Efesus 4:2 - Yesus Aqa Anjam Bole

² Osib niŋgi Kristen tamo uŋgasari naŋgo sorgomq di geregere sosibqa naŋgi lawo kumbra enjroqniye. Naŋgi niŋgi une bei eŋgibqa niŋgi kamba olo naŋgi qa urur minjiŋ oqaiq. Niŋgi olo naŋgi qalaqalainjroqnsib gulube naŋgi na niŋgi eŋgeqnub qaji di qoboiyetnjroqniye.

Efesus 4:2 ပူးပေါင်းရင်းမြစ်များ

Matyu 11:29

Niŋgi e qa geregere qalieosib ijo anjam aqa sorgomq di soqniye. Di kiyaqa? E na tamo naŋgi lawo kumbra enjroqnsim ijo segi ñam aguq ateqnum. Deqa niŋgi e qa qalieabqa iŋgi bei na niŋgi gulube eŋgwasai. Niŋgi aqaratqab.

Mak 9:19

Onaqa Yesus a anjam di qusiqa marej, “Niŋgi tamo uŋgasari bini bati endeqa unub qaji nuŋgo areqalo e qa siŋgilatosai bolesai? Bati gembub e niŋgi koba na sosiyqa nuŋgo gulube di qoboiyoqnqai? Aŋgro mel di ijo areq osi boiye.”

Rom 15:1

Iga Kristen tamo siŋgila ti unum qaji iga na Kristen was qudei siŋgila saiqoji unub qaji naŋgi aqaryainjroqnsim naŋgo gulube qoboiyetnjroqnqom. Iga gago segi jejamu aqaryaiyqajqa are qalqasai.

1 Korin 13:7

Tamo naŋgi qalaqalaiyo kumbra dauryqab di naŋgi gulube kalil qoboiyoqnqab. Osib naŋgi gaigai Qotei qa naŋgo areqalo siŋgilatoqnsib a mondoŋ olo bqas deqa tariŋoqnqab. Osib naŋgi gulube kalil qa siŋgila na tigelesqab.

Galesia 6:2

Niŋgi na nuŋgo Kristen was naŋgi aqaryainjroqnsib naŋgo gulube qoboiyetnjroqniye. Degsib qoboiyoqnqab kumbra dena niŋgi Kristus aqa dal anjam keretosib dauryqab.

Efesus 1:4

Tulaŋ nami Qotei a mandam atosaisosiqa a na iga Kristus beteryqajqa marsiq giltgej. Yim iga aqa segi kumbra boleq di sosim aqa ŋamgalaq di une saiqoji sqajqa deqa.

Kolosi 1:11

O was qu, iga niŋgi qa degsim Qotei pailyeqnum. Osim olo endegsi pailyeqnum, “O Abu, ni na ino segi siŋgila kobaquja osim Kolosi Kristen naŋgi enjroqnim naŋgi siŋgila na tigeloqnsib gulube kalil qoboiyoqnqab. Osib lawo na sosib gulube di koboqajqa bati qa tariŋoqnsib tulaŋ areboleboleinjroqnim sqab.”

1 Timoti 6:11

Ariya Timoti, ni Qotei aqa tamo deqa ni kumbra uge kalil deqaji torei qoreiyosim taqat ate. Osim ni kumbra tiŋtiŋ yoqnsim Qotei aqa kumbra dauryoqnsim a qa ino areqalo siŋgilatoqnsim tamo naŋgi qalaqalainjroqne. Osim ni gulube kalil qa siŋgila na tigeloqnsim tamo uŋgasari naŋgi lawo kumbra enjroqne.

2 Timoti 2:25

Ni na Qotei aqa wau tamo naŋgi minjrimqa naŋgi lawo na tamo naŋgi Qotei aqa anjam gotraŋyeqnub qaji naŋgo areqalo tingitetnjroqnebe. Yimqa Qotei na naŋgo are bulyetnjrimqa naŋgi aqa anjam bole poinjroqnim dauryoqnqab.

Jems 1:21

Deqa kumbra uge uge jigat kalil gaigai nuŋgoq di branteqnu qaji di niŋgi taqal waiyoqniye. Osib nuŋgo segi ñam aguq atoqnsib Qotei aqa anjam a nami nuŋgo are miligiq di atej unu qaji di niŋgi ojesoqniye. Ojesqab di Qotei a nuŋgo qunuŋ oqas.

1 Pita 3:15

Niŋgi nuŋgo are miligiq di Kristus atsib sosibqa a segi qujai nuŋgo Tamo Koba degsib are qaloqniye. Yimqa tamo qudei naŋgi nuŋgo kumbra di unsib endegsib nenemŋgoqnqab, “Niŋgi iŋgi bole kie qa tariŋoqnsib deqa niŋgi tulaŋ areboleboleiŋgeqnu?” Degsib nenemŋgoqnibqa niŋgi na kamba olo naŋgi anjam minjrqajqa gam gereiysib soqniye. O was qu, niŋgi bati gaigai degyoqniye.

1 Pita 3:8

Ariya e na ijo anjam endi kobotqa osiy niŋgi endegsi merŋgwai. Niŋgi kalil koba na geregere are qujaitosib soqniye. Sosibqa tamo kalil naŋgi qa duloqnsib Qotei aqa tamo uŋgasari naŋgi dego qalaqalainjroqnsib naŋgi qa are boleiŋgoqneme. Osib nuŋgo segi ñam aguq atoqniye.