Efesus 2:1 - Yesus Aqa Anjam Bole

¹ Nami niŋgi une yoqnsib laqneb deqa niŋgi moreŋesoqneb. Niŋgi moio tamo buleb.

Efesus 2:1 ပူးပေါင်းရင်းမြစ်များ

Matyu 8:22

Onaqa Yesus na minjej, “Uŋgum. Tamo moio qaji naŋgi segi na tamo moio qaji naŋgi subq ateleŋoqnqab. Ariya ni bosim e daurbe.”

Luk 15:24

Iga degyqom. Di kiyaqa? Ijo aŋgro yala a moiobulosiq agi olo ŋambile sosiq bqo deqa. A loumej agi gagoq di brantqo.’ Degsi minjrnaqa naŋgi urur ti gilsib bulmakau goisib koba na awoosib areboleboleinjrnaq soqneb.

Luk 15:32

Ariya bini iga maruro atsimqa areboleboleigeqnu. Di kiyaqa? Ino was a moiobulosiq agi olo ŋambile sosiq bqo deqa. A loumej agi gagoq di olo brantqo.’”

Jon 10:10

“Bajiŋ tamo naŋgi iŋgi bei qa bosaieqnub. Naŋgi kaja bajiŋosib ñumqajqa deqa beqnub. Ariya e degyqa bosai. E na kaja naŋgi ŋambile enjritqa naŋgi ŋambile sqajqa e deqa bem.

Jon 14:6

Onaqa Yesus na minjej, “E segi gam. E segi anjam bole qa utru. E segi ŋambile qa utru dego. Deqa tamo bei a gam bei na ijo Abu aqaq oqwa keresai. Ijo Abu aqaq oqwajqa gam agi e segi qujai.

Jon 5:21

Ijo Abu na tamo moreŋo qaji naŋgi olo ŋambile enjroqnsiqa subq na tigeltnjreqnu. Deqa e Qotei aqa Ŋiri e kamba dego ijo segi areqalo na tamo naŋgi ŋambile enjreqnum.

Jon 5:25

“Niŋgi quiye. E bole merŋgwai. Bati bei brantqas agi brantqo. Deqa tamo uŋgasari moreŋo qaji naŋgi ijo kakoro qusib dena naŋgi ŋambile oqab. Di kiyaqa? E Qotei aqa Ŋiri deqa.

Rom 8:2

Di kiyaqa? Niŋgi segi segi Kristus Yesus aqa tamo deqa. Qotei aqa Mondor Bole iga ŋambile egej qaji a na niŋgi aqaryaiŋgej deqa une ti moio ti na niŋgi olo taqatŋgwa keresai. Qotei aqa Mondor a segi na niŋgi taqatŋgeqnu.

1 Korin 15:45

Agi Qotei aqa anjam bei nami endegsib neŋgreŋyeb unu, “Adam namij a mandam qaji ŋambile osi soqnej.” Ariya Adam bunuj a bunuqna bosiqa a segi Mondor ti sosiqa tamo uŋgasari naŋgi laŋ qaji ŋambile enjrej. Adam bunuj di Kristus.

2 Korin 5:14

Kristus a na iga tulaŋ qalaqalaigej. Aqa kumbra dena a gago areqalo tigeltetgej deqa iga waueqnum. Di kiyaqa? Iga qalieonum, tamo qujai Yesus a gago kalil qa sawa osiq moiej deqa iga kalil dego moreŋem.

Efesus 4:18

Naŋgo qalie ti powo ti tulaŋ ambruejunu. Naŋgi tulaŋ nanarioqnsib laqnub. Naŋgo are miligi geteŋejunu. Deqa Qotei aqa ŋambile naŋgoq di sosai.

Efesus 5:14

Suwaŋ dena iŋgi qudei boleq ateqnaqa iŋgi di suwaŋobuleqnu. Agi anjam bei endegsi unu, “Ni tamo ŋeiejunum qaji ni olo subq na tigel. Yim Kristus a na ni suwaŋ emqas.”

Kolosi 2:13

Nami niŋgi une ti sosib deqa niŋgi kumbra uge uge yoqneb. Niŋgi nuŋgo areqalo namij aqa kumbra dauryoqneb dena nuŋgo qunuŋ moreŋesoqneb. Ariya Qotei na niŋgi olo Kristus koba na ŋambile eŋgsiqa nuŋgo une kalil kobotetŋgej.

1 Timoti 5:6

Ariya uŋa qobul qudei naŋgi naŋgo segi jejamu qa areqalo uge uge dauryeqnub. Deqa naŋgi moiobule-junub.

1 Jon 3:14

Iga na gago Kristen was naŋgi qalaqalainjreqnum deqa iga endegsi qalieonum, iga padalqa gam uratosim agi ŋambile gaigai sqajqa gamq di unum. Ariya tamo naŋgi naŋgo Kristen was naŋgi qalaqalainjro-saieqnub qaji naŋgi padalqa gamq di unub.

Uli Anjam 3:1

Yesus a na e degsi merbsiqa olo endegsi merbej, “Sardis qureq dia tamo uŋgasari naŋgi ijo ñam qa koroosib loueqnub qaji naŋgo laŋ aŋgro qa anjam endegsim neŋgreŋyosim aqaq qariŋye, ‘E Yesus. E Qotei aqa Mondor 7-pela ejunum. E bongar 7-pela dego ojejunum. E na anjam endi ni qa qariŋyonum. Kumbra kalil ni yeqnum qaji di e qalieonum. Ino kumbra di bolesai. Naŋgi ni qa mareqnub, “Ni ŋambile ti.” Di sai. Ni moiem.