Efesus 2:9 - Yesus Aqa Anjam Bole

⁹ Niŋgi wau bei yonab dena Qotei na niŋgi eleŋosai. Deqa tamo bei na aqa segi ñam soqtqa keresai.

Efesus 2:9 ပူးပေါင်းရင်းမြစ်များ

Rom 11:6

A naŋgo wau qa are qalsiq naŋgi giltnjrosai. A naŋgi qa are boleiyonaq dena a na naŋgi giltnjrej. Naŋgi wau bei yib Qotei a deqa are qalsiq naŋgi giltnjrej qamu a naŋgi qa are boleiyej kumbra di laŋa uloŋej qamu.

Rom 3:20

Deqa tamo bei a dal anjam dauryosim dena a Qotei aqa ŋamgalaq di tamo bole une saiqoji sqajqa tamo dego bei sosai. Dal anjam na iga gago une osorgeqnu. Di segi.

Rom 4:2

Abraham a kumbra bole yoqnej gam dena a Qotei aqa ŋamgalaq di tamo bole soqnej qamu a aqa segi ñam soqtqa kere. Ariya aqa kumbra dena a Qotei aqa ŋamgalaq di tamo bole sosai.

Rom 9:11

Ariya Qotei aqa kumbra gaigai dauryeqnu qaji di a dauryosiq aqa segi areqalo na aŋgro qujai giltej. A aŋgro aqa wau qa are qalosai. A segi na metosiq giltej. Deqa Rebeka na aqa aŋgro aiyel naŋgi di ŋambabtnjrosaisonaqa naŋgi aiyel kumbra bole ti kumbra uge ti yosaisonabqa Qotei na Rebeka endegsi minjej, “Aŋgro namo ŋambabqas qaji a di aŋgro bunu ŋambabqas qaji aqa wau tamo sqas.”

Rom 9:16

Deqa Qotei na tamo bei giltqas di tamo aqa areqalo na sai. Tamo aqa wau na sai. Qotei aqa segi are bole na a tamo bei giltqas.

2 Timoti 1:9

Qotei a na iga eleŋosiqa iga aqa segi tamo uŋgasari sqajqa deqa metgej. Iga nami kumbra bole yoqnem a deqa are qalsiq iga metgosai. Tulaŋ nami a iŋgi iŋgi kalil atosaisosiqa a aqa segi areqalo na iga metgosiqa Kristus Yesus aqa wau na iga qa are boleiyosiqa eleŋej.