Efesus 3:17 - Yesus Aqa Anjam Bole

¹⁷ Osib naŋgi Kristus qa naŋgo areqalo siŋgilatqab dena Kristus a naŋgo are miligiq di sqas. O Abu, ni na Efesus naŋgi siŋgilatnjrimqa qalaqalaiyo kumbra naŋgo are miligiq di tulaŋ siŋgilatib soqnim naŋgi siŋgila na tigelesqab. Mandam na ŋam jirim ojesonaqa ŋam a siŋgila na tigelejunu dego kere.” O was qu, e niŋgi qa degsim Qotei pailyeqnum.

Efesus 3:17 ပူးပေါင်းရင်းမြစ်များ

Matyu 13:6

Naŋgo jirim tulaŋ guma aiosai deqa seŋ oqsiq kaŋkaŋonaqa naŋgi laosib moreŋeb.

Jon 14:17

Aqaryaiŋgo tamo di a anjam bole qa Mondor. Tamo uŋgasari mandamq endi unub qaji naŋgi Mondor di oqa keresai. Naŋgi a unosaieqnub. Naŋgi a qa qaliesai dego. Ariya niŋgi a qa qalie. A niŋgi koba na unub. Bunuqna a bosim nuŋgo are miligiq di sqas.

Jon 14:23

Onaqa Yesus na kamba minjej, “Tamo bei na e tulaŋ qalaqalaibqas di a ijo anjam dauryoqnqas. Yimqa ijo Abu na kamba tamo di qalaqalaiyimqa aqo ijo Abu wo aqaq bosim a ombla gaigai sqom.

Jon 17:23

E ijo segi tamo uŋgasari naŋgoq di unum. Ni ijoq di unum. Kumbra dena naŋgi kalil dego aqo aiyel koba na are qujaitosib sqab. Soqnibqa mandam endeqa tamo uŋgasari naŋgi na unjrsibqa qalieqab, ni na e qariŋbonam bem. Osib qalieqab, ni na e tulaŋ qalaqalaibeqnum dego kere ijo segi tamo uŋgasari naŋgi dego ni na tulaŋ qalaqalainjreqnum.

Jon 6:56

Tamo naŋgi ijo jejamu ti ijo leŋ ti uyqab di naŋgi e ombla sqab. E naŋgi ombla sqai.

Rom 5:5

Ariya iga laŋa tariŋosaieqnum. Qotei na aqa Mondor Bole iga egej deqa Mondor dena aqa qalaqalaiyo kumbra gago are miligiq di atej unu.

1 Korin 3:6

E wauq di iŋgi yagem. Apolos a na wau taqatoqnej. Ariya Qotei a segi na iŋgi boleteqnu.

1 Korin 8:1

Ariya e na sulum atrainjro qaji iŋgi iŋgi uyqajqa kumbra qa niŋgi merŋgwai. Tamo qudei naŋgi endegsib mareqnub, “Iga kalil powo ti unum.” Di naŋgi bole mareqnub. Ariya naŋgo powo dena naŋgi olo tulaŋ diqoqnsib naŋgo segi ñam soqtoqnsib laqnub. Ariya iga qalaqalaiyo kumbra dauryqom dena iga Kristen tamo uŋgasari naŋgo areqalo siŋgilatetnjroqnqom.

2 Korin 13:5

Niŋgi Kristus qa nuŋgo areqalo bole siŋgilateqnub kio sai kio deqa are qalsib nuŋgo segi kumbra tenemtoqniye. Niŋgi qaliesai kio, Yesus Kristus a nuŋgo are miligiq di unu? A niŋgi koba na sqasai di niŋgi a qa nuŋgo areqalo siŋgilaboletosai deqa.

2 Korin 6:16

Qotei aqa atra tal ti qotei gisaŋ naŋgo atra tal ti beterosib ombla sqa kere e? Di keresai. Niŋgi qalie, Qotei ŋambile gaigai unu qaji aqa atra tal agi iga segi unum. Agi Qotei aqa anjam bei nami endegsib neŋgreŋyeb unu, “E naŋgo ambleq di sosiy walweloqnqai. E naŋgo Qotei sqai. Naŋgi ijo segi tamo uŋgasari sqab.”

Galesia 2:20

Osim e olo ŋambile bunuj em. Ariya ŋambile di ijo segi ŋambile sai. Kristus a segi ijo are miligiq di ŋambile unu. Deqa bini kumbra kalil e mandamq endi yeqnum qaji di e Qotei aqa Ŋiri qa ijo areqalo siŋgilatosim yeqnum. Agi Qotei aqa Ŋiri a na e tulaŋ qalaqalaibosiq deqa a aqa segi ŋambile uratosiq e qa moiej.

Galesia 5:6

Tamo a Kristus Yesus beteryesqas di a marqas, iga muluŋ aiqom di laŋa. Iga muluŋ aiqasai di dego laŋa. Ariya iga Kristus qa gago areqalo siŋgilatosim dena iga qalaqalaiyo kumbra dauryoqnqom di kumbra bole utru ti.

Kolosi 1:23

Ariya une bei na niŋgi titŋgimqa Kristus aqa anjam bole niŋgi nami queb qaji di nuŋgo areqaloq di olo siŋgilatqa urataib deqa niŋgi nuŋgo areqalo Yesus qa bole siŋgilatoqnsib siŋgila na tigelesoqniye. E Pol. E Yesus aqa wau tamo deqa e anjam bole di tamo uŋgasari kalil mandamq endi unub qaji naŋgi minjroqnsim laqnum.

Kolosi 1:27

Qotei aqa segi areqalo na uli anjam di boleq atsiqa iga aqa segi tamo uŋgasari iga osorgej. Yim iga endegsi poigwajqa, Qotei aqa uli anjam di tulaŋ boledamu. Anjam dena Qotei na tamo uŋgasari kalil sawa bei beiq di unub qaji naŋgi aqaryainjrqas. Uli anjam di aqa damu agiende. Kristus a nuŋgo ambleq di unu. A na niŋgi eleŋosim laŋ qureq osi oqimqa dia niŋgi aqa iŋgi bole bole oqab.

Kolosi 2:7

Mandam na ŋam jirim ojesonaqa ŋam a siŋgila na tigelejunu dego kere niŋgi Kristus osib nuŋgo are miligiq di siŋgilatosib aqa kumbra dauryoqniye. Kristus aqa anjam bole iga nami niŋgi merŋgoqnem qaji di niŋgi osib nuŋgo areqaloq di siŋgilatosib soqniye. Osib niŋgi gaigai Qotei biŋiyoqniye.

1 Jon 4:16

Kumbra dena iga bole qalieonum, Qotei na iga tulaŋ qalaqalaigeqnu. Aqa qalaqalaiyo kumbra di gago are miligiq di unu. Deqa iga Qotei qa gago areqalo siŋgilateqnum. Qotei a segi qalaqalaiyo kumbra qa utru. Tamo a qalaqalaiyo kumbra dauryqas di a na Qotei beteryesqas. Yim Qotei na a kamba dego beteryesqas.

1 Jon 4:4

O ijo aŋgro kalil, niŋgi Qotei aqa tamo. Mondor Bole a nuŋgoq di unu. Ariya gisaŋ mondor a mandam tamo naŋgoq di unu. Mondor Bole a na gisaŋ mondor di tulaŋ buŋyeqnu. Deqa niŋgi na dego gisaŋ tamo naŋgi di gotraŋnjreqnub.

Uli Anjam 3:20

“‘Ni e nube. E siraŋmeq di tigelesosimqa kindokindoŋeqnum. Tamo bei a ijo kakoro qusimqa siraŋ waqtetbqas e miligiq gilsiy aqo ombla iŋgi uyqom.