Efesus 2:19 - Yesus Aqa Anjam Bole

¹⁹ Deqa bini niŋgi olo yauŋ tamo sosai. Niŋgi Qotei aqa segi tamo uŋgasari naŋgi koba na unub. Niŋgi Qotei aqa tamo tiŋtiŋ unub.

Efesus 2:19 ပူးပေါင်းရင်းမြစ်များ

Matyu 10:25

Aŋgro a kobaqujaosimqa di aqa abu ombla kerekereqab. Kaŋgal tamo a powo koba osimqa di aqa tamo koba ombla kerekereqab. Jeu tamo naŋgi na tal aqa abu a ñam Belsebul waiyeqnub. Deqa iga qalieonum, naŋgi na aqa aŋgro naŋgi ñam tulaŋ ugedamu wainjrqab.”

Galesia 6:10

Deqa bati soqnimqa iga na tamo kalil naŋgi kumbra bole bole enjroqnqom. Ariya iga na olo Kristus aqa tamo uŋgasari naŋgi kumbra tulaŋ boledamu enjrqajqa siŋgilaoqnqom.

Efesus 2:12

bati deqa niŋgi Kristus aqaq di sosai. Niŋgi isaq di soqneb. Niŋgi Israel tamo uŋgasari naŋgi ti sosai dego. Qotei na Israel naŋgi iŋgi bole bole enjrqa minjrsiqa aqa anjam di siŋgilatosiq soqnej. Ariya anjam di a na niŋgi merŋgosai. Deqa iŋgi bole bole mondoŋ brantqas qaji deqa niŋgi tariŋosaioqneb. Niŋgi mandamq endia laŋa Qotei qaliesai soqneb.

Efesus 3:15

A tamo kalil laŋ ti mandam ti di unub qaji naŋgo Abu sosiq deqa a naŋgo ñam breiyetnjreqnu.

Efesus 3:6

Anjam di aqa utru agiende. Niŋgi sawa bei bei qaji tamo uŋgasari niŋgi Kristus aqa anjam bole qusib nuŋgo areqaloq di ateb deqa Qotei na niŋgi ti iga ti turtgosiqa sawa qujaiq di atej. Deqa iga kalil tamo qujaionum. Deqa iga ti niŋgi ti kalil iŋgi bole bole Qotei a nami iga Kristus Yesus aqa baŋ na egwajqa marej qaji di oqom.

Filipai 3:20

Ariya iga laŋ goge qaji tamo unum deqa mondoŋ Tamo Koba Yesus Kristus a laŋ qureq dena mandamq aisim iga oqas. Deqa bini iga a qa tariŋoqnsim unum.

Hibru 11:13

O was qu, Abel na Enok na Noa na Abraham na Sara na naŋgi kalil Qotei qa naŋgo areqalo siŋgilatesosib gilsib moreŋeb. Naŋgi mandam endia sosibqa iŋgi bole bole Qotei na nami naŋgi enjrqa minjrej qaji di naŋgi eleŋosai. Ariya naŋgi iŋgi di oqajqa tariŋesosibqa tarosib laŋ qure koqyosib isaq na iŋgi di unsib deqa areboleboleinjrej. Deqa naŋgi maroqneb, “Iga mandam endi so boleiyqasai. Iga mandamq endia yauŋ tamo bulosim sokiñala sosim bunuqna iga mandam endi uratqom.” O was qu, naŋgi anjam di marqajqa jemainjrosai.

Hibru 13:14

Iga qalie, mandam endia qure unub di kalil koboqab. Deqa iga yauŋ tamo bul qure utru saiqoji laŋa unum. Ariya mondoŋ iga laŋ qureq oqsim dia gaigai sqom. Deqa iga qure deq oqwajqa tariŋeqnum.

1 Pita 2:11

O ijo kadoi bole, nuŋgo qure bole agi laŋ goge di unu. Deqa niŋgi mandamq endia yauŋ tamo bulosib unub. Deqa e na niŋgi endegsi merŋgwai. Niŋgi nami nuŋgo areqalo namij dauryqajqa are prugŋgoqnej. Ariya areqalo namij di nuŋgo qunuŋ ti ombla qoteqnub. Deqa niŋgi nuŋgo areqalo namij di uratosib qoreiyiye.

1 Jon 3:1

Bole, gago Abu Qotei a na iga tulaŋ qalaqalaigeqnu! A na iga aqa segi aŋgro tiŋtiŋ sqa marsiq iga giltgej. Deqa iga bole qalieonum, iga Qotei aqa aŋgro bole. Tamo naŋgi mandamq endi unub qaji naŋgi Qotei qa qaliesai. Deqa naŋgi iga qa dego qaliesai.