Efesus 3:6 - Yesus Aqa Anjam Bole

⁶ Anjam di aqa utru agiende. Niŋgi sawa bei bei qaji tamo uŋgasari niŋgi Kristus aqa anjam bole qusib nuŋgo areqaloq di ateb deqa Qotei na niŋgi ti iga ti turtgosiqa sawa qujaiq di atej. Deqa iga kalil tamo qujaionum. Deqa iga ti niŋgi ti kalil iŋgi bole bole Qotei a nami iga Kristus Yesus aqa baŋ na egwajqa marej qaji di oqom.

Efesus 3:6 ပူးပေါင်းရင်းမြစ်များ

1 Korin 12:12

Tamo segi segi kalil naŋgi jejamu qujai. Ariya naŋgo jejamu miligiq dia sarqei gargekoba unub. Agi naŋgi baŋ ti siŋga ti ŋamdamu ti dabkala ti unub. Sarqei kalil di jejamu qujaiq di turtsib unub. Dego kere Kristus a dego degsi unu. Agi iga kalil Kristus aqa jejamu qujai.

1 Korin 12:27

Ariya niŋgi kalil Kristus aqa jejamu qujai. Niŋgi segi segi aqa jejamu sarqei unub.

Galesia 3:14

Qotei a nami Abraham kumbra bole yej deqa a olo sawa bei bei qaji tamo uŋgasari naŋgi dego kumbra bole enjrqa marej. Marsiq deqa bini a Kristus Yesus aqa wau na sawa bei bei qaji tamo uŋgasari naŋgi kumbra bole enjreqnu. Deqa iga Kristus qa gago areqalo siŋgilatqom di iga Qotei aqa Mondor oqom. Agi Mondor di Qotei a nami iga egwa marej.

Galesia 5:24

Tamo kalil Kristus Yesus beteryejunub qaji naŋgi na naŋgo areqalo namij ti naŋgo are prugnjrqajqa kumbra ti kalil ŋamburbasq di qamnab moiej.

Efesus 3:3

Qotei aqa anjam di nami ulitesoqnej. Ariya a na olo boleq atsiqa e osorbej. Agi e deqa anjam truquyala endego neŋgreŋyonum.

Efesus 5:30

Iga kalil Kristus aqa jejamu qujai. Iga segi segi aqa siŋga ti aqa baŋ ti unum.

Efesus 5:7

Deqa niŋgi tamo deqaji naŋgi ti beteroqnaib.

Kolosi 2:19

Tamo deqaji naŋgi Kristus beteryosaieqnub. Ariya Kristus a gago gate. Iga aqa jejamu qujai. Iga aqa siŋga ti baŋ ti bul. A na iga siŋgilatgeqnu deqa iga kalil jejamu qujaiq di turtejunum. Qotei aqa siŋgila na iga boleoqnsim siŋgilaeqnum.

1 Jon 1:3

Iga Anjam di gago ŋamdamu na unoqnem. Iga a quoqnem. Deqa iga a qa niŋgi dego merŋgeqnum. Yim niŋgi qusibqa iga ti areqalo qujaitosim sqajqa deqa. O was qu, iga gago Abu Qotei wo aqa Ŋiri Yesus Kristus wo naŋgi ti koba na areqalo qujaitosim unum.

1 Jon 2:25

Nami Kristus a na iga endegsi mergonaq quem, “E na niŋgi ŋambile eŋgitqa niŋgi ŋambile gaigai sqab.”