Efesus 3:8 - Yesus Aqa Anjam Bole

⁸ Qotei aqa tamo uŋgasari kalil naŋgi na e tulaŋ buŋbejunub. Ariya Qotei a e qa are boleiyosiq wau ebej. E na sawa bei bei qaji tamo naŋgi Kristus aqa anjam bole minjre minjre laqajqa deqa osiq e wau ebej. Anjam bole di aqa utru agiende. Kristus na iga laŋ qaji iŋgi bole bole egeqnu. Iŋgi bole bole di aqa utru iga na ubtsim marqa keresai.

Efesus 3:8 ပူးပေါင်းရင်းမြစ်များ

Luk 14:22

Onaqa kaŋgal tamo a olo aisiqa tamo naŋgi di kalil joqsi bosiqa aqa tamo koba minjej, ‘O Tamo Koba, e ino anjam dauryosim agi naŋgi kalil joqsi bonum. Ariya ino tal tamo na maqosaiunu.’

Jon 1:16

A iga kalil qa are tulaŋ boleiyoqnsiqa iga geregereigeqnu.

Aposel 5:41

Onaqa naŋgi areboleboleinjrnaqa koro sawa di uratosib gileb. Naŋgi Yesus aqa ñam qa jaqatiŋ eb deqa Qotei a naŋgi qa marej, “Naŋgi Yesus aqa ñam qa siŋgilaonub deqa naŋgi jaqatiŋ oqa kere.” Qotei a naŋgi qa degsi marej deqa naŋgi areboleboleinjrnaq gileb.

Aposel 9:15

Onaqa Tamo Koba Yesus na Ananaias minjej, “Ni ijo anjam mermonum qaji endi daurye. Sol a ijo wau tamo. E na a giltonum deqa a na ijo ñam osi walwelosim sawa sawa kalilq dia tamo uŋgasari Qotei qaliesai qaji naŋgi ti mandor kokba ti Israel tamo uŋgasari naŋgi ti ijo ñam minjroqnqas.

Rom 11:33

O was qu, Qotei aqa kumbra ti aqa areqalo ti aqa powo ti di tulaŋ kokba. Di tulaŋ guma koba dego. Deqa iga na aqa areqalo di aqa utru geregere ubtsim marqa keresai. Aqa gam kalil dego iga dauryosim itqa keresai.

Rom 12:10

Niŋgi gaigai Qotei aqa segi tamo uŋgasari naŋgi nuŋgo was tiŋtiŋ edegosib naŋgi qalaqalainjroqniye. Niŋgi nuŋgo segi ñam tentoqnsib Kristen was naŋgo ñam olo soqtoqniye.

Rom 2:4

Ni que. Qotei a gaigai kumbra tulaŋ boledamu ni emoqnsiqa a ni qa tariŋsokobaiyeqnu. Deqa a urur ni awai uge emosaieqnu. Qotei aqa kumbra bole di ni unsim uge qa marsim gotraŋyqam e? Degaim. Ni are bulyqajqa deqa Qotei a ni qa are qaloqnsiq kumbra bole osormeqnu. Ni di qaliesai kio?

1 Korin 1:30

Qotei a segi na niŋgi eleŋosiqa Kristus Yesus aqa baŋq di atej unub. Deqa Kristus aqa wau na iga Qotei aqa areqalo bole ti aqa powo ti unum. Aqa wau na iga tamo bole tiŋtiŋo unum. Aqa wau na iga Qotei aqa segi kumbra boleq di sosim walweleqnum. Aqa wau na Qotei na iga gago uneq dena olo awaigej deqa gago une na iga olo taqatgosai.

1 Korin 15:9

E degsi maronum. Di kiyaqa? E nami Qotei aqa tamo uŋgasari naŋgi ugeugeinjroqnem. Deqa tamo naŋgi e Yesus aqa anjam maro tamo bolesai degsib merbqab di kere. Di kiyaqa? Ijo ñam tulaŋ aguq aiejunu deqa. Yesus aqa anjam maro tamo kalil naŋgi na e buŋbejunub.

1 Korin 2:9

Agi Qotei aqa anjam bei nami endegsib neŋgreŋyeb unu, “Laŋ qure qa iŋgi iŋgi di tamo naŋgo ŋamdamu na unosaieqnub. Naŋgo dabkala na quosaieqnub. Deqa naŋgi iŋgi iŋgi deqa are qalosaieqnub. Ariya iŋgi iŋgi di Qotei na tamo uŋgasari a tulaŋ qalaqalaiyeqnub qaji naŋgi gereiyetnjrej unu. Deqa mondoŋ naŋgi oqsib oqab.”

Galesia 1:16

Osiqa bati a nami atej qaji di brantonaqa a na aqa Ŋiri Yesus e osorbej. Yim e na aqa anjam bole osiy giloqnsiy tamo uŋgasari sawa bei beiq di unub qaji naŋgi minjre minjre laqajqa deqa. Onaqa bati di e na tamo qudei naŋgi endegsi nenemnjrosaioqnem, “Yesus a tamo kiero?” o “E Yesus aqa anjam kiersi palontoqnqai?” Qotei a segi na e giltbej deqa e tamo qudei naŋgi degsi nenemnjrosaioqnem.

Galesia 2:8

Od, Qotei na Pita siŋgila yej deqa a Juda tamo muluŋ uneqnub qaji naŋgo ambleq di wauoqnsiqa Kristus aqa anjam bole minjre minjre laqnu. Dego kere Qotei na e dego siŋgila ebej deqa e sawa bei bei qaji tamo naŋgo ambleq di wauoqnsimqa Kristus aqa anjam bole minjre minjre laqnum.

Efesus 2:7

Kristus Yesus aqa wau na Qotei na kumbra boledamu di iga egej. Di kiyaqa? A iga qa are tulaŋ boleiyej aqa kumbra di a na tamo kalil bunu bunu brantoqnqab qaji naŋgi osornjrqajqa deqa.

Efesus 3:1

Qotei na niŋgi kumbra tulaŋ boledamu eŋgej anjam di e marsim laqnem deqa jeu tamo naŋgi na e ojsib tonto talq endia ateb unum. E Pol. E na niŋgi sawa bei bei qaji tamo niŋgi aqaryaiŋgwa osim deqa Kristus Yesus aqa wau di ojeqnum. Utru deqa e tonto talq endi unum.

Efesus 3:16

Deqa e siŋga pulutoqnsim niŋgi qa endegsi Qotei pailyeqnum, “O Abu, ni iŋgi bole bole Efesus naŋgi gereiyetnjrem deqa ni na ino Mondor naŋgo are miligiq di atim soqnim dena naŋgi tulaŋ siŋgilaqab.

Efesus 3:2

E are qalonum, niŋgi endegsib queb, Qotei a niŋgi qa are tulaŋ boleiyeqnu anjam di e na merŋgwajqa deqa osiq a e qa dego are boleiyosiq wau ebej.

Filipai 2:3

Niŋgi nuŋgo segi jejamu qa are qalaib. Niŋgi nuŋgo segi ñam soqtqa are qalsib wauaib. Niŋgi nuŋgo segi ñam aguq atoqnsib endegsib are qaloqniye, “Ijo Kristen was qudei naŋgo kumbra tulaŋ boledamu. Naŋgo kumbra dena ijo kumbra buŋyejunu.”

Filipai 4:19

Iga Kristus Yesus aqa segi tamo uŋgasari unum deqa ijo Qotei na iŋgi bole bole iga egoqnqas. Deqa niŋgi iŋgi bei qa truquoqnibqa a na niŋgi eŋgoqnimqa niŋgi tulaŋ kere na sqab.

Kolosi 1:27

Qotei aqa segi areqalo na uli anjam di boleq atsiqa iga aqa segi tamo uŋgasari iga osorgej. Yim iga endegsi poigwajqa, Qotei aqa uli anjam di tulaŋ boledamu. Anjam dena Qotei na tamo uŋgasari kalil sawa bei beiq di unub qaji naŋgi aqaryainjrqas. Uli anjam di aqa damu agiende. Kristus a nuŋgo ambleq di unu. A na niŋgi eleŋosim laŋ qureq osi oqimqa dia niŋgi aqa iŋgi bole bole oqab.

1 Timoti 1:13

Bole, nami e Yesus aqa ñam misiliŋyoqnsim a jeutoqnsim a qa anjam uge maroqnem. Ariya e qalie, e nanari tamo sosim a qa ijo areqalo siŋgilatosaioqnem deqa e kumbra di yoqnem. Deqa bati di a e qa olo dulej.

1 Timoti 1:15

Kristus Yesus a na iga tamo uŋgasari une yeqnum qaji iga eleŋqa marsiq deqa mandamq aiej. Anjam di bole. Tamo kalil naŋgi qusib marqab, “Bole.” O Timoti, e nami une gargekoba yoqnem deqa e na une tamo kalil naŋgi tulaŋ buŋnjroqnem.

1 Timoti 2:7

Qotei a na e aqa anjam marsiy laqajqa deqa osiq e giltbej. Deqa e aqa anjam marqajqa wau ti. E bole mermonum. E gisaŋosai. E sawa bei bei qaji tamo uŋgasari naŋgi qa gilsiy Qotei aqa anjam minjroqnitqa naŋgi qusib Kristus qa naŋgo areqalo siŋgilatosib aqa anjam bole poinjrqajqa deqa osiqa e wau ebej.

2 Timoti 1:11

Qotei aqa areqalo agiende. E Kristus aqa anjam bole marsiy laqnqai. Qotei aqa areqalo degsi unu deqa a na e giltbosiq wau ebej. Deqa e Qotei aqa anjam palontoqnsim Kristus aqa ñam maroqnsim tamo uŋgasari naŋgi Qotei aqa kumbra osornjreqnum.

Uli Anjam 3:18

Deqa e ni endegsi mermqai. Ni ijoq dena gol ŋamyuo na yusiq milalej qaji di awaiyosim dena ni laŋ qure qa ñoro koba ti sqam. Gara qat dego awaiyosim jugwam dena ino jejamu kabutim tamo bei na ino yosi unqasai. Amqa ni jemaimqasai. Goreŋ dego awaiyosim dena ino ŋamdamu piyim ŋam poimqas.