Efesus 2:3 - Yesus Aqa Anjam Bole

³ Nami iga kalil dego tamo naŋgi di koba na laqnem deqa iga gago areqalo namij dauryoqnem. Iga gago jejamu qa areqalo uge uge dauryosim laqnem deqa Qotei aqa minjiŋ tamo uge uge naŋgoq di unu qaji di gagoq di dego soqnej.

Efesus 2:3 ပူးပေါင်းရင်းမြစ်များ

Jon 1:13

Naŋgo meani na ŋambabtnjro qaji dena naŋgi Qotei aqa aŋgro brantosai. Naŋgo segi areqalo na naŋgi Qotei aqa aŋgro brantosai. Tamo bei aqa areqalo na dego naŋgi Qotei aqa aŋgro brantosai. Qotei a segi na marej deqa naŋgi aqa aŋgro tiŋtiŋ branteb.

Jon 8:44

Niŋgi nuŋgo abu Satan aqa aŋgro. Niŋgi nuŋgo abu Satan aqa areqalo dauryqajqa tulaŋ siŋgilaeqnub. Satan a nami tamo qalo qaji tamo soqnej agi bini unu. A kumbra bole dauryosaieqnu. Di kiyaqa? A kumbra bole dauryqajqa torei urateqnu. A anjam marqas di a gisaŋ anjam segi marqas. A gisaŋ anjam qa utru. A gisaŋ tamo. A gisaŋ anjam kalil aqa abu.

Aposel 14:16

Bole, nami Qotei na sawa bei bei qaji tamo naŋgi uratnjreqnaqa naŋgi naŋgo segi areqalo dauryosib laqneb.

Rom 1:24

Naŋgi Qotei qoreiyeqnub deqa a na kamba naŋgi uratnjreqnaqa naŋgi kumbra tulaŋ uge uge jigat yoqnqajqa are prugnjreqnu. Kumbra dena naŋgi na naŋgo segi jejamu tulaŋ ugeugeiyeqnub.

Rom 11:30

Nami niŋgi Qotei aqa anjam gotraŋyoqneb. Ariya bini Israel naŋgi kamba Qotei aqa anjam gotraŋyeqnub. Gam dena Qotei a olo niŋgi qa are boleiyoqnsiq eleŋeqnu.

Rom 13:14

Niŋgi Tamo Koba Yesus Kristus beteryosib a gara bul jigsib soqniye. Sosib deqa niŋgi nuŋgo jejamu qa areqalo uge uge di dauryqajqa are qaloqnqasai.

Rom 2:14

Bole, sawa bei bei qaji tamo naŋgi dal anjam saiqoji unub. Ariya naŋgi qudei naŋgo segi areqalo na dal anjam aqa kumbra dauryeqnub. Bole, naŋgi dal anjam saiqoji unub. Ariya naŋgi dal anjam aqa kumbra dauryeqnub deqa iga qalieonum, dal anjam a naŋgo areqaloq di bole waueqnu.

Rom 5:10

Iga Qotei ti jeu sonamqa aqa Ŋiri a jeu kobotqa marsiq moiej. Deqa aqa wau dena iga bini Qotei ombla geregere unum. Ariya Qotei aqa Ŋiri a olo ŋambile unu. Deqa iga bole qalieonum, aqa ŋambile dena Qotei na iga olo oqas.

Rom 5:9

Kristus a moinaqa aqa leŋ aisiq gago une kobotetgej deqa bini Qotei a iga tamo bole une saiqoji qa mergeqnu. Deqa iga bole qalieonum, mondoŋ Qotei a Kristus aqa baŋ na iga oqas. Yim aqa minjiŋ oqwa batiamqa iga so bole sqom.

Rom 6:12

Deqa une na nuŋgo jejamu taqatqa laqnimqa niŋgi na olo saidyiye. Yim nuŋgo une na niŋgi titŋgimqa niŋgi nuŋgo jejamu qa areqalo uge uge dauryqasai. Nuŋgo jejamu agi bunuqna moiqas.

Rom 7:18

E qalieonum, ijo are miligiq di iŋgi bole bei sosai. E ijo areqalo namij qa maronum. Bole, e kumbra bole dauryqa are unu. Ariya e dauryqa keresai.

Rom 9:22

Qotei a segi dego kumbra di yeqnu. A na aqa minjiŋ boleq atimqa tamo kalil naŋgi aqa siŋgila kobaquja unsib qalieqajqa deqa a kumbra di yeqnu. Qotei a tamo qudei naŋgi qa minjiŋ oqetnjreqnu deqa naŋgi padalqa tariŋeqnub. Ariya Qotei na naŋgi urur padaltnjrosaieqnu. A naŋgi qa tariŋsokobaiyeqnu.

1 Korin 4:7

Tamo yai na niŋgi tamo kokba atqo unub? Iŋgi bei kie nuŋgoq di unu di Qotei na niŋgi eŋgosai? Nuŋgo iŋgi iŋgi kalil agi Qotei na niŋgi eŋgej. Deqa niŋgi kiyaqa nuŋgo segi ñam olo soqtosib nuŋgo segi siŋgila na iŋgi iŋgi kalil di ejunub degsib are qaleqnub?

2 Korin 7:1

O ijo was bole, iŋgi bole kalil di Qotei a nami iga egwa marej. Agi a na bini iga egeqnu. Deqa iga kumbra jigat kalil gago jejamu ti gago are miligi ti di unub qaji di torei uratekritqom. Osim dena iga Qotei aqa ŋamgalaq di une saiqoji sosim a qa ulaoqnsim gago jejamu ti gago are miligi ti torei Qotei yekritosim aqa segi kumbra boleq di sosim dauryoqnqom.

Galesia 3:22

Ariya degsi sosai. Agi Qotei aqa anjam bei nami endegsib neŋgreŋyeb unu, “Tamo uŋgasari kalil naŋgo une na naŋgi tonto talq di breinjrobuleqnu.” Qotei a nami anjam degsi marej. Di kiyaqa? Iga tamo uŋgasari Yesus Kristus qa gago areqalo siŋgilateqnum qaji iga na iŋgi bole bole Qotei a nami iga egwa marej qaji di olo oqajqa deqa.

Efesus 2:2

Bati deqa niŋgi mandam qa kumbra uge uge na walweloqneb. Niŋgi mondor uge uge laŋ goge di unub qaji naŋgo gate koba Satan aqa kumbra dauryoqneb. Satan a mondor uge siŋgila koba deqa a tamo naŋgi Qotei aqa anjam gotraŋyeqnub qaji naŋgo are miligiq di siŋgila na waueqnu.

Efesus 4:22

Nami niŋgi dego so namijq di sosib walweloqneb. So namij dena niŋgi gisa gisaŋgeqnaqa niŋgi kumbra uge uge yqajqa are prugŋgoqnej. Nuŋgo kumbra dena niŋgi padalqa gamq di soqneb. Ariya bini niŋgi so namij di torei uratosib

Kolosi 1:21

Nami niŋgi Kristus qa isaq di soqneb. Niŋgi nuŋgo segi areqalo na laqnsib Qotei ti jeu sosib kumbra uge uge yoqneb.

1 Tesalonaika 4:13

Ariya was qu, tamo uŋgasari nami moreŋeb qaji naŋgi mondoŋ kumbra kie turqab di niŋgi qalieqajqa deqa merŋgwom. Tamo uŋgasari Qotei qaliesai qaji naŋgi subq na tigelqa bati qa tariŋosaieqnub. Deqa naŋgo was bei a moiqas di naŋgi tulaŋ are ugeinjrqas. Ariya niŋgi degsib tulaŋ are ugeiŋgaim deqa anjam endi merŋgwom.

1 Tesalonaika 5:6

Deqa iga tamo naŋgi ŋereŋo ani naŋgi bul sqasai. Iga ŋam atoqnsim areqalo bole ti sqom.

1 Timoti 6:9

Ariya tamo naŋgi silali koba oqajqa are qaleqnub qaji naŋgi Satan na walawalainjroqnsiq uneq breinjreqnu. Agi aliem na wagme naŋgi eleŋeqnu dego kere. Deqa tamo naŋgi di kumbra uge uge yqajqa are prugnjroqnimqa kumbra dena naŋgi tulaŋ ugetnjroqnim naŋgi torei padalqab.

Taitus 3:3

Ni qalie, iga dego nami areqalo uge ti sosimqa Qotei aqa anjam gotraŋyoqnem. Bati di Satan a na iga gisa gisaŋgeqnaqa iga Qotei aqa gam bole dauryqa uratosim kumbra uge dauryqajqa are pruggeqnaqa gago segi jejamu qa tulaŋ areboleboleigoqnej. Kumbra dena iga siŋgila na ojesoqnej. Deqa iga minjiŋ ti are uge ti sosim walweloqnem. Tamo naŋgi na iga jeutgeqnabqa iga na kamba dego naŋgi jeutnjroqnem.

1 Pita 1:14

Sosib niŋgi aŋgro du du bulosib Qotei aqa anjam geregere qusib dauryoqniye. Nami niŋgi Qotei qaliesai deqa niŋgi areqalo uge uge dauryoqneb. Ariya bini niŋgi kumbra di olo dauryaib. Uratiye.

2 Pita 2:14

Naŋgi gaigai uŋa qa mamaulnjreqnu deqa naŋgi sambala kumbra yqajqa are qaleqnub. Naŋgi une yoqnqajqa tulaŋ arearetnjreqnaqa olo uratosaieqnub. Naŋgi na tamo qudei areqalo aiye aiyelteqnub qaji naŋgi walawalainjreqnabqa naŋgi daurnjroqnsib une yeqnub. Tamo naŋgi di tamo qudei naŋgo iŋgi iŋgi qa mamaulnjreqnu. Kumbra di naŋgi qalie bole. Deqa Qotei na naŋgi torei padaltnjrqas.

2 Pita 2:18

Tamo naŋgi di naŋgo segi medabu waqtoqnsib diqoqnsib anjam uge uge mareqnub. Naŋgi na tamo qudei naŋgi walawalainjreqnab naŋgi sambala kumbra yoqnsib naŋgo segi jejamu aqa kumbra uge uge dauryeqnub. Tamo naŋgi di ya ya endi are bulyosib tamo uge naŋgo kumbra urateb. Ariya tamo uge naŋgi na olo naŋgi titnjreqnab naŋgi kumbra uge uge dauryeqnub.

1 Jon 2:16

Mandam tamo naŋgo kumbra agiende. Naŋgi are prugnjreqnaqa iŋgi iŋgi qa mamaulnjreqnaqa diqoqnsib laqnub. Kumbra di Qotei Abu aqaq na bosai. Di mandam endeqa kumbra.

1 Jon 2:8

Ariya dal anjam e neŋgreŋyosim niŋgi qa qariŋyonum qaji endi dal anjam bunuj dego. Dal anjam bunuj endi Kristus a segi dauryoqnej. Niŋgi dego dauryeqnub. Di kiyaqa? Ambru a koboqa laqnaqa suwaŋ a olo brantej unu.