgi.