Efesus 3:21 - Yesus Aqa Anjam Bole

²¹ Deqa Qotei aqa segi tamo uŋgasari kalil naŋgi Kristus Yesus aqa ñam na Qotei aqa ñam bati gaigai soqtoqnsib gilsi gilsib diŋo bati itqab. Bole.

Efesus 3:21 ပူးပေါင်းရင်းမြစ်များ

Jut 1:25

Qotei a segi qujai Qotei bole. A gago Tamo Koba Yesus Kristus aqa wau na iga olo eleŋej. Deqa iga aqa ñam soqtoqnqom. A gago Mandor Koba siŋgila koba ti unu qaji. A na iŋgi iŋgi kalil taqatejunu. A nami degsi soqnej. A bini degsi unu. A bati gaigai degsi sqas. Bole.

Rom 11:36

O was qu, Qotei a iŋgi iŋgi kalil ateleŋej. A iŋgi iŋgi kalil qa utru. Iŋgi iŋgi kalil di aqa segi. Deqa iga bati gaigai aqa ñam soqtoqnqom. Bole.

2 Pita 3:18

Gago Tamo Koba Yesus Kristus agi iga eleŋej qaji a niŋgi qa are boleiyeqnu. Niŋgi a qa bole qalieonub. Ariya a niŋgi qa are boleiyeqnu aqa kumbra dena niŋgi olo siŋgilatŋgimqa niŋgi aqaq dena qalie koba oqniye. Kristus a ñam koba ti unu deqa iga bini bati endeqa aqa ñam soqtoqnqom. Osim bati gaigai aqa ñam soqtoqnsim sqom. Bole.

1 Pita 5:11

Qotei a bati gaigai siŋgila koba ti sqas. Bole.

Filipai 4:20

Qotei a gago Abu. A segi Qotei bole. Deqa iga bati gaigai aqa ñam soqtoqnqom. Bole.

Rom 16:27

Qotei qujai di a powo koba ti unu. Kumbra kalil a Yesus Kristus aqa baŋ na yoqnej qaji iga deqa are qaloqnsim aqa ñam gaigai soqtoqnqom. Bole.

1 Pita 2:5

Niŋgi dego tal aqa ai bul ŋambile unub. Qotei na niŋgi aqa segi tal sqa marsiq deqa aqa Mondor aqa siŋgila na niŋgi gereiŋgeqnu. Yim niŋgi aqa segi atra tamo boledamu sosib Yesus Kristus aqa ñam na nuŋgo segi jejamu Qotei atraiyoqnib a niŋgi qa tulaŋ arearetoqnqajqa deqa.

Hibru 13:21

Qotei qujai di a na niŋgi siŋgilatŋgoqnimqa niŋgi aqa areqalo geregere dauryosib kumbra bole bole yoqniye. A gago are miligiq di wauoqnimqa iga Yesus Kristus aqa wau na kumbra kalil a tulaŋ areareteqnu qaji di yoqnsim sqom. Iga kalil bati gaigai aqa ñam soqtoqnqom. Bole.

Filipai 2:11

Osib naŋgo medabu qujaitosib maroqnqab, “Yesus Kristus a segi Tamo Koba.” Yim kumbra dena naŋgi na Abu Qotei aqa ñam tulaŋ soqtoqnqab.

Galesia 1:5

Deqa iga Qotei aqa ñam bati gaigai soqtoqnqom. Bole.

2 Timoti 4:18

Deqa e qalieonum. Jeu tamo naŋgi boqnsib kumbra uge uge ebqa maroqnib Qotei na e aqaryaiboqnsim naŋgo baŋq dena e oqnsim taqal waiboqnqas. Osim bunuqna a na e laŋ qureq osi oqsim dia e taqatboqnsim ijo Mandor Koba sqas. Deqa iga bati gaigai aqa ñam soqtoqnqom. Bole.

Filipai 1:11

O was qu, kumbra bole kalil Yesus Kristus a segi na babteqnu qaji di nuŋgoq di tulaŋ kobaoqnqajqa deqa e niŋgi qa pailyeqnum. Yim tamo uŋgasari naŋgi nuŋgo kumbra di unsib Qotei aqa ñam soqtoqnqab.

Efesus 1:6

Aqa segi Aŋgro qujai Yesus a tulaŋ qalaqalaiyeqnu qaji aqa ñam na a iga qa are tulaŋ boleiyej. Deqa iga aqa kumbra deqa are qaloqnsim aqa ñam soqtoqnqom.

Luk 2:14

“Laŋ goge dia Qotei a ñam kobaquja oqo. Mandamq endia tamo uŋgasari naŋgi are lawo na soqnebe. Qotei a naŋgi qa are boleiyeqnu.”

Efesus 2:7

Kristus Yesus aqa wau na Qotei na kumbra boledamu di iga egej. Di kiyaqa? A iga qa are tulaŋ boleiyej aqa kumbra di a na tamo kalil bunu bunu brantoqnqab qaji naŋgi osornjrqajqa deqa.

Matyu 6:13

Satan na iga walawalaigosim uneq waigwa laqnimqa ni na Satan getentime. Yim kumbra uge bei na iga ugetetgwasai.’

Efesus 4:1

E Pol. E Tamo Koba Yesus aqa wau ojeqnum deqa e tonto talq endi unum. Qotei na niŋgi a dauryqa osiq metŋgej deqa e na nuŋgo are tigeltetŋgitqa niŋgi kumbra a tulaŋ areareteqnu qaji di dauryosib walweloqniye.